Ní September 6, 2019 nílùú Johannesburg ní South Africa, a mú Bíbélì Mímọ́ ti Ìtumọ̀ Ayé Tuntun jáde lédè Venda, a sì tún mú Bíbélì Ìtumọ̀ Ayé Tuntun tá a tún ṣe jáde lédè Afrikaans àti Xhosa. Lọ́jọ́ kejì nílùú Ostrava ní Czech Republic, a mú Bíbélì Ìtumọ̀ Ayé Tuntun tá a tún ṣe jáde lédè Czech àti Slovak. Bakan náà la ti mú Bíbélì Ìtumọ̀ Ayé Tuntun jáde lédè Turkmen.

Ní báyìí, a ti túmọ̀ Bíbélì Ìtumọ̀ Ayé Tuntun lódindi tàbí lápá kan sí èdè mẹ́rìnlélọ́gọ́sàn-án (184), èyí tá a tún ṣe lọ́dún 2013 la fi túmọ̀ mọ́kàndínlọ́gbọ̀n (29) lára ẹ̀.