Sáàmù 109:1-31
Sí olùdarí. Ti Dáfídì. Orin.
109 Ìwọ Ọlọ́run tí mò ń yìn,+ má ṣe dákẹ́.
2 Nítorí àwọn ẹni burúkú àti àwọn ẹlẹ́tàn ń la ẹnu wọn sí mi.
Wọ́n ń fi ahọ́n èké sọ̀rọ̀ nípa mi;+
3 Wọ́n yí mi ká, wọ́n sì ń sọ̀rọ̀ ìkórìíra sí mi,Wọ́n ń bá mi jà láìnídìí.+
4 Mo nífẹ̀ẹ́ wọn, àmọ́ ńṣe ni wọ́n ń ta kò mí;+Síbẹ̀ mi ò dákẹ́ àdúrà.
5 Wọ́n ń fi ibi san ire fún mi,+Wọ́n sì ń fi ìkórìíra san ìfẹ́ tí mo ní sí wọn.+
6 Yan ẹni burúkú lé e lórí;Kí alátakò* dúró sí ọwọ́ ọ̀tún rẹ̀.
7 Nígbà tí wọ́n bá ṣèdájọ́ rẹ̀, kí ó jẹ̀bi;*Kí á ka àdúrà rẹ̀ pàápàá sí ẹ̀ṣẹ̀.+
8 Kí ẹ̀mí rẹ̀ má ṣe gùn;+Kí ẹlòmíì gba iṣẹ́ àbójútó rẹ̀.+
9 Kí àwọn ọmọ* rẹ̀ di aláìníbaba,Kí ìyàwó rẹ̀ sì di opó.
10 Kí àwọn ọmọ* rẹ̀ máa tọrọ nǹkan kiri,Kí wọ́n sì máa jáde látinú ilé wọn tó ti di ahoro lọ wá oúnjẹ.
11 Kí ẹni tó jẹ ní gbèsè gbẹ́sẹ̀ lé* gbogbo ohun tó ní,Kí àwọn àjèjì sì kó ohun ìní rẹ̀.
12 Kí ẹnikẹ́ni má ṣe nawọ́ oore* sí i,Kí ẹnikẹ́ni má sì ṣojú rere sí àwọn ọmọ rẹ̀ tí kò ní bàbá.
13 Kí àtọmọdọ́mọ* rẹ̀ pa rẹ́;+Kí orúkọ wọn pa rẹ́ kí ìran tó ń bọ̀ tó dé.
14 Kí Jèhófà rántí àṣìṣe àwọn baba ńlá rẹ̀,+Kí ẹ̀ṣẹ̀ ìyá rẹ̀ má sì pa rẹ́.
15 Kí Jèhófà máa rántí gbogbo ohun tí wọ́n ṣe;Kí ó sì pa ìrántí wọn rẹ́ kúrò ní ayé.+
16 Nítorí kò rántí ṣe oore,*+Àmọ́, ó ń lé ẹni tí ìyà ń jẹ+ àti aláìní pẹ̀lú ẹni tó ní ọgbẹ́ ọkànLáti pa wọ́n.+
17 Ó fẹ́ràn kó máa gégùn-ún, ohun tó sì dà lé e lórí nìyẹn;Kì í fẹ́ súre, torí náà, kò rí ìbùkún kankan gbà.
18 Ó gbé ègún wọ̀ bí aṣọ.
Ó dà sínú ara rẹ̀ bí omi,Ó sì wọnú egungun rẹ̀ bí òróró.
19 Kí ègún wé mọ́ ọn bí aṣọ tó ń wọ̀+Àti bí àmùrè tó ń dè nígbà gbogbo.
20 Ohun tí Jèhófà máa san fún ẹni tó ń ta kò mí nìyí+Àti fún àwọn tó ń sọ̀rọ̀ burúkú sí mi.*
21 Àmọ́ ìwọ, Jèhófà Olúwa Ọba Aláṣẹ,Gbèjà mi nítorí orúkọ rẹ.+
Gbà mí sílẹ̀, nítorí ìfẹ́ rẹ tí kì í yẹ̀ dára.+
22 Mi ò lè ṣe nǹkan kan, mo jẹ́ aláìní,+Ọkàn mi sì ti gbọgbẹ́.+
23 Mò ń kọjá lọ bí òjìji tó ń pa rẹ́ lọ;Wọ́n ti gbọ̀n mí dà nù bí eéṣú.
24 Àwọn eékún mi ti yẹ̀ nítorí ààwẹ̀ gbígbà;Mo ti rù, mo sì ń kú lọ.*
25 Mo ti di ohun tí wọ́n fi ń ṣe yẹ̀yẹ́.+
Tí wọ́n bá rí mi, ṣe ni wọ́n ń mi orí.+
26 Ràn mí lọ́wọ́, Jèhófà Ọlọ́run mi;Fi ìfẹ́ rẹ tí kì í yẹ̀ gbà mí.
27 Kí wọ́n mọ̀ pé ọwọ́ rẹ ló ṣe èyí;Pé ìwọ, Jèhófà, ló ṣe é.
28 Kí wọ́n gégùn-ún, àmọ́ ṣe ni kí o súre fún mi.
Tí wọ́n bá dìde sí mi, jẹ́ kí ojú tì wọ́n,Àmọ́ kí ìránṣẹ́ rẹ máa yọ̀.
29 Kí ẹ̀tẹ́ bo àwọn tó ń ta kò mí;Kí wọ́n gbé ìtìjú wọ̀ bí aṣọ.*+
30 Ẹnu mi á máa yin Jèhófà gidigidi;Màá máa yìn ín níwájú ọ̀pọ̀ èèyàn.+
31 Nítorí á dúró ní ọwọ́ ọ̀tún aláìníLáti gbà á lọ́wọ́ àwọn tó ń dá a* lẹ́bi.
Àlàyé Ìsàlẹ̀ Ìwé
^ Tàbí “afinisùn.”
^ Tàbí “kí wọ́n pè é ní ẹni burúkú.”
^ Ní Héb., “àwọn ọmọkùnrin.”
^ Ní Héb., “àwọn ọmọkùnrin.”
^ Tàbí “ẹni tó ń gba èlé gọbọi dẹ pańpẹ́ mú.”
^ Tàbí “ìfẹ́ tí kì í yẹ̀.”
^ Tàbí “ìran àtẹ̀lé.”
^ Tàbí “fi ìfẹ́ tí kì í yẹ̀ hàn.”
^ Tàbí “ọkàn mi.”
^ Ní Héb., “Ara mi ti rù, láìní ọ̀rá (òróró).”
^ Tàbí “aṣọ àwọ̀lékè tí kò lápá.”
^ Tàbí “ọkàn rẹ̀.”
