Sáàmù 8:1-9
Sí olùdarí; lórí Gítítì.* Orin Dáfídì.
8 Jèhófà Olúwa wa, orúkọ rẹ mà níyì ní gbogbo ayé o;O ti gbé ògo rẹ ga, kódà ó ga ju ọ̀run lọ!*+
2 O fìdí agbára rẹ múlẹ̀ láti ẹnu àwọn ọmọdé àti àwọn ọmọ jòjòló+Nítorí àwọn elénìní rẹ,Kí o lè pa ọ̀tá àti olùgbẹ̀san lẹ́nu mọ́.
3 Nígbà tí mo rí ọ̀run rẹ, àwọn iṣẹ́ ìka rẹ,Òṣùpá àti àwọn ìràwọ̀ tí o ti ṣètò sílẹ̀,+
4 Kí ni ẹni kíkú jẹ́ tí o fi ń fi í sọ́kànÀti ọmọ aráyé tí o fi ń tọ́jú rẹ̀?+
5 O mú kó rẹlẹ̀ díẹ̀ ju àwọn ẹni bí Ọlọ́run,*O sì fi ògo àti ọlá ńlá dé e ládé.
6 O fún un ní àṣẹ lórí àwọn iṣẹ́ ọwọ́ rẹ;+O ti fi ohun gbogbo sábẹ́ ẹsẹ̀ rẹ̀:
7 Gbogbo àwọn agbo ẹran àti màlúù,Àti àwọn ẹran inú igbó,*+
8 Àwọn ẹyẹ ojú ọ̀run àti ẹja inú òkun,Ohunkóhun tó ń gba inú òkun kọjá.
9 Jèhófà Olúwa wa, orúkọ rẹ mà níyì ní gbogbo ayé o!
Àlàyé Ìsàlẹ̀ Ìwé
^ Wo Àlàyé Ọ̀rọ̀.
^ Tàbí kó jẹ́, “Ìwọ tí à ń ròyìn iyì rẹ lókè ọ̀run.”
^ Tàbí “àwọn áńgẹ́lì.”
^ Ní Héb., “àwọn ẹranko inú pápá.”
