Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

"Fi Ayọ̀ Kọrin" sí Jèhófà—Èyí tí Kò Lámì Orin

 ORIN 29

À Ń Jẹ́ Kí Orúkọ Wa Máa Rò Wá

Yan Àtẹ́tísí
À Ń Jẹ́ Kí Orúkọ Wa Máa Rò Wá

(Aísáyà 43:10-12)

  1. 1. Jèhófà ológo, Olódùmarè,

    Orísun òótọ́, ọlọ́gbọ́n pípé.

    Òdodo, agbára àtìfẹ́ rẹ pọ̀;

    Ọba Aláṣẹ láyé àtọ̀run.

    Àwa èèyàn rẹ ń láyọ̀ báa ṣe ńsìn ọ́.

    À ń fayọ̀ sọ òótọ́ Ìjọba rẹ.

    (ÈGBÈ)

    Àǹfààní ńlá ni pé a j’Ẹlẹ́rìí rẹ.

    Jọ̀ọ́, jẹ́ kí orúkọ wa máa rò wá.

  2. 2. Ìfẹ́ ń mú ká máa ṣiṣẹ́ ìsìn mímọ́.

    Ó ń mú ká ṣiṣẹ́ pọ̀ lálàáfíà.

    Ẹ̀kọ́ òtítọ́ ń mú káyé wa dára;

    Inú wa ń dùn bá a ṣe ń gbógo rẹ yọ.

    Ẹlẹ́rìí Jèhófà laráyé ń pè wá,

    Èyí ń jẹ́ ká lè fi kún iyì rẹ.

    (ÈGBÈ)

    Àǹfààní ńlá ni pé a j’Ẹlẹ́rìí rẹ.

    Jọ̀ọ́, jẹ́ kí orúkọ wa máa rò wá.