Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

Ìjọba Ọlọ́run Ti Ń Ṣàkóso!

Apá òsì: Arábìnrin kan tó jẹ́ apínwèé-ìsìn-kiri ń wàásù ní Korea, lọ́dún 1931; apá ọ̀tún: Arábìnrin méjì ń fi èdè adití wàásù ní Korea lónìí

 APÁ 2

Iṣẹ́ Ìwàásù Ìjọba Ọlọ́run​—À Ń Tan Ìhìn Rere Kárí Ayé

Iṣẹ́ Ìwàásù Ìjọba Ọlọ́run​—À Ń Tan Ìhìn Rere Kárí Ayé

 O Ń MÚRA òde ẹ̀rí láàárọ̀ ọjọ́ kan tó o ní ìsinmi lẹ́nu iṣẹ́. Àmọ́, o tún wá ń lọ́ tìkọ̀ torí pé ó fẹ́ rẹ̀ ọ́ díẹ̀. Ó ń ṣe ọ́ bíi pé kó o kúkú fi àárọ̀ yẹn sinmi o jàre! Ṣùgbọ́n, o fọ̀rọ̀ náà sádùúrà, ó sì pinnu pé wàá lọ sóde ẹ̀rí. Ìwọ àti arábìnrin àgbàlagbà olóòótọ́ kan lẹ jọ ṣiṣẹ́, inúure arábìnrin yìí àti ìfaradà rẹ̀ wú ọ lórí gan-an ni. Bí o ṣe ń sọ̀rọ̀ òtítọ́ fáwọn èèyàn láti ilé-dé-ilé, ó sọ sí ọ lọ́kàn pé àwọn ará lọ́kùnrin lóbìnrin kárí ayé náà ń wàásù ìhìn rere kan náà, wọ́n ń lo irú ìwé kan náà, gbogbo wa sì ń jàǹfààní ìdálẹ́kọ̀ọ́ kan náà. Ìgbà tó o fi máa pa dà délé ara rẹ ti yá gágá. Inú rẹ sì dùn gan-an pé o kò jókòó sílé!

Ní báyìí, iṣẹ́ ìwàásù ni olórí iṣẹ́ Ìjọba Ọlọ́run tí a ń ṣe. Jésù ti sọ tẹ́lẹ̀ pé iṣẹ́ ìwàásù náà máa gbòòrò lọ́nà tó ta yọ ní àwọn ọjọ́ ìkẹyìn. (Mát. 24:14) Báwo ni àsọtẹ́lẹ̀ rẹ̀ yìí ṣe ṣẹ? Ní apá yìí, a máa sọ̀rọ̀ nípa àwọn tó ń wàásù, onírúurú ọ̀nà tí wọ́n gbà ń wàásù àtàwọn ohun èlò pàtàkì tí wọ́n ń lò lẹ́nu iṣẹ́ náà, tó ń mú kí ọ̀kẹ́ àìmọye èèyàn kárí ayé lè rí i pé Ìjọba Ọlọ́run ti ń ṣàkóso lóòótọ́.