Sáàmù 42:1-11
Sí olùdarí. Másíkílì* àwọn ọmọ Kórà.+
42 Bí ọkàn àgbọ̀nrín ṣe máa ń fà sí odò,Bẹ́ẹ̀ ni ọkàn mi ṣe ń fà sí ọ, ìwọ Ọlọ́run mi.
2 Mò* ń wá Ọlọ́run, Ọlọ́run alààyè, bí ẹni tí òùngbẹ ń gbẹ ṣe ń wá omi.+
Ìgbà wo ni kí n wá, kí n sì fara hàn níwájú Ọlọ́run?+
3 Omijé mi ni oúnjẹ mi lọ́sàn-án àti lóru;Láti àárọ̀ ṣúlẹ̀, wọ́n ń fi mí ṣẹ̀sín, wọ́n ń sọ pé: “Ọlọ́run rẹ dà?”+
4 Mo rántí àwọn nǹkan yìí, mo sì tú ọkàn* mi jáde,Torí pé, nígbà kan, mo ti bá ọ̀pọ̀lọpọ̀ èèyàn rìn;Mo máa ń rìn tọ̀wọ̀tọ̀wọ̀* níwájú wọn lọ sí ilé Ọlọ́run,Pẹ̀lú igbe ayọ̀ àti ti ọpẹ́,Ti ọ̀pọ̀ rẹpẹtẹ èèyàn tó ń ṣàjọyọ̀.+
5 Kí nìdí tí ìrẹ̀wẹ̀sì fi bá ẹ̀mí* mi?+
Kí nìdí tí ìdààmú fi bá ọkàn mi?
Dúró de Ọlọ́run,+Nítorí mo ṣì máa yìn ín torí òun ni Olùgbàlà mi Atóbilọ́lá.+
6 Ọlọ́run mi, ìrẹ̀wẹ̀sì ti bá ẹ̀mí* mi.+
Ìdí nìyẹn tí mo fi rántí rẹ,+Láti ilẹ̀ Jọ́dánì àti àwọn téńté orí Hámónì,Láti Òkè Mísárì.*
7 Ibú omi ń pe ibú omiNígbà tí àwọn omi rẹ tó ń dà ṣọ̀ọ̀rọ̀ ń dún.
Gbogbo omi rẹ tó ń ru gùdù ti bò mí mọ́lẹ̀.+
8 Ní ọ̀sán, Jèhófà yóò fi ìfẹ́ rẹ̀ tí kì í yẹ̀ hàn sí mi,Ní òru, orin rẹ̀ yóò wà lẹ́nu mi, ìyẹn àdúrà sí Ọlọ́run tó fún mi ní ẹ̀mí.+
9 Màá sọ fún Ọlọ́run, àpáta mi pé:
“Kí nìdí tí o fi gbàgbé mi?+
Kí nìdí tí mo fi ń rìn kiri nínú ìbànújẹ́ nítorí pé ọ̀tá mi ń ni mí lára?”+
10 Àwọn ọ̀tá mi ń fi mí ṣẹ̀sín nítorí ìkórìíra tó lágbára tí wọ́n ní sí mi;*Láti àárọ̀ ṣúlẹ̀, wọ́n ń fi mí ṣẹ̀sín, wọ́n ń sọ pé: “Ọlọ́run rẹ dà?”+
11 Kí nìdí tí ìrẹ̀wẹ̀sì fi bá ẹ̀mí* mi?
Kí nìdí tí ìdààmú fi bá ọkàn mi?
Dúró de Ọlọ́run,+Nítorí mo ṣì máa yìn ín torí òun ni Olùgbàlà mi Atóbilọ́lá àti Ọlọ́run mi.+
