Nọ́ńbà 24:1-25
24 Nígbà tí Báláámù wá rí i ó wu Jèhófà* láti súre fún Ísírẹ́lì, kò tún lọ wá bó ṣe máa ríran ìparun+ mọ́, àmọ́ ó yíjú sí aginjù.
2 Nígbà tí Báláámù wòkè tó sì rí i tí Ísírẹ́lì pàgọ́ wọn ní ẹ̀yà-ẹ̀yà,+ ẹ̀mí Ọlọ́run wá bà lé e.+
3 Ó sì sọ̀rọ̀ lówelówe pé: +
“Ọ̀rọ̀ Báláámù ọmọ Béórì,
Àti ọ̀rọ̀ ẹnu ọkùnrin tí ojú rẹ̀ ti là,
4 Ọ̀rọ̀ ẹni tó ń gbọ́ ọ̀rọ̀ Ọlọ́run,Tó rí ìran Olódùmarè,Tó wólẹ̀ nígbà tí ojú rẹ̀ là:+
5 Àwọn àgọ́ rẹ mà rẹwà o, ìwọ Jékọ́bù,Àwọn ibùgbé rẹ, ìwọ Ísírẹ́lì!+
6 Wọ́n tẹ́ lọ rẹrẹ+ bí àwọn àfonífojì,Bí àwọn ọgbà tó wà létí odò,Bí àwọn ewéko álóè tí Jèhófà gbìn,Bí àwọn igi kédárì létí omi.
7 Omi ń sun látinú àwọn korobá rẹ̀ méjì tí wọ́n fi awọ ṣe,Etí omi+ ló sì gbin àwọn irúgbìn* rẹ̀ sí.
Ọba+ rẹ̀ pẹ̀lú yóò ju Ágágì+ lọ,Wọ́n á sì gbé ìjọba rẹ̀ ga.+
8 Ọlọ́run ń mú un kúrò ní Íjíbítì.Ó dà bí ìwo akọ màlúù igbó fún wọn.
Ó máa jẹ àwọn orílẹ̀-èdè run, àwọn tó ń ni ín lára,+Ó máa jẹ egungun wọn run, ó sì máa fi àwọn ọfà rẹ̀ run wọ́n.
9 Ó ti dùbúlẹ̀, ó sùn sílẹ̀ bíi kìnnìún,Bíi kìnnìún, ta ló láyà láti jí i?
Ìbùkún ni fún àwọn tó ń súre fún ọ,Ègún sì ni fún àwọn tó ń gégùn-ún+ fún ọ.”
10 Inú wá bí Bálákì sí Báláámù gan-an. Bálákì wá fi ìbínú pàtẹ́wọ́, ó sì sọ fún Báláámù pé: “Torí kí o lè gégùn-ún fún àwọn ọ̀tá mi ni mo ṣe pè ọ́ + wá, àmọ́ ṣe lo kàn ń súre fún wọn lẹ́ẹ̀mẹta yìí.
11 Ó yá, tètè pa dà sílé. Mo fẹ́ dá ọ lọ́lá gan-an+ tẹ́lẹ̀ ni, àmọ́ wò ó! Jèhófà ò jẹ́ kí n dá ọ lọ́lá.”
12 Báláámù dá Bálákì lóhùn pé: “Ṣebí mo sọ fún àwọn tí o rán pé,
13 ‘Bí Bálákì bá tiẹ̀ fún mi ní ilé rẹ̀ tí fàdákà àti wúrà kún inú rẹ̀, mi ò kàn ní ṣe ohunkóhun tó wù mí,* tó lòdì sí àṣẹ Jèhófà, bóyá ó dáa tàbí kò dáa. Ọ̀rọ̀ tí Jèhófà bá sọ fún mi nìkan ni màá sọ’?+
14 Ní báyìí, mo fẹ́ pa dà sọ́dọ̀ àwọn èèyàn mi. Wá, jẹ́ kí n sọ fún ọ, ohun tí àwọn èèyàn yìí máa ṣe fún àwọn èèyàn rẹ lọ́jọ́ iwájú.”*
15 Ó wá sọ̀rọ̀ lówelówe pé:+
“Ọ̀rọ̀ Báláámù ọmọ Béórì,Àti ọ̀rọ̀ ẹnu ọkùnrin tí ojú rẹ̀ ti là,+
16 Ọ̀rọ̀ ẹni tó ń gbọ́ ọ̀rọ̀ Ọlọ́run,Àti ẹni tó ní ìmọ̀ Ẹni Gíga Jù Lọ,Ó rí ìran OlódùmarèNígbà tó wólẹ̀, tí ojú rẹ̀ là:
17 Màá rí i, àmọ́ kì í ṣe báyìí;Màá wò ó, àmọ́ kò tíì yá.
Ìràwọ̀ kan+ máa ti ọ̀dọ̀ Jékọ́bù wá,Ọ̀pá àṣẹ+ kan sì máa dìde láti Ísírẹ́lì.+
Ó sì dájú pé ó máa fọ́ iwájú orí Móábù*+ sí wẹ́wẹ́Àti agbárí gbogbo àwọn ọmọ ìdàrúdàpọ̀.
18 Édómù sì máa di ohun ìní,+Àní, Séírì+ máa di ohun ìní àwọn ọ̀tá+ rẹ̀,Bí Ísírẹ́lì ṣe ń fi hàn pé òun nígboyà.
19 Ẹnì kan yóò ti ọ̀dọ̀ Jékọ́bù wá, tí yóò máa ṣẹ́gun lọ,+Yóò sì pa ẹnikẹ́ni tó bá yè bọ́ nínú ìlú náà run.”
20 Nígbà tó rí Ámálékì, ó ń bá ọ̀rọ̀ rẹ̀ lọ lówelówe pé:
“Ámálékì ni àkọ́kọ́ nínú àwọn orílẹ̀-èdè,+Àmọ́ ṣe ló máa ṣègbé+ nígbẹ̀yìn-gbẹ́yín.”
21 Nígbà tó rí àwọn Kénì,+ ó ń bá ọ̀rọ̀ rẹ̀ lọ lówelówe pé:
“Ibùgbé rẹ ní ààbò, orí àpáta sì ni ilé rẹ fìkàlẹ̀ sí.
22 Àmọ́ ẹnì kan máa sun Kénì kanlẹ̀.
Ìgbà mélòó ló kù tí Ásíríà fi máa kó ọ lẹ́rú?”
23 Ó ń bá ọ̀rọ̀ rẹ̀ lọ lówelówe pé:
“Ó mà ṣe o! Ta ló máa yè bọ́ tí Ọlọ́run bá ṣe èyí?
24 Àwọn ọkọ̀ òkun máa wá láti etíkun Kítímù,+
Wọ́n á sì fìyà jẹ Ásíríà,+Wọ́n á tún fìyà jẹ Ébérì.Àmọ́ ṣe lòun náà máa ṣègbé pátápátá.”
25 Báláámù+ wá dìde, ó sì lọ, ó pa dà síbi tó ti wá. Bálákì náà sì bá ọ̀nà tirẹ̀ lọ.
