Ṣó yẹ kéèyàn sọ ṣáájú kó tó ṣèbẹ̀wò sí ẹ̀ka ọ́fíìsì? Bẹ́ẹ̀ ni, ó yẹ. A fẹ́ kí gbogbo ẹni tó fẹ́ ṣèbẹ̀wò sí bẹ́tẹ́lì kọ́kọ́ sọ fún wa ṣáájú kí wọ́n tó máa bọ̀, yálà àwọn tó ń bọ̀ pọ̀ tàbí wọn ò tó nǹkan ìdí sì ni pé a ò fẹ́ kí èrò pọ̀ jù, a sì fẹ́ kí gbogbo ẹni tó wá gbádùn ìbẹ̀wò wọn.

Tẹ́ ò bá sọ fún wa ṣáájú, ṣé ẹ ṣì lè ṣèbẹ̀wò sí ẹ̀ka ọ́fíìsì? Tẹ́ ò bá sọ fún wa ṣáájú, ó ṣeé ṣe ká má gbà yín láyè láti rìn yíká ọgbà wa. Ìdí sì ni pé ó níye èèyàn tá a lè mú rìn yíká ọgbà wa lójúmọ́.

Ìgbà wo ló yẹ kẹ́ ẹ dé? Kérò má bàa pọ̀ jù, ẹ jọ̀wọ́, ẹ dé ní ó kéré tán, wákàtí kan kó tó di pé wọ́n máa mú yín rìn yíká.

Báwo lẹ ṣe máa sọ fún wa ṣáájú? Tí iye àwọn tó ń bọ̀ kò bá tó ogún (20), tẹ bọ́tìnì tá a pè ní “Ṣàdéhùn Ọjọ́ Ìbẹ̀wò​—A Ò Tó Ogún.” Àmọ́ tẹ́ ẹ bá tó ogún (20) tàbí tẹ́ ẹ jù bẹ́ẹ̀ lọ, ẹ jọ̀wọ́, ẹ pè wá ká lè ṣètò sílẹ̀ fún yín.

Ṣé ẹ lè yí ọjọ́ tẹ́ ẹ fẹ́ wá pa dà tàbí kẹ́ ẹ sọ pé ẹ ò ní lè wá mọ́? Bẹ́ẹ̀ ni. Tẹ bọ́tìnì tá a pè ní “Wo Ọjọ́ Àdéhùn Tàbí Kó O Yí I Pa Dà.”

Tó bá ṣẹlẹ̀ pé kò sí àyè mọ́ lọ́jọ́ tẹ́ ẹ fẹ́ wá ńkọ́? Ẹ máa wo ìkànnì wa látìgbàdégbà. Àyè máa yọ táwọn kan bá yí ọjọ́ tí wọ́n fẹ́ wá pa dà tàbí tí wọn ò fẹ́ wá mọ́.

1 Kingdom Way

West Hanningfield

CHELMSFORD

CM2 8FW

ENGLAND

+44 20-8906-2211

À ń bójú tó iṣẹ́ ìkọ́nilẹ́kọ̀ọ́ Bíbélì táwọn Ẹlẹ́rìí Jèhófà ń ṣe ní ilẹ̀ Britain, Ireland, àti Malta. À tún ń túmọ̀ àwọn ìwé tó dá lórí Bíbélì sí oríṣiríṣi èdè, irú bí Èdè Àwọn Adití Lọ́nà ti British, Irish, Scottish Gaelic àti Welsh. A tún ń ṣe àwọn fídíò àti àwọn ohun tá a lè tẹ́tí sí.

1. “Ìtàn Wa”: Láì jẹ́ pé ẹnikẹ́ni tẹ̀lé yín, ẹ máa fúnra yín rí ìtàn nípa bí iṣẹ́ ìwàásù ṣe bẹ̀rẹ̀ àti ibi tó dé báyìí ní Britain àti Ireland.

2. “Bíbélì ní Britain”: Apá yìí lẹ ti máa rí àwọn Bíbélì tí kò fi bẹ́ẹ̀ sí lóde mọ́, ẹ tún máa rí bí ìtẹ̀síwájú ṣe ti dé bá iṣẹ́ ìtúmọ̀ Bíbélì láti àwọn ọdún yìí wá.

3. Àwọn Ẹ̀ka Tá A Ní: Ibí lẹ ti máa rí oríṣiríṣi nǹkan títí kan fídíò tó máa jẹ́ kẹ́ ẹ mọ àwọn iṣẹ́ tá à ń ṣe ní Ẹ̀ka Ọ́fíìsì Britain.

Wa Ìwé Pẹlẹbẹ Tó Ń Ṣàlàyé Ẹ̀ka Ọ́fíìsì Wa Jáde