Skip to content

Skip to table of contents

Zimbangi zi Yave

Select language Ibinda

Mintambu Fweti Tina bo Wunlonga Mutu Kibibila

Mintambu Fweti Tina bo Wunlonga Mutu Kibibila
TALA

Mintambu Fweti Tina bo Wunlonga Mutu Kibibila

Bika Kuvyoka Tuba ke na Mutu Wunlonguka: Bika kutomba kusudikisa mambu moso madi mu kilongulu. Kibila Yesu wusadila byuvu mwingi kusadisa batu kubakula kyedika bafeka. (Matai 17:24-27) Byuvu bimbwelanga mayangi kwidi mutu wunlonguka ayi bilenda kusadisa kubakula ti nandi wumvisa mambu kanlonguka voti ndamba. (be 253 ¶3-4) Ngye kuvana kyuvu, fweti vingila, bika fika vana mvutu. Boti mvutu kaveni wisi ko wawu, muna fweti vana kyuvu kinkaka mwingi kabakula mvutu wufweni. (be 238 ¶1-2) Tubila mu phila yilenda sadisa nlonguki kuvisa mayindu wukunzabikisa.​—be 230 ¶4.

Keba Mambu Malenda Kuntula Divuda: Keba kubundisanga mambu makhambulu mu Twadusulu voti mu kilongulu. (Yoane 16:12) Tubila to mambu mankinza madi mu kindwika ki matangu. (be 226 ¶4-5) Kutomba kutubila mambu moso ngye zebi mu kindwika ki matangu, malenda kuvanga kuzimbisa diyindu dinkinza didi mu dilongi. (be 235 ¶3) Boti nlonguki be visa dilongi dinkinza didi mu malongi, muna fweti kwenda mu kitini kinkaka ki dilongi.

Bika to Kutomba Kumanisa madi mu Kilongulu: Kibila mayindu mitu ma kukotisa mambu ma Nzambi mu mintima mi batu masi ko to ma kumanisa bilongulu. (Luka 24:32) Bikila dyambu di Nzambi di twama ntwala mu malongi maku, bo wunlandakana matangu ma Kibibila madi mu dilongi. (2 Kolinto 10:4; Ebeleo 4:12; be 144 ¶1-3) Sadila bifwani bifweni voti bidedimini. (be 245 ¶2-4) Mu dilongi munlonguka, tubila mvandi mambu matedi nlonguki ayi mambu kantelanga mana bo wunsadila byuvu dedi abibi: “Bwidi wummwena mambu wunlongukanga?” “Mbi ma kulonga mu matedi Yave?” “Ndandu mbi wulenda baka ngye kuzingila mawu?”​—be 238 ¶3-5; 259 ¶1.