Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

Bíbélì Orí Íńtánẹ́ẹ̀tì | ÌWÉ MÍMỌ́ NÍ ÌTUMỌ̀ AYÉ TUNTUN

Ẹ́sítérì 9:1-32

9  Ní oṣù kejìlá, èyíinì ni, oṣù Ádárì,+ ní ọjọ́ kẹtàlá rẹ̀, nígbà tí ó tó àkókò láti mú ọ̀rọ̀ ọba àti òfin rẹ̀ ṣẹ,+ ní ọjọ́ tí àwọn ọ̀tá Júù ti dúró dè láti jẹ gàba lé wọn lórí, àní òdì-kejì rẹ̀ ni ó ṣẹlẹ̀, ní ti pé àwọn Júù alára jẹ gàba lé àwọn tí ó kórìíra wọn lórí.+  Àwọn Júù kó ara wọn jọpọ̀+ nínú àwọn ìlú ńlá wọn ní gbogbo àgbègbè abẹ́ àṣẹ Ahasuwérúsì Ọba,+ láti gbé ọwọ́ lé àwọn tí ń wá ìṣeléṣe wọn,+ kò sì sí ọkùnrin kan tí ó mú ìdúró rẹ̀ níwájú wọn, nítorí ìbẹ̀rùbojo+ wọn ti mú gbogbo àwọn ènìyàn.  Gbogbo àwọn ọmọ aládé+ àwọn àgbègbè abẹ́ àṣẹ àti àwọn baálẹ̀+ àti àwọn gómìnà àti àwọn olùṣe iṣẹ́ àmójútó+ tí ó jẹ́ ti ọba sì ń ṣèrànwọ́ fún àwọn Júù, nítorí ìbẹ̀rùbojo+ Módékáì ti mú wọn.  Nítorí Módékáì tóbi+ ní ilé ọba, òkìkí+ rẹ̀ sì kàn jákèjádò gbogbo àgbègbè abẹ́ àṣẹ, nítorí pé ọkùnrin náà Módékáì ń pọ̀ sí i ṣáá.+  Àwọn Júù sì ń fi idà+ ṣá gbogbo àwọn ọ̀tá wọn balẹ̀ pẹ̀lú ìpakúpa àti pẹ̀lú pípa àti ìparun, wọ́n sì ń ṣe bí wọ́n ṣe fẹ́ sí àwọn tí ó kórìíra wọn.+  Àti ní Ṣúṣánì+ ilé aláruru, àwọn Júù ṣe pípa, ìparun ẹ̀ẹ́dẹ́gbẹ̀ta ọkùnrin sì ṣẹlẹ̀.  Bákan náà, Páṣáńdátà àti Dálífónì àti Ásípátà  àti Pọ́rátà àti Adalíà àti Árídátà  àti Pámáṣítà àti Árísáì àti Árídáì àti Fáísátà, 10  àwọn ọmọkùnrin+ mẹ́wẹ̀ẹ̀wá ti Hámánì+ ọmọkùnrin Hamédátà, ẹni tí ó fi ẹ̀tanú hàn sí àwọn Júù,+ ni wọ́n pa; ṣùgbọ́n wọn kò gbé ọwọ́ wọn lé ohun ìpiyẹ́.+ 11  Ní ọjọ́ yẹn, iye àwọn tí a pa ní Ṣúṣánì ilé aláruru wá síwájú ọba. 12  Ọba sì tẹ̀ síwájú láti sọ fún Ẹ́sítérì Ayaba+ pé: “Ní Ṣúṣánì ilé aláruru,+ àwọn Júù ti ṣe pípa, ìparun ẹ̀ẹ́dẹ́gbẹ̀ta ọkùnrin àti àwọn ọmọkùnrin Hámánì mẹ́wẹ̀ẹ̀wá sì ti ṣẹlẹ̀. Kí ni wọ́n ti ṣe+ ní ìyókù àwọn àgbègbè abẹ́ àṣẹ+ ọba? Kí sì ni ohun tí ìwọ ń tọrọ? Àní kí a fi fún ọ.+ Kí sì ni ìbéèrè rẹ síwájú sí i?+ Àní kí ó di ṣíṣe.” 13  Bẹ́ẹ̀ gẹ́gẹ́, Ẹ́sítérì sọ pé: “Bí ó bá dára lójú ọba,+ jẹ́ kí a yọ̀ǹda fún àwọn Júù tí ó wà ní Ṣúṣánì lọ́la pẹ̀lú láti ṣe gẹ́gẹ́ bí òfin ti òní;+ sì jẹ́ kí a gbé àwọn ọmọkùnrin Hámánì mẹ́wẹ̀ẹ̀wá kọ́ sórí òpó igi.”+ 14  Nítorí náà, ọba sọ pé kí a ṣe bẹ́ẹ̀.+ Nígbà náà ni a gbé òfin kan jáde ní Ṣúṣánì, a sì gbé àwọn ọmọkùnrin Hámánì mẹ́wẹ̀ẹ̀wá kọ́. 15  Àwọn Júù tí ó wà ní Ṣúṣánì sì bẹ̀rẹ̀ sí kó ara wọn jọpọ̀ pẹ̀lú ní ọjọ́ kẹrìnlá+ oṣù Ádárì, wọ́n sì pa ọ̀ọ́dúnrún ọkùnrin ní Ṣúṣánì; ṣùgbọ́n wọn kò gbé ọwọ́ wọn lé ohun ìpiyẹ́.+ 16  Ní ti ìyókù àwọn Júù tí ó wà ní àwọn àgbègbè abẹ́ àṣẹ+ ọba, wọ́n kó ara wọn jọpọ̀, ìdúró fún ọkàn+ wọ́n sì ṣẹlẹ̀, ìgbẹ̀san+ ara wọn lára àwọn ọ̀tá wọn sì ṣẹlẹ̀ àti pípa ẹgbàá mẹ́tàdínlógójì ó lé ẹgbẹ̀rún nínú àwọn tí ó kórìíra wọn; ṣùgbọ́n wọn kò gbé ọwọ́ wọn lé ohun ìpiyẹ́, 17  ní ọjọ́ kẹtàlá oṣù Ádárì; ìsinmi sì wà ní ọjọ́ kẹrìnlá rẹ̀, sísọ ọ́ di ọjọ́ jíjẹ àkànṣe àsè+ àti ti ayọ̀ yíyọ̀ sì wáyé.+ 18  Ní ti àwọn Júù tí ó wà ní Ṣúṣánì, wọ́n kó ara wọn jọpọ̀ ní ọjọ́ kẹtàlá+ rẹ̀ àti ní ọjọ́ kẹrìnlá rẹ̀, ìsinmi sì wà ní ọjọ́ kẹẹ̀ẹ́dógún rẹ̀, sísọ ọ́ di ọjọ́ jíjẹ àkànṣe àsè àti ti ayọ̀ yíyọ̀+ sì wáyé. 19  Ìdí nìyẹn tí àwọn Júù tí ó wà ní ìgbèríko, tí ń gbé àwọn ìlú ńlá ti àgbègbè jíjìn, fi ń ṣe ọjọ́ kẹrìnlá oṣù Ádárì+ ní ọjọ́ ayọ̀ yíyọ̀+ àti jíjẹ àkànṣe àsè àti ọjọ́ rere+ àti fífi ìpín+ ránṣẹ́ sí ara wọn lẹ́nì kìíní-kejì. 20  Módékáì+ sì bẹ̀rẹ̀ sí kọ̀wé nǹkan wọ̀nyí, ó sì fi àwọn ìwé àkọsílẹ̀ ránṣẹ́ sí gbogbo àwọn Júù tí ó wà ní gbogbo àgbègbè abẹ́ àṣẹ+ Ahasuwérúsì Ọba, àwọn tí ń bẹ nítòsí àti àwọn tí ń bẹ ní ọ̀nà jíjìn, 21  láti gbé iṣẹ́ àìgbọ́dọ̀máṣe+ kà wọ́n lórí láti máa pa ọjọ́ kẹrìnlá oṣù Ádárì àti ọjọ́ kẹẹ̀ẹ́dógún rẹ̀ mọ́ déédéé lọ́dọọdún, 22  gẹ́gẹ́ bí àwọn ọjọ́ tí àwọn Júù sinmi kúrò lọ́wọ́ àwọn ọ̀tá wọn+ àti oṣù tí a yí padà fún wọn láti inú ẹ̀dùn-ọkàn sí ayọ̀ yíyọ̀ àti láti inú ọ̀fọ̀+ sí ọjọ́ rere, láti máa pa wọ́n mọ́ gẹ́gẹ́ bí àwọn ọjọ́ jíjẹ àkànṣe àsè àti ayọ̀ yíyọ̀ àti fífi ìpín ránṣẹ́ sí ara wọn lẹ́nì kìíní-kejì+ àti ẹ̀bùn fún àwọn òtòṣì.+ 23  Àwọn Júù sì tẹ́wọ́ gba ohun tí wọ́n ti bẹ̀rẹ̀ sí ṣe àti ohun tí Módékáì ti kọ sí wọn. 24  Nítorí Hámánì+ ọmọkùnrin Hamédátà,+ ọmọ Ágágì,+ ẹni tí ó fi ẹ̀tanú+ hàn sí gbogbo Júù, ni òun fúnra rẹ̀ ti pète-pèrò sí àwọn Júù láti pa wọ́n run,+ ó sì ti mú kí a ṣẹ́ Púrì,+ èyíinì ni, Kèké,+ láti kó ìdààmú bá wọn, kí ó sì pa wọ́n run. 25  Ṣùgbọ́n nígbà tí Ẹ́sítérì wọlé wá síwájú ọba, ó fi ìwé àkọsílẹ̀+ sọ pé: “Kí ìpètepèrò búburú+ rẹ̀ tí ó ti ṣe nípa àwọn Júù padà wá sórí ara rẹ̀”;+ wọ́n sì gbé òun àti àwọn ọmọkùnrin rẹ̀ kọ́ sórí òpó igi.+ 26  Ìdí nìyẹn tí wọ́n fi pe ọjọ́ wọ̀nyí ní Púrímù, gẹ́gẹ́ bí orúkọ Púrì.+ Ìdí nìyẹn, gẹ́gẹ́ bí gbogbo ọ̀rọ̀ lẹ́tà+ yìí àti ohun tí wọ́n ti rí nípa èyí àti ohun tí ó ti wá sórí wọn, 27  tí àwọn Júù fi gbé e karí, tí wọ́n sì tẹ́wọ́ gbà á fún ara wọn àti fún ọmọ wọn àti fún gbogbo àwọn tí ó dara pọ̀ mọ́ wọn,+ pé kò gbọ́dọ̀ kọjá lọ, iṣẹ́ àìgbọ́dọ̀máṣe náà láti máa pa ọjọ́ méjèèjì wọ̀nyí mọ́ déédéé, gẹ́gẹ́ bí ohun tí a kọ nípa wọn àti gẹ́gẹ́ bí àkókò wọn tí a yàn kalẹ̀ lọ́dọọdún. 28  Ọjọ́ wọ̀nyí ni kí a sì máa rántí, kí a sì máa pa mọ́ ní ìran-ìran, ìdílé kọ̀ọ̀kan, àgbègbè abẹ́ àṣẹ kọ̀ọ̀kan àti ìlú ńlá kọ̀ọ̀kan, ọjọ́ Púrímù wọ̀nyí kò sì gbọ́dọ̀ kọjá lọ láàárín àwọn Júù àti ṣíṣe ààtò ìrántí+ wọn kò gbọ́dọ̀ wá sí òpin láàárín ọmọ wọn. 29  Ẹ́sítérì Ayaba, ọmọbìnrin Ábíháílì,+ àti Módékáì tí í ṣe Júù sì tẹ̀ síwájú láti kọ̀wé lọ́nà tí ó rinlẹ̀ gidigidi láti fìdí ìjóòótọ́ lẹ́tà kejì yìí nípa Púrímù múlẹ̀. 30  Nígbà náà ni ó fi àwọn ìwé àkọsílẹ̀ ránṣẹ́ sí gbogbo àwọn Júù tí ó wà nínú ẹ̀tà-dín-láàádóje àgbègbè abẹ́ àṣẹ+ ilẹ̀ ọba ti Ahasuwérúsì,+ ní ọ̀rọ̀ àlàáfíà àti òtítọ́,+ 31  láti fìdí ìjóòótọ́ ọjọ́ Púrímù wọ̀nyí múlẹ̀ ní àkókò wọn tí a yàn kalẹ̀, gan-an gẹ́gẹ́ bí Módékáì tí í ṣe Júù àti Ẹ́sítérì Ayaba ṣe gbé e kà wọ́n lórí,+ àti gan-an gẹ́gẹ́ bí wọ́n ti gbé e ka ọkàn ara wọn àti ọmọ wọn,+ àwọn ọ̀ràn nípa ààwẹ̀+ àti igbe wọn fún ìrànlọ́wọ́.+ 32  Àsọjáde Ẹ́sítérì sì fìdí ìjóòótọ́ ọ̀ràn wọ̀nyí nípa Púrímù+ múlẹ̀, a sì kọ ọ́ sílẹ̀ sínú ìwé kan.

Àlàyé Ìsàlẹ̀ Ìwé