Sáàmù 148:1-14
148 Ẹ yin Jáà!*
Ẹ yin Jèhófà láti ọ̀run;+Ẹ yìn ín ní àwọn ibi gíga.
2 Ẹ yìn ín, gbogbo ẹ̀yin áńgẹ́lì rẹ̀.+
Ẹ yìn ín, gbogbo ẹ̀yin ọmọ ogun rẹ̀.+
3 Ẹ yìn ín, oòrùn àti òṣùpá.
Ẹ yìn ín, gbogbo ẹ̀yin ìràwọ̀ tó ń tàn.+
4 Ẹ yìn ín, ẹ̀yin ọ̀run gíga jù lọ*Àti ẹ̀yin omi tó wà lókè àwọn ọ̀run.
5 Kí wọ́n máa yin orúkọ Jèhófà,Nítorí ó pàṣẹ, a sì dá wọn.+
6 Ó fìdí wọn múlẹ̀ kí wọ́n lè wà títí láé àti láéláé;+Ó pa àṣẹ tí kò ní kọjá lọ.+
7 Ẹ yin Jèhófà láti ayé,Ẹ̀yin ẹ̀dá ńlá inú òkun àti gbogbo ẹ̀yin ibú omi,
8 Ẹ̀yin mànàmáná àti yìnyín ńlá, yìnyín kéékèèké àti ojú ọ̀run tó ṣú bolẹ̀,Ìwọ ìjì líle, tó ń mú ọ̀rọ̀ rẹ̀ ṣẹ,+
9 Ẹ̀yin òkè ńlá àti gbogbo ẹ̀yin òkè kéékèèké,+Ẹ̀yin igi eléso àti gbogbo ẹ̀yin igi kédárì,+
10 Ẹ̀yin ẹranko igbó+ àti gbogbo ẹ̀yin ẹran ọ̀sìn,Ẹ̀yin ohun tó ń rákò àti ẹ̀yin ẹyẹ abìyẹ́,
11 Ẹ̀yin ọba ayé àti gbogbo ẹ̀yin orílẹ̀-èdè,Ẹ̀yin olórí àti gbogbo ẹ̀yin onídàájọ́ ayé,+
12 Ẹ̀yin ọ̀dọ́kùnrin àti ẹ̀yin ọ̀dọ́bìnrin,*Ẹ̀yin àgbà ọkùnrin àti ẹ̀yin ọ̀dọ́.*
13 Kí wọ́n máa yin orúkọ Jèhófà,Nítorí orúkọ rẹ̀ nìkan ṣoṣo ló ga kọjá ibi tó ṣeé dé.+
Iyì rẹ̀ ga ju ayé àti ọ̀run lọ.+
14 Yóò gbé agbára* àwọn èèyàn rẹ̀ ga,Ìyìn gbogbo àwọn ẹni ìdúróṣinṣin rẹ̀,Ti àwọn ọmọ Ísírẹ́lì, àwọn tó sún mọ́ ọn.
Ẹ yin Jáà!*
