MÁA LO ARA RẸ LẸ́NU IṢẸ́ ÌWÀÁSÙ | JẸ́ KÍ IṢẸ́ SÍSỌNI DI ỌMỌ Ẹ̀YÌN MÁA FÚN Ẹ LÁYỌ̀
Máa Lo Ìtara Tó O Bá Ń Kọ́ni
Tá a bá ń fìtara wàásù, á wu àwọn èèyàn láti gbọ́rọ̀ wa. Ìyẹn á tún fi hàn pé a fọwọ́ pàtàkì mú iṣẹ́ wa. Gbogbo wa la lè fìtara wàásù, láìka ibi tá a ti wá tàbí irú èèyàn tá a jẹ́ sí. (Ro 12:11) Báwo la ṣe lè ṣe é?
Ó yẹ ká kọ́kọ́ ronú nípa bí iṣẹ́ ìwàásù ṣe ṣe pàtàkì tó, ká lè rí i pé àǹfààní ńlá la ní láti kéde ìhìn rere àwọn ohun rere fáwọn míì! (Ro 10:15) Ó tún yẹ ká ronú nípa àǹfààní táwọn èèyàn máa rí tí wọ́n bá ṣe ohun tí Jèhófà fẹ́, ìyẹn á jẹ́ ká túbọ̀ jára mọ́ iṣẹ́ ìwàásù. (Ro 10:13, 14) Lẹ́yìn náà, ká fìtara sọ̀rọ̀, ká fara ṣàpèjúwe, ká sì sọ̀rọ̀ látọkàn wá.
Ẹ WO FÍDÍÒ NÁÀ JẸ́ KÍ IṢẸ́ SÍSỌNI DI ỌMỌ Ẹ̀YÌN MÁA FÚN Ẹ LÁYỌ̀—TÚBỌ̀ JÁ FÁFÁ—MÁA LO ÌTARA TÓ O BÁ Ń KỌ́NI, KẸ́ Ẹ SÌ DÁHÙN ÀWỌN ÌBÉÈRÈ YÌÍ:
-
Kí ló mú kí ìtara Neeta dín kù?
-
Kí ló ran Neeta lọ́wọ́ kó lè pa dà máa ló ìtara?
-
Ìtara wa lè ran àwọn míì lọ́wọ́
Kí nìdí tó fi yẹ ká máa wo ibi táwọn akẹ́kọ̀ọ́ wa dáa sí?
-
Báwo ni ìtara wa ṣe lè ran àwọn akẹ́kọ̀ọ́ Bíbélì wa àtàwọn míì lọ́wọ́?
