Jèhófà máa ń lo àwọn “ará” wa lọ́kùnrin àti lóbìnrin láti fún wa lókun. (1Pe 5:9) Wọ́n lè ràn wá lọ́wọ́ láti borí àwọn ìṣòro tá à ń bá pàdé lẹ́nu iṣẹ́ ìwàásù. Bí àpẹẹrẹ, àwọn kan ran Pọ́ọ̀lù lọ́wọ́ lẹ́nu iṣẹ́ òjíṣẹ́ rẹ̀, lára wọn ni Ákúílà àti Pírísílà, Sílà, Tímótì àtàwọn míì.​—Iṣe 18:1-5.

Báwo làwọn míì ṣe lè ràn wá lọ́wọ́ lẹ́nu iṣẹ́ ìwàásù? Wọ́n lè fún wa nímọ̀ràn lórí bá a ṣe lè fèsì tẹ́nì kan bá ta ko ọ̀rọ̀ wa, bá a ṣe lè ṣe ìpadàbẹ̀wò àti bá a ṣe lè máa darí ìkẹ́kọ̀ọ́ Bíbélì. Ronú nípa ẹnì kan nínú ìjọ yín tó lè ràn ẹ́ lọ́wọ́, kó o sì ní kó ràn ẹ́ lọ́wọ́. Ó dájú pé ẹ̀yin méjèèjì ló máa ṣe láǹfààní, ẹ̀ẹ́ sì túbọ̀ láyọ̀.​—Flp 1:25.

Ẹ WO FÍDÍÒ NÁÀ JẸ́ KÍ IṢẸ́ SÍSỌNI DI ỌMỌ Ẹ̀YÌN MÁA FÚN Ẹ LÁYỌ̀​—MÁA LO ÀWỌN NǸKAN TÍ JÈHÓFÀ PÈSÈ—​ÀWỌN ARÁ, KẸ́ Ẹ SÌ DÁHÙN ÀWỌN ÌBÉÈRÈ YÌÍ:

• Àwọn nǹkan wo ni Neeta ṣe kó lè pe Jade wá sípàdé?

• Kí nìdí tó fi ṣe pàtàkì pé ká mú àwọn míì lọ sọ́dọ̀ ìkẹ́kọ̀ọ́ Bíbélì wa?

• Kí ló fa Jade mọ́ra nípa Arábìnrin Abigay?

• Àwọn nǹkan wo lo lè kọ́ lára àwọn míì lẹ́nu iṣẹ́ ìwàásù?