Lọ wo ohun tó wà nínú rẹ̀

Lọ wo ohun yíyàn míì

Lọ wo àwọn ohun tó wà

Àwa Ẹlẹ́rìí Jèhófà

Yorùbá

Ìdílé Rẹ Lè Jẹ́ Aláyọ̀

 APÁ KẸRIN

Bí Ẹ Ṣe Lè Máa Ṣọ́wó Ná

Bí Ẹ Ṣe Lè Máa Ṣọ́wó Ná

“Ìmọ̀ràn ni a fi ń fìdí àwọn ìwéwèé múlẹ̀ gbọn-in gbọn-in.”Òwe 20:18

Gbogbo wa la nílò owó ká lè pèsè àwọn ohun tí ìdílé wa nílò. (Òwe 30:8) Ó ṣe tán, ‘owó jẹ́ fún ìdáàbòbò.’ (Oníwàásù 7:12) Ó lè ṣòro fún tọkọtaya láti jọ máa sọ̀rọ̀ nípa owó, àmọ́ ẹ má ṣe jẹ́ kí owó dá wàhálà sílẹ̀ láàárín yín. (Éfésù 4:32) Ó yẹ kí tọkọtaya fọkàn tán ara wọn, kí wọ́n sì jọ máa pinnu bí wọ́n ṣe fẹ́ ná owó.

 1 Ẹ FARA BALẸ̀ ṢÈTÒ ÌNÁWÓ YÍN

OHUN TÍ BÍBÉLÌ SỌ: “Ta ni nínú yín tí ó fẹ́ kọ́ ilé gogoro kan tí kò ní kọ́kọ́ jókòó, kí ó sì gbéṣirò lé ìnáwó náà, láti rí i bí òun bá ní tó láti parí rẹ̀?” (Lúùkù 14:28) Ó ṣe pàtàkì pé kí ẹ jọ máa ṣètò bí ẹ ṣe máa ná owó yín. (Ámósì 3:3) Ẹ jọ pinnu ohun tó yẹ kí ẹ rà àti iye tí ẹ máa lè ná. (Òwe 31:16) Má kàn máa ra ohun tí o bá rí torí pé owó wà lọ́wọ́ rẹ. Má ṣe tọrùn bọ gbèsè. Má ṣe ná ju owó tí o ní lọ.Òwe 21:5; 22:7.

OHUN TÍ O LÈ ṢE:

  • Tí owó bá ṣẹ́ kù sí yín lọ́wọ́ ní ìparí oṣù, ẹ jọ pinnu ohun tí ẹ máa fi ṣe

  • Tí iye tí ẹ ná bá pọ̀ ju iye tó wọlé fún yín, ẹ ṣètò bí ẹ ṣe máa dín ìnáwó yín kù. Bí àpẹẹrẹ, ẹ máa se oúnjẹ fúnra yín dípò kí ẹ máa ra oúnjẹ jẹ

 2 Ẹ MÁA FINÚ HAN ARA YÍN, Ẹ MÁ SÌ ṢE JU ARA YÍN LỌ

OHUN TÍ BÍBÉLÌ SỌ: Máa fi òtítọ́ ṣe ohun gbogbo “kì í ṣe níwájú Jèhófà nìkan, ṣùgbọ́n níwájú àwọn ènìyàn pẹ̀lú.” (2 Kọ́ríńtì 8:21) Ẹ má fi ohunkóhun pa mọ́ fún ara yín nípa iye tó ń wọlé fún yín àti bí ẹ ṣe ń náwó.

Rí i dájú pé ò ń fọ̀rọ̀ lọ ọkọ tàbí aya rẹ tí o bá fẹ́ ṣe ìpinnu pàtàkì tó jẹ mọ́ ìnáwó. (Òwe 13:10) Àlàáfíà máa wà láàárín yín tí ẹ bá jọ ń sọ̀rọ̀ nípa ìnáwó yín. Ṣe ni kí o gbà pé ẹ̀yin méjèèjì lẹ ni owó tó ń wọlé fún ẹ, kì í ṣe tìẹ nìkan.1 Tímótì 5:8.

OHUN TÍ O LÈ ṢE:

  • Ẹ jọ fẹnu kò lórí iye tí ẹnì kọ̀ọ̀kan yín lè ná láìsọ fún ẹnì kejì

  • Ẹ má ṣe dúró dìgbà tí bùkátà bá délẹ̀ kí ẹ tó jọ sọ̀rọ̀ nípa owó

Mọ Púpọ̀ Sí I

OHUN TÍ BÍBÉLÌ SỌ

Ǹjẹ́ Bíbélì Lè Ràn Mí Lọ́wọ́ Tí Mo Bá Ní Ìṣòro Owó Tàbí Ti Mo Bá Jẹ Gbèsè?

Ti pé èèyàn ní owó kò sọ pé kó ní ayọ̀, àmọ́ àwọn ìlànà Bíbélì mẹ́rin kan yóò ràn ẹ́ lọ́wọ́ láti bójú tó ọ̀rọ̀ owó.