Jeremáyà 6:1-30

  • Ọ̀tá máa tó dó ti Jerúsálẹ́mù (1-9)

  • Ìbínú Jèhófà lórí Jerúsálẹ́mù (10-21)

    • Wọ́n ń sọ pé “Àlàáfíà!” nígbà tí kò sí àlàáfíà (14)

  • Ọ̀tá ya wọ ilẹ̀ náà láti àríwá (22-26)

  • Jeremáyà máa di ẹni tó ń yọ́ wúrà àti fàdákà mọ́ (27-30)

6  Ẹ wá ibi ààbò kúrò ní Jerúsálẹ́mù, ẹ̀yin ọmọ Bẹ́ńjámínì. Ẹ fun ìwo+ ní Tékóà;+Ẹ sì gbé àmì iná sókè lórí Bẹti-hákérémù! Torí pé àjálù ń rọ̀ dẹ̀dẹ̀ láti àríwá, àjálù ńlá.+   Ọmọbìnrin Síónì jọ arẹwà obìnrin tó gbẹgẹ́.+   Àwọn olùṣọ́ àgùntàn àti agbo ẹran wọn yóò wá. Wọ́n á pa àgọ́ wọn yí i ká,+Kálukú wọn á máa kó agbo ẹran wọn jẹ̀.+   “Ẹ múra* láti bá a jagun! Ẹ dìde, ẹ jẹ́ ká bá a jà ní ọ̀sán gangan!” “A gbé! Nítorí ọjọ́ ti lọ,Ilẹ̀ sì ti ń ṣú.”   “Ẹ dìde, ẹ jẹ́ ká bá a jà ní òruKá sì pa àwọn ilé gogoro rẹ̀ tó láàbò run.”+   Ohun tí Jèhófà Ọlọ́run àwọn ọmọ ogun sọ nìyí: “Gé igi lulẹ̀, kí o sì mọ òkìtì láti dó ti Jerúsálẹ́mù.+ Ìlú tí ó gbọ́dọ̀ jíhìn ni;Ìnilára nìkan ló wà nínú rẹ̀.+   Bí omi tútù ṣe máa ń wà nínú àmù,*Bẹ́ẹ̀ ni ìwà burúkú ṣe wà nínú ìlú yìí. Ìwà ipá àti ìparun ni ìròyìn tí à ń gbọ́ nínú rẹ̀;+Àìsàn àti àjálù ni mò ń rí níbẹ̀ nígbà gbogbo.   Gba ìkìlọ̀, ìwọ Jerúsálẹ́mù, kí n* má bàa bínú fi ọ́ sílẹ̀;+Màá sọ ọ́ di ahoro, ilẹ̀ tí kò sí ẹni tó ń gbé ibẹ̀.”+   Ohun tí Jèhófà Ọlọ́run àwọn ọmọ ogun sọ nìyí: “Wọ́n á fara balẹ̀ ṣa* èyí tó ṣẹ́ kù lára Ísírẹ́lì bí èso àjàrà tó kẹ́yìn. Pa dà lọ ṣà wọ́n bí ẹni tó ń ṣa èso àjàrà lórí àwọn àjàrà.” 10  “Ta ló yẹ kí n bá sọ̀rọ̀, kí n sì kìlọ̀ fún? Ta ló máa gbọ́? Wò ó! Etí wọn ti di,* tí wọn kò fi lè fetí sílẹ̀.+ Wò ó! Ọ̀rọ̀ Jèhófà ti di ohun tí wọ́n fi ń ṣe ẹlẹ́yà;+Inú wọn ò sì dùn sí ọ̀rọ̀ rẹ̀. 11  Torí náà, ìbínú Jèhófà ti kún inú mi,Ara mi ò sì gbà á mọ́.”+ “Dà á sórí ọmọ tó wà lójú ọ̀nà,+Sórí àwọn àwùjọ ọ̀dọ́kùnrin tó kóra jọ. Gbogbo wọn ni ọwọ́ máa tẹ̀, láìyọ ọkùnrin kan àti ìyàwó rẹ̀ sílẹ̀,Àwọn àgbàlagbà pẹ̀lú àwọn arúgbó.*+ 12  Ilé wọn máa di ti àwọn ẹlòmíì,Títí kan àwọn oko wọn àti ìyàwó wọn.+ Torí màá na ọwọ́ mi sí àwọn tó ń gbé ilẹ̀ náà,” ni Jèhófà wí. 13  “Látorí ẹni kékeré títí dórí ẹni ńlá, kálukú wọn ń jẹ èrè tí kò tọ́;+Látorí wòlíì títí dórí àlùfáà, kálukú wọn ń lu jìbìtì.+ 14  Wọ́n sì ń wo àárẹ̀* àwọn èèyàn mi sàn láàbọ̀,* wọ́n ń sọ pé,‘Àlàáfíà wà! Àlàáfíà wà!’ Nígbà tí kò sí àlàáfíà.+ 15  Ǹjẹ́ ojú tì wọ́n nítorí àwọn ohun ìríra tí wọ́n ṣe? Ojú kì í tì wọ́n! Àní wọn ò tiẹ̀ lójútì rárá!+ Torí náà, wọ́n á ṣubú láàárín àwọn tó ti ṣubú. Nígbà tí mo bá fìyà jẹ wọ́n, wọ́n á kọsẹ̀,” ni Jèhófà wí. 16  Ohun tí Jèhófà sọ nìyí: “Ẹ dúró ní oríta, kí ẹ sì wò. Ẹ béèrè àwọn ọ̀nà àtijọ́,Ẹ béèrè ibi tí ọ̀nà tó dára wà, kí ẹ sì máa rìn ín,+Kí ẹ* lè rí ìsinmi.” Ṣùgbọ́n wọ́n sọ pé: “A ò ní rin ọ̀nà náà.”+ 17  “Mo sì yan àwọn olùṣọ́+ tí wọ́n sọ pé,‘Ẹ fetí sí ìró ìwo!’”+ Àmọ́ wọ́n sọ pé: “A ò ní fetí sí i.”+ 18  “Torí náà, ẹ gbọ́, ẹ̀yin orílẹ̀-èdè! Kí o sì mọ̀, ìwọ àpéjọ,Ohun tó máa ṣẹlẹ̀ sí wọn. 19  Ẹ fetí sílẹ̀, ẹ̀yin orílẹ̀-èdè ayé! Màá mú àjálù bá àwọn èèyàn yìí+Wọ́n á jèrè èrò ibi wọn,Torí wọn kò fiyè sí ọ̀rọ̀ miWọ́n sì kọ òfin* mi.” 20  “Kò já mọ́ nǹkan kan lójú mi pé ẹ̀ ń mú oje igi tùràrí wá láti ṢébàÀti pòròpórò olóòórùn dídùn* láti ilẹ̀ tó jìnnà. Àwọn odindi ẹbọ sísun yín kò ní ìtẹ́wọ́gbà,Àwọn ẹbọ yín kò sì mú inú mi dùn.”+ 21  Nítorí náà, ohun tí Jèhófà sọ nìyí: “Wò ó, màá fi àwọn ohun ìkọ̀sẹ̀ sí iwájú àwọn èèyàn yìí,Wọ́n á sì mú wọn kọsẹ̀,Àwọn bàbá àti àwọn ọmọ,Aládùúgbò àti ọ̀rẹ́,Gbogbo wọn yóò sì ṣègbé.”+ 22  Ohun tí Jèhófà sọ nìyí: “Wò ó! Àwọn èèyàn kan ń bọ̀ láti ilẹ̀ àríwá,Orílẹ̀-èdè ńlá kan yóò ta jí láti ibi tó jìnnà jù lọ láyé.+ 23  Wọ́n á di ọfà* àti ọ̀kọ̀* mú. Ìkà ni wọ́n, wọn ò sì lójú àánú. Ìró wọn dà bíi ti òkun,Wọ́n sì gun ẹṣin.+ Wọ́n to ara wọn bí àwọn jagunjagun láti bá ọ jà, ìwọ ọmọbìnrin Síónì.” 24  A ti gbọ́ ìròyìn nípa rẹ̀. Ọwọ́ wa rọ;+Wàhálà ti bá wa,Ìdààmú* sì bá wa bíi ti obìnrin tó ń rọbí.+ 25  Má ṣe lọ sí oko,Má sì rìn lójú ọ̀nà,Nítorí ọ̀tá ní idà;Ìpayà sì wà níbi gbogbo. 26  Ìwọ ọmọbìnrin àwọn èèyàn mi,Wọ aṣọ ọ̀fọ̀,*+ kí o sì yí nínú eérú. Ṣọ̀fọ̀ bí ẹni tí ọmọkùnrin rẹ̀ kan ṣoṣo kú, kí o sì sunkún gidigidi,+Torí lójijì ni apanirun máa dé bá wa.+ 27  “Mo ti fi ọ́* ṣe ẹni tó ń yọ́ wúrà àti fàdákà mọ́,Nítorí o ní láti yọ́ àwọn èèyàn mi mọ́;Màá fiyè sí wọn, màá sì ṣàyẹ̀wò ohun tí wọ́n ń ṣe. 28  Kò sí ẹni tó lágídí tó wọn láyé,+Wọ́n ń rìn káàkiri bí abanijẹ́.+ Wọ́n dà bíi bàbà àti irin;Ìwà ìbàjẹ́ kún ọwọ́ gbogbo wọn. 29  Ẹwìrì* wọn ti jóná. Òjé ló ń jáde látinú iná wọn. Ẹni tó ń yọ́ nǹkan mọ́ kàn ń ṣiṣẹ́ lásán ni,+Àwọn tí kò dára kò sì yọ́ kúrò.+ 30  Ó dájú pé fàdákà tí a kọ̀ ni àwọn èèyàn máa pè wọ́n,Nítorí Jèhófà ti kọ̀ wọ́n.”+

Àlàyé Ìsàlẹ̀ Ìwé

Ní Héb., “Ẹ ya ara yín sí mímọ́.”
Tàbí “kòtò omi.”
Tàbí “ọkàn mi.”
Ní Héb., “pèéṣẹ́.”
Ní Héb., “Wọn ò dádọ̀dọ́ etí.”
Ní Héb., “àwọn tí wọ́n lọ́jọ́ lórí.”
Tàbí “ọgbẹ́.”
Tàbí “fẹ́ẹ́rẹ́fẹ́.”
Tàbí “ọkàn yín.”
Tàbí “ìtọ́ni.”
Esùsú tó ń ta sánsán.
Tàbí “ẹ̀ṣín.”
Ní Héb., “ọrun.”
Ní Héb., “Ìrora ìrọbí.”
Ní Héb., “aṣọ àpò ìdọ̀họ.”
Ìyẹn, Jeremáyà.
Ìyẹn, ohun tí àwọn alágbẹ̀dẹ fi ń fẹ́ná.