Skip to content

Skip to table of contents

Zimbangi zi Yave

Select language Ibinda

 ZINGILA MU BUKLISTO

Bwidi bu kubela nlonguki wumbote wu Dyambu di Nzambi?

Bwidi bu kubela nlonguki wumbote wu Dyambu di Nzambi?

Ngye tidi kuba mutu wukwikama buka Danieli mu thangu wumvyokila mu ziphasi? Danieli wuba nlonguki wumbote wu dyambu di Nzambi bila waba fyonguninanga zimbikudulu zi Kibibila. (Danieli 9:2) Kuba nlonguki wumbote wu Kibibila kulenda kusadisa wutatamana kuba wukwikama. Vayi bwidi? Kuvanga mawu kulenda bwela kiminu kyaku ti bukyedika zikhanu zi Yave zyala salama. (Yosua 23:14) Mvandi malenda kusadisa kubwela luzolo lwaku mu Nzambi, ayi kutomba kuvanga mambu masulama va meso mandi. (Minkunga 97:10) Angi bwidi wulenda tonina? Landakana malongi amama malenda kusadisa.

  • Mambu mbi yilenda longuka? Kuba kifu kimbote ki kulonguka Kibibila, kuntombulu mvandi kukubika zikhutukunu. Matangu maku ma Kibibila va khati sabala mala luta ba mambote, ngye kubotula thangu mwingi kufyongunina mambu mo wukhambu visa bubote. Bankaka basolanga kulonguka matedi zimbikudulu zi Kibibila, zikhadulu zi phevi yinlongo yi Nzambi, ayi mambu mvwala Polo kavanga bo kaba mu kisalu ki misioni, voti kulonguka matedi bivangu bi Yave. Mvandi wulenda kwaku sonika kyoso kwa kyuvu widi divuda mwingi kutubila mu ndongukulu’aku yi Kibibila.

  • Kwidi yilenda bakila malongi? Tala video yintuba Kiswekulu ki Zibuku Mwingi Kutombila Kyuka Kidi mu Dyambu di Nzambi. Mo wuzaba ma wulenda nunga, fyongunina mambu masonama mu buku yi Danieli kapu 7 yintubila mintinu mi nza banfwanikisila mu bibulu.

  • Thangu kwa yilenda vanga mu ndongukulu’ami? Kuba kifu ki kulongukanga Kibibila kulenda sadisa mutu kaba kiphevi kimbote. Boti kuba, wulenda tona mu kuvanga mawu mu thangu yi khufi, bosi kuntwala wunkwiza bwela thangu. Tulenda fwanikisa ndongukulu yi Dyambu di Nzambi buka kutomba kyuka kiswama; bo wumbakula kiawu, buawu buna wumbwedila phwila yi kubwe tomba! (Zingana 2:3-6) Mvandi wala luta zola Dyambu di Nzambi ayi kuvanganga ndongukulu yi Kibibila kyala ba kifu kyaku ki kadika kilumbu.​—1 Petelo 2:2.

MBI BIMMONISA BIBULU MU BUKU YI DANIELI KAPU 7?

  • Danieli 7:4

  • Danieli 7:5

  • Danieli 7:6

  • Danieli 7:7

NTINU WUNNENI WU NZA:

Bwidi mambu masonama mu buku yi Danieli 7:8, 24 masundukila?

MAKANI MANLANDA::

Mbi bibulu bisonama mu buku yi Nzaikusu 13 bimmonisa