Lọ́jọ́ Saturday January 12, 2019, a mú Bíbélì Mímọ́ ti Ìtumọ̀ Ayé Tuntun jáde lédè Isoko, nílùú Benin, lórílẹ̀-èdè Nàìjíríà. Ọjọ́ yẹn náà la mú Bíbélì Ìtumọ̀ Ayé Tuntun tá a tún ṣe jáde lédè Yorùbá. Lọ́jọ́ yẹn kan náà, a mú ìwé Mátíù jáde látinú Bíbélì Ìtumọ̀ Ayé Tuntun ní Èdè Àwọn Adití Lọ́nà ti Ilẹ̀ Gẹ̀ẹ́sì, nílùú Dudley, agbègbè West Midlands, nílẹ̀ Gẹ̀ẹ́sì.

A tún mú Bíbélì Ìtumọ̀ Ayé Tuntun jáde ní èdè méjì ọ̀tọ̀ọ̀tọ̀ lórílẹ̀-èdè Philippines. Àkọ́kọ́ ni Bíbélì Ìtumọ̀ Ayé Tuntun tá a tún ṣe lédè Cebuano, èyí tá a mú jáde ní January 12, 2019 ní Lapu-Lapu City, ìpínlẹ̀ Cebu. Lọ́jọ́ tó tẹ̀ lé e, a mú Bíbélì Ìtumọ̀ Ayé Tuntun jáde lédè Waray-Waray nílùú Palo, ìpínlẹ̀ Leyte. Ní báyìí, a ti túmọ̀ Bíbélì Ìtumọ̀ Ayé Tuntun lódindi tàbí lápá kan sí èdè mọ́kàndínlọ́gọ́sàn-án (179), èyí tá a tún ṣe lọ́dún 2013 la fi túmọ̀ méjìdínlógún (18) lára ẹ̀.