Lọ wo ohun tó wà nínú rẹ̀

Lọ wo ohun yíyàn míì

Àwa Ẹlẹ́rìí Jèhófà

Yorùbá

APRIL 24, 2015
MEXICO

A Mú Ìwé Mímọ́ Kristẹni Lédè Gíríìkì ní Ìtumọ̀ Ayé Tuntun Jáde Lédè Tzotzil Lórílẹ̀-èdè Mẹ́síkò

A Mú Ìwé Mímọ́ Kristẹni Lédè Gíríìkì ní Ìtumọ̀ Ayé Tuntun Jáde Lédè Tzotzil Lórílẹ̀-èdè Mẹ́síkò

Geoffrey Jackson, tó jẹ́ ara Ìgbìmọ̀ Olùdarí Àwa Ẹlẹ́rìí Jèhófà mú Ìwé Mímọ́ Kristẹni Lédè Gíríìkì ní Ìtumọ̀ Ayé Tuntun jáde Tzotzil. Ó wọ aṣọ Jerkil, ìyẹn aṣọ ìbílẹ̀ àwọn Tzotzil tí wọ́n fi òwú ṣe.

MEXICO CITY—Àwa Ẹlẹ́rìí Jèhófà mú Ìwé Mímọ́ Kristẹni Lédè Gíríìkì ní Ìtumọ̀ Ayé Tuntun jáde lédè Tzotzil ní àpéjọ àgbègbè kan tá a ṣe ní December 26-28, 2014, nílùú Tuxtla Gutierrez, ìpínlẹ̀ Chiapas. Èdè Tzotzil tí àwọn ẹ̀yà Maya ń sọ la fi ṣe Àpéjọ Àgbègbè “Ẹ Kọ́kọ́ Máa Wá Ìjọba Ọlọ́run!” Wọ́n wá ṣe àtagbà rẹ̀ sí Comitan, Chiapas. Yàtọ̀ sí Bíbélì yẹn, gbogbo àwọn ẹgbẹ̀rún márùn-ún ó lé mẹ́tàléláàádọ́rin [5,073] tó wà ní ìpàdé náà tún gba ìwé tuntun mẹ́fà míì tí wọ́n mú jáde lédè Tzotzil.

Gamaliel Camarillo tó jẹ́ agbẹnusọ fún àwa Ẹlẹ́rìí Jèhófà lórílẹ̀-èdè Mẹ́síkò sọ pé: “Ìdùnnú ṣubú layọ̀ fún wa bá a ṣe mú Ìwé Mímọ́ Kristẹni Lédè Gíríìkì ní Ìtumọ̀ Ayé Tuntun jáde lédè Tzotzil. Ojú wa ti wà lọ́nà láti fún àwọn aládùúgbò wa tó ń sọ èdè Tzotzil ní Bíbélì náà.”

Àwọn Ẹlẹ́rìí tó ń sọ èdè Tzotzil ń lo Ìwé Mímọ́ Kristẹni Lédè Gíríìkì ní Ìtumọ̀ Ayé Tuntun tí wọ́n ṣẹ̀ṣẹ̀ gbà ní àpéjọ tí wọ́n ṣe ní ìpínlẹ̀ Chiapas, lórílẹ̀-èdè Mẹ́síkò.

Bí Iléeṣẹ́ Ètò Ẹ̀kọ́ lórílẹ̀-èdè Mẹ́síkò ṣe sọ, àwọn tó ń sọ èdè Tzotzil tó ọ̀kẹ́ mẹ́tàdínlógún ààbọ̀ [350,000] ní ìlú Baja California, Campeche, Chiapas, Oaxaca, àti Veracruz. Ká lè wàásù ìhìnrere fún àwọn tó ń sọ èdè Tzotzil, àwa Ẹlẹ́rìí Jèhófà ṣí ọ́fíìsì àwọn atúmọ̀ èdè sí ìlú San Cristobal de las Casas, ní ìpínlẹ̀ Chiapas. Àwọn mẹ́ẹ̀ẹ́dógún ló ń túmọ̀ èdè Tzotzil ní ọ́fíìsì náà. Ọdún 2002, làwa Ẹlẹ́rìí Jèhófà kọ́kọ́ mú ìwé jáde lédè Tzotzil. Ní báyìí, a ti ní ìwé tó lé ní ọgọ́ta [60] táwọn èèyàn lè wà jáde ní èdè Tzotzil láti ìkànnì wa, ìyẹn jw.org.

Agbẹnusọ fún Àwa Ẹlẹ́rìí Jèhófà:

Oríléeṣẹ́: J. R. Brown, Ọ́fíìsì Agbéròyìnjáde, tẹlifóònù +1 718 560 5000

Mẹ́síkò: Gamaliel Camarillo, tẹlifóònù +52 555 133 3048