Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

Kọ́ Ọmọ Rẹ

 Ẹ̀kọ́ 14

Ìjọba Kan Tó Máa Ṣàkóso Gbogbo Ayé

Ìjọba Kan Tó Máa Ṣàkóso Gbogbo Ayé

Ǹjẹ́ o mọ Ìjọba yìí?— Bẹ́ẹ̀ ni o, Ìjọba Ọlọ́run ni, òun ló máa sọ ilẹ̀ ayé di párádísè. Ṣé wàá fẹ́ mọ̀ nípa Ìjọba yìí?—

Gbogbo ìlú ló máa ń ní ọba tàbí olórí. Ọba ló sì máa ń ṣàkóso lórí àwọn èèyàn tó wà ní ìlú náà. Ǹjẹ́ o mọ ẹni tó jẹ́ Ọba Ìjọba Ọlọ́run?— Jésù Kristi ni. Ọ̀run ni ó ń gbé. Láìpẹ́, òun ni ó máa ṣàkóso gbogbo èèyàn lórí ilẹ̀ ayé! Ǹjẹ́ o rò pé inú wa máa dùn nígbà tí Jésù bá ń ṣàkóso gbogbo ayé?—

Kí lò ń fojú sọ́nà fún nínú Párádísè?

Inú wa máa dùn gan-an! Torí pé nínú Párádísè, àwọn èèyàn ò ní máa jà mọ́, wọn kò sí ní máa jagun mọ́. Gbogbo èèyàn máa nífẹ̀ẹ́ ara wọn. Ẹnì kankan ò ní ṣàìsàn, a ò sì ní kú mọ́. Ojú afọ́jú máa là, etí àwọn adití á là, àwọn tí kò lè rìn tẹ́lẹ̀ máa lè sáré, wọ́n á tún fò sókè. Oúnjẹ rẹpẹtẹ máa wà fún gbogbo èèyàn. Àwọn ẹranko máa di ọ̀rẹ́ ara wọn, wọ́n á tún di ọ̀rẹ́ àwa èèyàn. Àwọn tó ti kú máa jí dìde. Ọ̀pọ̀ àwọn ọkùnrin àti obìnrin tí a ti sọ̀rọ̀ nípa wọn nínú ìwé yìí máa tún pa dà wà láàyè, àwọn bíi Rèbékà, Ráhábù, Dáfídì àti Èlíjà.  Ṣé wàá fẹ́ rí wọn nígbà tí wọ́n bá tún pà dà wà láàyè?—

Jèhófà nífẹ̀ẹ́ rẹ, ó sì fẹ́ kó o máa láyọ̀. Tó o bá ń bá a lọ láti máa kẹ́kọ̀ọ́ nípa Jèhófà tí o sì ń ṣègbọràn sí i, ìwọ náà máa wà láàyè títí láé nínú párádísè! Ṣé wàá fẹ́ wà níbẹ̀?—

Mọ Púpọ̀ Sí I

ÌWÉ ÌTÀN BÍBÉLÌ

Ìwé Ìtàn Bíbélì​—Ọ̀rọ̀ Ìṣáájú

Inú Bíbélì, ìwé tó ṣe pàtàkì jù láyé, la ti mú àwọn ìtàn tó jóòótọ́ yìí. Wàá rí ìtàn ilẹ̀ ayé wa, bẹ̀rẹ̀ láti ìgbà tí Ọlọ́run bẹ̀rẹ̀ sí í dá àwọn nǹkan.

ILÉ ÌṢỌ́

Ohun Tí O Bá Ṣe Lè Dùn Ọlọ́run—Bí O Ṣe Lè Mú Inú Rẹ̀ Dùn

Ǹjẹ́ o mọ̀ pé ohun tí o bá ṣe lè mú kí inú Ọlọ́run dùn tàbí kó bà á nínú jẹ́? Mọ̀ nípa ohun tí Ádámù àti Éfà ṣe tí ó dun Jèhófà.