Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

Bíbélì Orí Íńtánẹ́ẹ̀tì | ÌWÉ MÍMỌ́ NÍ ÌTUMỌ̀ AYÉ TUNTUN

Mátíù 27:1-66

27  Nígbà tí ó di òwúrọ̀, gbogbo àwọn olórí àlùfáà àti àwọn àgbà ọkùnrin àwọn ènìyàn náà ṣe ìfikùnlukùn lòdì sí Jésù láti fi ikú pa á.+  Lẹ́yìn tí wọ́n dè é, wọ́n sì mú un lọ, wọ́n sì fi í lé Pílátù gómìnà lọ́wọ́.+  Nígbà náà ni Júdásì, ẹni tí ó dà á, ní rírí i pé a ti dá a lẹ́bi, ní ìmọ̀lára ẹ̀dùn ẹ̀ṣẹ̀, ó sì dá ọgbọ̀n+ ẹyọ fàdákà náà padà fún àwọn olórí àlùfáà àti àwọn àgbà ọkùnrin,  ó wí pé: “Mo dẹ́ṣẹ̀ nígbà tí mo fi ẹ̀jẹ̀ olódodo lé yín lọ́wọ́.”+ Wọ́n wí pé: “Èwo ni ó kàn wá nínú ìyẹn? Ìwọ ni kí o lọ bójú tó ìyẹn!”+  Nítorí náà, ó da àwọn ẹyọ fàdákà náà sínú tẹ́ńpìlì, ó sì fi ibẹ̀ sílẹ̀, ó sì lọ pokùnso.+  Ṣùgbọ́n àwọn olórí àlùfáà kó àwọn ẹyọ fàdákà náà, wọ́n sì wí pé: “Kò bófin mu láti dà wọ́n sínú ibi ìṣúra ọlọ́wọ̀, nítorí pé owó ẹ̀jẹ̀ ni wọ́n.”  Lẹ́yìn jíjùmọ̀ fikùn lukùn, wọ́n fi ra pápá amọ̀kòkò láti máa fi sìnkú àwọn àjèjì.  Nítorí náà, pápá yẹn ni a ń pè ní “Pápá Ẹ̀jẹ̀”+ títí di òní yìí gan-an.  Nígbà náà ni ohun tí a sọ nípasẹ̀ Jeremáyà wòlíì ní ìmúṣẹ, pé: “Wọ́n sì mú ọgbọ̀n ẹyọ fàdákà,+ iye owó lórí ọkùnrin tí a dá iye owó lé, ẹni tí àwọn kan lára àwọn ọmọ Ísírẹ́lì dá iye owó kan lé, 10  wọ́n sì fi wọ́n ra pápá amọ̀kòkò,+ gẹ́gẹ́ bí ohun tí Jèhófà ti pa láṣẹ fún mi.” 11  Wàyí o, Jésù dúró níwájú gómìnà; gómìnà sì bi í léèrè pé: “Ìwọ ha ni ọba àwọn Júù bí?”+ Jésù fèsì pé: “Ìwọ fúnra rẹ wí i.”+ 12  Ṣùgbọ́n, bí àwọn olórí àlùfáà àti àwọn àgbà ọkùnrin ti ń fẹ̀sùn kàn án,+ kò dáhùn.+ 13  Nígbà náà ni Pílátù wí fún un pé: “Ṣé ìwọ kò gbọ́ bí àwọn ohun tí wọ́n ń jẹ́rìí lòdì sí ọ ti pọ̀ tó ni?”+ 14  Síbẹ̀, kò dá a lóhùn rárá, àní kì í tilẹ̀ ṣe ọ̀rọ̀ kan, tó bẹ́ẹ̀ tí gómìnà fi ṣe kàyéfì gidigidi.+ 15  Wàyí o, láti àjọyọ̀ dé àjọyọ̀, ó jẹ́ àṣà gómìnà láti tú ẹlẹ́wọ̀n kan sílẹ̀ fún ogunlọ́gọ̀, ẹni tí wọ́n bá fẹ́.+ 16  Ní àkókò yẹn gan-an, wọ́n ní ẹlẹ́wọ̀n olókìkí burúkú kan lọ́wọ́, tí a ń pè ní Bárábà.+ 17  Nítorí bẹ́ẹ̀, nígbà tí wọ́n kóra jọpọ̀, Pílátù wí fún wọn pé: “Ta ni ẹ fẹ́ kí n tú sílẹ̀ fún yín, Bárábà ni tàbí Jésù tí àwọn ènìyàn ń pè ní Kristi?”+ 18  Nítorí ó mọ̀ pé nítorí ìlara+ ni wọ́n ṣe fi í lé òun lọ́wọ́.+ 19  Jù bẹ́ẹ̀ lọ, bí ó ti jókòó lórí ìjókòó ìdájọ́, aya rẹ̀ ránṣẹ́ sí i, pé: “Má ṣe ní ohunkóhun ṣe pẹ̀lú ọkùnrin olódodo+ yẹn, nítorí mo jìyà gidigidi lónìí nínú àlá+ nítorí rẹ̀.” 20  Ṣùgbọ́n àwọn olórí àlùfáà àti àwọn àgbà ọkùnrin yí àwọn ogunlọ́gọ̀ náà lérò padà láti béèrè fún Bárábà,+ ṣùgbọ́n kí wọ́n pa Jésù run. 21  Wàyí o, ní dídáhùnpadà, gómìnà wí fún wọn pé: “Èwo nínú àwọn méjèèjì ni ẹ fẹ́ kí èmi tú sílẹ̀ fún yín?” Wọ́n wí pé: “Bárábà.”+ 22  Pílátù wí fún wọn pé: “Kí wá ni kí èmi ti ṣe Jésù tí àwọn ènìyàn ń pè ní Kristi?” Gbogbo wọ́n wí pé: “Kí a kàn án mọ́gi!”+ 23  Ó wí pé: “Họ́wù, ohun búburú wo ni ó ṣe?” Síbẹ̀, wọ́n túbọ̀ ń ké jáde ṣáá pé: “Kí a kàn án mọ́gi!”+ 24  Ní rírí i pé kò gbéṣẹ́ rárá, kàkà bẹ́ẹ̀, ìrọ́kẹ̀kẹ̀ fẹ́ bẹ́ sílẹ̀, Pílátù bu omi,+ ó sì wẹ ọwọ́ rẹ̀ níwájú ogunlọ́gọ̀ náà, ó wí pé: “Ọwọ́ mi mọ́ kúrò nínú ẹ̀jẹ̀ ọkùnrin yìí. Ẹ̀yin ni kí ẹ lọ bójú tó ìyẹn.” 25  Látàrí ìyẹn, gbogbo àwọn ènìyàn náà sọ ní ìdáhùn pé: “Kí ẹ̀jẹ̀ rẹ̀ wá sórí wa àti sórí àwọn ọmọ wa.”+ 26  Nígbà náà ni ó tú Bárábà sílẹ̀ fún wọn, ṣùgbọ́n ó mú kí a na Jésù ní pàṣán,+ ó sì fi í lé wọn lọ́wọ́ láti kàn án mọ́gi.+ 27  Nígbà náà ni àwọn ọmọ ogun gómìnà mú Jésù wọnú ààfin gómìnà, wọ́n sì kó gbogbo ọ̀wọ́ àwọn ọmọ ogun jọpọ̀ sọ́dọ̀ rẹ̀.+ 28  Àti ní bíbọ́ ẹ̀wù rẹ̀, wọ́n fi aṣọ ìlékè rírẹ̀dòdò kan wọ̀ ọ́,+ 29  wọ́n sì fi ẹ̀gún hun adé, wọ́n sì fi dé orí rẹ̀, wọ́n sì fi ọ̀pá esùsú sí ọwọ́ ọ̀tún rẹ̀. Àti pé, ní kíkúnlẹ̀ níwájú rẹ̀, wọ́n fi í ṣe yẹ̀yẹ́,+ wọ́n wí pé: “Kú déédéé ìwòyí o, ìwọ Ọba àwọn Júù!”+ 30  Wọ́n sì tutọ́+ sí i lára, wọ́n sì gba ọ̀pá esùsú náà, wọ́n sì bẹ̀rẹ̀ sí gbá a ní orí. 31  Níkẹyìn, nígbà tí wọ́n ti fi í ṣe yẹ̀yẹ́,+ wọ́n bọ́ aṣọ ìlékè náà, wọ́n sì fi ẹ̀wù àwọ̀lékè rẹ̀ wọ̀ ọ́, wọ́n sì mú un lọ fún kíkànmọ́gi.+ 32  Bí wọ́n ti ń jáde lọ, wọ́n rí ọmọ ìbílẹ̀ Kírénè kan tí orúkọ rẹ̀ ń jẹ́ Símónì.+ Wọ́n fi tipátipá gbéṣẹ́ fún ọkùnrin yìí láti gbé òpó igi oró rẹ̀ nílẹ̀. 33  Nígbà tí wọ́n sì dé ibì kan tí a ń pè ní Gọ́gọ́tà,+ èyíinì ni, Ibi Agbárí, 34  wọ́n fi wáìnì tí a pò pọ̀ mọ́ òróòró+ fún un láti mu; ṣùgbọ́n, lẹ́yìn títọ́ ọ wò, ó kọ̀ láti mu ún.+ 35  Nígbà tí wọ́n ti kàn án mọ́gi,+ wọ́n pín ẹ̀wù àwọ̀lékè+ rẹ̀ nípa ṣíṣẹ́ kèké,+ 36  bí wọ́n sì ti jókòó, wọ́n ń ṣọ́ ọ níbẹ̀. 37  Pẹ̀lúpẹ̀lù, wọ́n gbé àkọlé ẹ̀sùn lòdì sí i sí òkè orí rẹ̀, wọ́n kọ ọ́ pé: “Èyí ni Jésù Ọba Àwọn Júù.”+ 38  Nígbà náà, àwọn ọlọ́ṣà méjì ni a kàn mọ́gi pẹ̀lú rẹ̀, ọ̀kan ní ọ̀tún rẹ̀ àti ọ̀kan ní òsì rẹ̀.+ 39  Nítorí náà, àwọn tí ń kọjá lọ bẹ̀rẹ̀ sí sọ̀rọ̀ rẹ̀ tèébútèébú,+ wọ́n ń mi orí wọn síwá sẹ́yìn+ 40  wọ́n sì ń wí pé: “Ìwọ tí o máa wó tẹ́ńpìlì+ palẹ̀, tí o sì máa fi ọjọ́ mẹ́ta kọ́ ọ, gba ara rẹ là! Bí ìwọ bá jẹ́ ọmọ Ọlọ́run, sọ̀ kalẹ̀ kúrò lórí òpó igi oró!”+ 41  Lọ́nà kan náà pẹ̀lú ni àwọn olórí àlùfáà pẹ̀lú àwọn akọ̀wé òfin àti àwọn àgbà ọkùnrin bẹ̀rẹ̀ sí fi í ṣe yẹ̀yẹ́, tí wọ́n sì ń wí pé:+ 42  “Ó gba àwọn ẹlòmíràn là; kò lè gba ara rẹ̀ là! Òun ni Ọba+ Ísírẹ́lì; kí ó sọ̀ kalẹ̀ nísinsìnyí kúrò lórí òpó igi oró, dájúdájú, àwa yóò sì gbà á gbọ́.+ 43  Ó ti fi ìgbẹ́kẹ̀lé rẹ̀ sínú Ọlọ́run; kí Ó gbà á sílẹ̀+ nísinsìnyí bí ó bá jẹ́ pé Ó fẹ́ ẹ, nítorí ó wí pé, ‘Ọmọ Ọlọ́run ni èmi.’”+ 44  Ní ọ̀nà kan náà, àní àwọn ọlọ́ṣà tí a kàn mọ́gi pa pọ̀ pẹ̀lú rẹ̀ bẹ̀rẹ̀ sí gàn án.+ 45  Láti wákàtí kẹfà lọ, òkùnkùn kan ṣú bo+ gbogbo ilẹ̀ náà, títí di wákàtí kẹsàn-án.+ 46  Ní nǹkan bí wákàtí kẹsàn-án, Jésù ké ní ohùn rara, pé: “Élì, Élì, lama sabakitani?” èyíinì ni, “Ọlọ́run mi, Ọlọ́run mi, èé ṣe tí ìwọ fi ṣá mi tì?”+ 47  Ní gbígbọ́ èyí, àwọn kan lára àwọn tí wọ́n dúró níbẹ̀ bẹ̀rẹ̀ sí wí pé: “[Ọkùnrin] yìí ń pe Èlíjà.”+ 48  Lẹ́sẹ̀kẹsẹ̀, ọ̀kan lára wọ́n sáré, ó sì mú kànrìnkàn, ó sì rẹ ẹ́ sínú wáìnì kíkan,+ ó sì fi í sórí ọ̀pá esùsú, ó sì lọ ń fún un mu.+ 49  Ṣùgbọ́n àwọn yòókù lára wọ́n wí pé: “Ẹ jọ̀wọ́ [rẹ̀]! Ẹ jẹ́ kí a wò ó bóyá Èlíjà yóò wá láti gbà á là.”+ [[Ọkùnrin mìíràn mú ọ̀kọ̀, ó sì fi gún ẹ̀gbẹ́ rẹ̀, ẹ̀jẹ̀ àti omi sì tú jáde.]]+ 50  Jésù tún fi ohùn rara ké jáde, ó sì jọ̀wọ́ ẹ̀mí rẹ̀.+ 51  Sì wò ó! aṣọ ìkélé+ ibùjọsìn ya sí méjì, láti òkè dé ìsàlẹ̀,+ ilẹ̀ ayé sì mì tìtì, àwọn àpáta ràbàtà sì là sí wẹ́wẹ́.+ 52  Àwọn ibojì ìrántí sì ṣí sílẹ̀, ọ̀pọ̀ òkú àwọn ẹni mímọ́ tí wọ́n ti sùn ni a gbé dìde, 53  (ati pé àwọn ènìyàn, tí ń jáde bọ̀ láti àárín àwọn ibojì ìrántí lẹ́yìn tí a ti gbé e dìde, wọ ìlú ńlá mímọ́ náà,)+ wọ́n sì di rírí fún ọ̀pọ̀lọpọ̀ ènìyàn. 54  Ṣùgbọ́n ọ̀gá ẹgbẹ́ ọmọ ogun àti àwọn tí wọ́n wà pẹ̀lú rẹ̀ tí wọ́n ń ṣọ́ Jésù fòyà gidigidi, nígbà tí wọ́n rí ìsẹ̀lẹ̀ náà àti àwọn ohun tí ń ṣẹlẹ̀, wọ́n wí pé: “Dájúdájú, Ọmọ Ọlọ́run ni èyí.”+ 55  Jù bẹ́ẹ̀ lọ, ọ̀pọ̀ àwọn obìnrin wà níbẹ̀ tí wọ́n ń wòran láti òkèèrè,+ àwọn tí wọ́n ti bá Jésù wá láti Gálílì láti ṣe ìránṣẹ́ fún un;+ 56  lára àwọn tí Màríà Magidalénì wà, pẹ̀lú Màríà ìyá Jákọ́bù àti Jósè, àti ìyá àwọn ọmọkùnrin Sébédè.+ 57  Wàyí o, bí ó tí di ọwọ́ ìrọ̀lẹ́, ọkùnrin ọlọ́rọ̀ kan ará Arimatíà dé, tí orúkọ rẹ̀ ń jẹ́ Jósẹ́fù, ẹni tí òun fúnra rẹ̀ ti di ọmọ ẹ̀yìn Jésù.+ 58  Ọkùnrin yìí lọ sọ́dọ̀ Pílátù, ó sì béèrè fún òkú Jésù.+ Pílátù wá pàṣẹ pé kí a gbé e fún un.+ 59  Jósẹ́fù sì gbé òkú náà, ó fi aṣọ ọ̀gbọ̀ àtàtà tí ó mọ́ dì í,+ 60  ó sì tẹ́ ẹ sínú ibojì ìrántí rẹ̀ tuntun,+ èyí tí ó ti gbẹ́ sínú àpáta ràbàtà. Àti pé, lẹ́yìn yíyí òkúta ńlá sí ẹnu ọ̀nà ibojì ìrántí náà, ó lọ.+ 61  Ṣùgbọ́n Màríà Magidalénì àti Màríà kejì ń bá a lọ ní wíwà níbẹ̀, wọ́n jókòó níwájú sàréè náà.+ 62  Ní ọjọ́ kejì, tí ó jẹ́ lẹ́yìn Ìpalẹ̀mọ́,+ àwọn olórí àlùfáà àti àwọn Farisí kóra jọpọ̀ síwájú Pílátù, 63  wọ́n wí pé: “Ọ̀gá, àwa ti rántí pé afàwọ̀rajà yẹn sọ nígbà tí ó ṣì wà láàyè pé, ‘Lẹ́yìn ọjọ́ mẹ́ta,+ a óò gbé mi dìde.’ 64  Nítorí náà, pàṣẹ kí a sé sàréè náà mọ́ títí di ọjọ́ kẹta, kí àwọn ọmọ ẹ̀yìn rẹ̀ má bàa wá, kí wọ́n sì jí i gbé,+ kí wọ́n sì wí fún àwọn ènìyàn pé, ‘A ti gbé e dìde kúrò nínú òkú!’ ìfàwọ̀rajà ìkẹyìn yìí yóò sì burú ju ti àkọ́kọ́ lọ.” 65  Pílátù wí fún wọn pé: “Ẹ ní ẹ̀ṣọ́.+ Ẹ lọ sé e mọ́ dé àyè ibi tí ẹ bá lè ṣe é dé.” 66  Nítorí náà, wọ́n lọ, wọ́n sì sé sàréè náà mọ́ nípa fífi èdìdì sí òkúta+ náà àti nípa fífi ẹ̀ṣọ́ ṣọ́ ọ.

Àlàyé Ìsàlẹ̀ Ìwé