WÒÓ
Ọ̀rọ̀
Àwòrán

(Sáàmù 127:3-5)

  1. 1. Tí tọkọtaya bá bímọ,

    Tí àwọn méjèèjì wá di òbí,

    Iṣẹ́ ńlá ni Jèhófà fún wọn

    Pé kí wọ́n tọ́jú ọmọ náà.

    Ẹ̀bùn látọ̀dọ̀ Jèhófà ni.

    Òun ló dá wa, ó sì ní ìfẹ́ wa.

    Ó fáwọn òbí ní ìtọ́ni

    Kí wọ́n lè tọ́ ọmọ wọn dáadáa.

    (ÈGBÈ)

    Jèhófà ló ni ọmọ ‘wọ́ yín,

    Ẹ̀bùn iyebíye ló jẹ́.

    Ẹ̀bùn tó dáa jù tẹ́ ẹ lè fún un ni

    Pé kẹ́ ẹ kọ́ ọ lófin Ọlọ́run.

  2. 2. Ẹ̀yin òbí gbọ́dọ̀ máa fi

    Gbogbo àṣẹ Ọlọ́run sọ́kàn yín.

    Kẹ́ ẹ máa fi kọ́ àwọn ọmọ yín.

    Ohun tẹ́ ẹ gbọ́dọ̀ ṣe nìyẹn.

    Ẹ fi kọ́ wọn tẹ́ ẹ bá ń rìn lọ́nà,

    Tí ẹ bá jí àti kí ẹ tó sùn.

    Wọn yóò máa rántí nígbà gbogbo,

    Wọn yóò sì múnú Jèhófà dùn.

    (ÈGBÈ)

    Jèhófà ló ni ọmọ ‘wọ́ yín,

    Ẹ̀bùn iyebíye ló jẹ́.

    Ẹ̀bùn tó dáa jù tẹ́ ẹ lè fún un ni

    Pé kẹ́ ẹ kọ́ ọ lófin Ọlọ́run.