Sáàmù 83:1-18

  • Àdúrà ìgbà tí èèyàn bá ń kojú ọ̀tá

    • “Ọlọ́run, má ṣe dákẹ́” (1)

    • Àwọn ọ̀tá dà bí ẹ̀gún tí afẹ́fẹ́ ń fẹ́ yípo yípo (13)

    • Jèhófà ni orúkọ Ọlọ́run (18)

Orin. Orin Ásáfù.+ 83  Ọlọ́run, má ṣe dákẹ́;+Má ṣàìsọ̀rọ̀,* má sì dúró jẹ́ẹ́, ìwọ Olú Ọ̀run.   Wò ó! àwọn ọ̀tá rẹ wà nínú rúkèrúdò;+Àwọn tó kórìíra rẹ ń hùwà ìgbéraga.*   Wọ́n fi ọgbọ́nkọ́gbọ́n gbìmọ̀ pọ̀ nítorí àwọn èèyàn rẹ;Wọ́n sì lẹ̀dí àpò pọ̀ nítorí àwọn àyànfẹ́ rẹ.*   Wọ́n sọ pé: “Ẹ wá, ẹ jẹ́ kí a pa wọ́n run kí wọ́n má ṣe jẹ́ orílẹ̀-èdè mọ́,+Kí a má sì rántí orúkọ Ísírẹ́lì mọ́.”   Wọ́n fohùn ṣọ̀kan lórí ohun tí wọ́n máa ṣe;*Wọ́n gbìmọ̀ pọ̀* láti bá ọ jà,+   Àgọ́ Édómù àti ti àwọn ọmọ Íṣímáẹ́lì, Móábù+ àti àwọn ọmọ Hágárì,+   Gébálì àti Ámónì+ àti Ámálékì,Filísíà+ pẹ̀lú àwọn tó ń gbé ní Tírè.+   Ásíríà+ pẹ̀lú ti dara pọ̀ mọ́ wọn;Wọ́n ran àwọn ọmọ Lọ́ọ̀tì+ lọ́wọ́.* (Sélà)   Kí o ṣe wọ́n bí o ti ṣe Mídíánì,+Bí o ti ṣe Sísérà àti Jábínì ní odò* Kíṣónì.+ 10  Wọ́n pa run ní Ẹ́ń-dórì;+Wọ́n di ajílẹ̀ fún ilẹ̀. 11  Ṣe àwọn èèyàn pàtàkì wọn bí Órébù àti Séébù,+Kí o sì ṣe àwọn olórí* wọn bíi Séébà àti Sálímúnà,+ 12  Nítorí wọ́n sọ pé: “Ẹ jẹ́ kí a gba ilẹ̀ tí Ọlọ́run ń gbé.” 13  Ìwọ Ọlọ́run mi, ṣe wọ́n bí ẹ̀gún tí afẹ́fẹ́ ń fẹ́ yípo yípo,*+Bí àgékù pòròpórò tí afẹ́fẹ́ ń fẹ́ kiri. 14  Bí iná tó ń jó igbóÀti bí ọwọ́ iná tó ń jó àwọn òkè,+ 15  Bẹ́ẹ̀ ni kí o fi ìjì líle rẹ lépa wọn,+Kí o sì fi ẹ̀fúùfù rẹ kó jìnnìjìnnì bá wọn.+ 16  Fi àbùkù bò wọ́n lójú,*Kí wọ́n lè máa wá orúkọ rẹ, Jèhófà. 17  Kí ojú tì wọ́n, kí jìnnìjìnnì sì bá wọn títí láé;Kí wọ́n tẹ́, kí wọ́n sì ṣègbé; 18  Kí àwọn èèyàn lè mọ̀ pé ìwọ, ẹni tí orúkọ rẹ̀ ń jẹ́ Jèhófà,+Ìwọ nìkan ṣoṣo ni Ẹni Gíga Jù Lọ lórí gbogbo ayé.+

Àlàyé Ìsàlẹ̀ Ìwé

Tàbí “Má pa ẹnu mọ́.”
Tàbí “ń gbé orí wọn sókè.”
Ní Héb., “àwọn tí o fi pa mọ́.”
Ní Héb., “Wọ́n jọ gbàmọ̀ràn pẹ̀lú ọkàn kan.”
Tàbí “dá májẹ̀mú.”
Ní Héb., “Wọ́n ti di apá fún àwọn ọmọ Lọ́ọ̀tì.”
Tàbí “àfonífojì.”
Tàbí “àwọn aṣáájú.”
Tàbí “ewéko gbígbẹ tí atẹ́gùn ń gbé kiri.”
Ní Héb., “kún ojú wọn.”