Lọ wo ohun tó wà nínú rẹ̀

Lọ wo ohun yíyàn míì

Àwa Ẹlẹ́rìí Jèhófà

Yorùbá

Ta Ló Dá Ẹ̀sìn Yín Sílẹ̀?

Ta Ló Dá Ẹ̀sìn Yín Sílẹ̀?

Ètò àwa Ẹlẹ́rìí Jèhófà òde òní bẹ̀rẹ̀ ní òpin ọgọ́rùn-ún ọdún kọkàndínlógún. Nígbà yẹn, àwùjọ àwọn akẹ́kọ̀ọ́ Bíbélì kékeré kan tó ń gbé nítòsí ìlú Pittsburgh, ní ìpínlẹ̀ Pennsylvania, lórílẹ̀-èdè Amẹ́ríkà bẹ̀rẹ̀ sí í kẹ́kọ̀ọ́ Bíbélì lẹ́sẹẹsẹ. Wọ́n fi àwọn ẹ̀kọ́ ṣọ́ọ̀ṣì wé ohun tí Bíbélì fi ń kọ́ni. Wọ́n bẹ̀rẹ̀ sí í gbé ohun tí wọ́n kọ́ jáde nínú àwọn ìwé, ìwé ìròyìn àti nínú ìwé àtìgbàdégbà tá à ń pè nísinsìnyí ní Ilé Ìṣọ́ Tí Ń Kéde Ìjọba Jèhófà.

Ọkùnrin kan wà nínú àwùjọ àwọn olóòótọ́ akẹ́kọ̀ọ́ Bíbélì yẹn tórúkọ rẹ̀ ń jẹ́ Charles Taze Russell. Bó tilẹ̀ jẹ́ pé Russell ló ń mú ipò iwájú nínú iṣẹ́ ìkọ́nilẹ́kọ̀ọ́ Bíbélì nígbà yẹn tó sì jẹ́ olótùú àkọ́kọ́ fún ìwé ìròyìn The Watchtower, síbẹ̀ kì í ṣe olùdásílẹ̀ ẹ̀sìn tuntun. Ohun tó jẹ́ àfojúsùn Russell àtàwọn tí wọ́n jọ jẹ́ Akẹ́kọ̀ọ́ Bíbélì bí a ti mọ̀ wọ́n sí nígbà yẹn ni pé kí wọ́n gbé àwọn ẹ̀kọ́ Jésù Kristi ga kí wọ́n sì máa ṣe ohun tí ìjọ Kristẹni ọgọ́rùn-ún ọdún kìíní ṣe. Nítorí pé Jésù ló dá Ẹ̀sìn Kristẹni sílẹ̀, òun náà la mọ̀ pé ó dá ètò ẹ̀sìn wa sílẹ̀.—Kólósè 1:18-20.