Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

"Fi Ayọ̀ Kọrin" sí Jèhófà—Èyí tí Kò Lámì Orin

 ORIN 100

Máa Fi Ìfẹ́ Gbà Wọ́n Lálejò

Yan Àtẹ́tísí
Máa Fi Ìfẹ́ Gbà Wọ́n Lálejò

(Ìṣe 17:7)

  1. 1. Jèhófà máa ń fìfẹ́ tọ́jú gbogbo wa.

    Ó máa ń fìfẹ́ pèsè fún gbogbo èèyàn.

    Ó ń mú kí oòrùn ràn,

    Ó ńmú kí òjò rọ̀;

    Ó ń fún wa ní oúnjẹ tó dára.

    Ó yẹ káwa náà fara wé Ọlọ́run.

    Ká máa ṣàánú àwọn tó jẹ́ aláìní.

    Ká máa ràn wọ́n lọ́wọ́,

    Kí ara lè tù wọ́n.

    Ká rí i pé a ṣeé látọkàn wá.

  2. 2. Ẹ jẹ́ ká tẹ̀ lé àpẹẹrẹ Lìdíà

    Tó gba àwọn ẹni mímọ́ lálejò.

    Ẹ̀mí ọ̀làwọ́ wa

    Àtìfẹ́ tá a ń fi hàn

    Yóò fògo fún Bàbá wa ọ̀run.

    Tí àwọn àlejò bá wá sọ́dọ̀ wá,

    Ẹ jẹ́ ká fìfẹ́ gbà wọ́n sínú ‘lé wa.

    Bàbá wa onífẹ̀ẹ́

    Rí gbogbo ‘hun tá à ń ṣe.

    Ó dájú pé yóò pín wa lérè.