Sáàmù 25:1-22

  • Àdúrà ìtọ́sọ́nà àti ìdáríjì

    • “Kọ́ mi ní àwọn ipa ọ̀nà rẹ” (4)

    • ‘Àwọn ọ̀rẹ́ Jèhófà tímọ́tímọ́’ (14)

    • “Dárí gbogbo ẹ̀ṣẹ̀ mi jì mí” (18)

Ti Dáfídì. א [Áléfì] 25  Jèhófà, ọ̀dọ̀ rẹ ni mo yíjú* sí. ב [Bétì]   Ọlọ́run mi, ìwọ ni mo gbẹ́kẹ̀ lé;+Má ṣe jẹ́ kí ojú tì mí.+ Má ṣe jẹ́ kí àwọn ọ̀tá mi yọ̀ mí.+ ג [Gímélì]   Ó dájú pé ojú ò ní ti ìkankan nínú àwọn tó nírètí nínú rẹ,+Àmọ́ ojú á ti àwọn tó jẹ́ oníbékebèke láìnídìí.+ ד [Dálétì]   Mú mi mọ àwọn ọ̀nà rẹ, Jèhófà;+Kọ́ mi ní àwọn ipa ọ̀nà rẹ.+ ה [Híì]   Mú kí n máa rìn nínú òtítọ́ rẹ, kí o sì kọ́ mi,+Nítorí ìwọ ni Ọlọ́run ìgbàlà mi. ו [Wọ́ọ̀] Ìwọ ni mo gbẹ́kẹ̀ lé láti àárọ̀ ṣúlẹ̀. ז [Sáyìn]   Jèhófà, rántí àánú rẹ àti ìfẹ́ rẹ tí kì í yẹ̀,+Èyí tí ò ń fi hàn nígbà gbogbo.*+ ח [Hétì]   Má ṣe rántí àwọn ẹ̀ṣẹ̀ ìgbà èwe mi àti àwọn àṣìṣe mi. Rántí mi nínú ìfẹ́ rẹ tí kì í yẹ̀,+Nítorí oore rẹ, Jèhófà.+ ט [Tétì]   Ẹni rere àti adúróṣinṣin ni Jèhófà.+ Ìdí nìyẹn tó fi ń kọ́ àwọn ẹlẹ́ṣẹ̀ ní ọ̀nà tó yẹ kí wọ́n tọ̀.+ י [Yódì]   Yóò darí àwọn oníwà pẹ̀lẹ́ láti ṣe ohun tí ó tọ́,*+Yóò sì kọ́ àwọn oníwà pẹ̀lẹ́ ní ọ̀nà rẹ̀.+ כ [Káfì] 10  Gbogbo ọ̀nà Jèhófà jẹ́ ìfẹ́ tí kì í yẹ̀ àti òtítọ́Fún àwọn tó ń pa májẹ̀mú rẹ̀+ àti àwọn ìránnilétí+ rẹ̀ mọ́. ל [Lámédì] 11  Nítorí orúkọ rẹ, Jèhófà,+Dárí ẹ̀ṣẹ̀ mi jì mí, bó tilẹ̀ jẹ́ pé ó pọ̀. מ [Mémì] 12  Ta ni ẹni tó ń bẹ̀rù Jèhófà?+ Òun yóò kọ́ ẹni náà ní ọ̀nà tó yẹ kí ó yàn.+ נ [Núnì] 13  Yóò* gbádùn ohun rere,+Àwọn àtọmọdọ́mọ* rẹ̀ yóò sì jogún ayé.+ ס [Sámékì] 14  Àwọn tó bẹ̀rù Jèhófà ni ọ̀rẹ́ rẹ̀ tímọ́tímọ́,+Ó sì ń jẹ́ kí wọ́n mọ májẹ̀mú rẹ̀.+ ע [Áyìn] 15  Ọ̀dọ̀ Jèhófà ni ojú mi ń wò nígbà gbogbo,+Nítorí ó máa yọ ẹsẹ̀ mi nínú àwọ̀n.+ פ [Péè] 16  Bojú wò mí, kí o sì ṣojú rere sí mi,Nítorí mo dá wà, mi ò sì ní olùrànlọ́wọ́. צ [Sádì] 17  Ìdààmú ọkàn mi ti pọ̀ sí i;+Yọ mí nínú másùnmáwo tó bá mi. ר [Réṣì] 18  Wo ìpọ́njú mi àti wàhálà mi,+Kí o sì dárí gbogbo ẹ̀ṣẹ̀ mi jì mí.+ 19  Wo bí àwọn ọ̀tá mi ṣe pọ̀ tó,Àti bí ìkórìíra tí wọ́n ní sí mi ṣe lágbára tó. ש [Ṣínì]  20  Ṣọ́ ẹ̀mí* mi, kí o sì gbà mí sílẹ̀.+ Má ṣe jẹ́ kí ojú tì mí, nítorí ìwọ ni mo fi ṣe ibi ààbò mi. ת [Tọ́ọ̀]  21  Kí ìwà títọ́ àti ìdúróṣinṣin máa dáàbò bò mí,+Nítorí ìwọ ni mo gbẹ́kẹ̀ lé.+  22  Ọlọ́run, gba Ísírẹ́lì kúrò* nínú gbogbo wàhálà rẹ̀.

Àlàyé Ìsàlẹ̀ Ìwé

Tàbí “gbé ọkàn mi.”
Tàbí “Èyí tó ti wà láti ayébáyé.”
Ní Héb., “nínú ìdájọ́.”
Tàbí “Ọkàn rẹ̀ yóò.”
Ní Héb., “Èso.”
Tàbí “ọkàn.”
Ní Héb., “ra Ísírẹ́lì pa dà.”