Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

“Fi Ayọ̀ Kọrin” sí Jèhófà

 ORIN 36

À Ń Dáàbò Bo Ọkàn Wa

Yan Àtẹ́tísí
À Ń Dáàbò Bo Ọkàn Wa
WÒÓ
Ọ̀rọ̀

(Òwe 4:23)

  1. 1. Ká máa dáàbò bo ọkàn wa

    Tí a bá fẹ́ ríyè.

    Ọlọ́run ń yẹ ọkàn wa wò,

    Ó mọ ẹni tá a jẹ́.

    Tá a bá jẹ́ kọ́kàn wa tàn wá,

    Ó lè ṣì wá lọ́nà.

    Ká jẹ́ kí èrò inú wa

    Bá ti Jèhófà mu.

  2. 2. À ń gbàdúrà tó tọkàn wá,

    À ń dúpẹ́ lọ́wọ́ Jáà.

    Ìgbà gbogbo là ń fìyìn fún un

    Torí pó ń tọ́jú wa.

    À ń ṣègbọràn sáwọn ẹ̀kọ́

    Tí Jèhófà ń kọ́ wa.

    Tọkàntọkàn là ń ṣèfẹ́ rẹ̀;

    A dúró ṣinṣin sí i.

  3. 3. Ohun tó tọ́ là ń fọkàn rò,

    À ń sá féròkerò.

    À ń kẹ́kọ̀ọ́ Ọ̀rọ̀ Ọlọ́run,

    Ayé wa ń dára sí i.

    Ọkàn wa balẹ̀ torí pé

    Jáà fẹ́ràn olóòótọ́.

    A ó máa fi tọkàntọkàn sìn ín

    Títí ayérayé.