Jeremáyà 17:1-27

  • Júdà ti jingíri sínú ẹ̀ṣẹ̀ (1-4)

  • Ìbùkún tó wà nínú gbígbẹ́kẹ̀lé Jèhófà (5-8)

  • Ọkàn tó ń tanni jẹ (9-11)

  • Jèhófà jẹ́ ìrètí Ísírẹ́lì (12, 13)

  • Àdúrà Jeremáyà (14-18)

  • Jẹ́ kí Sábáàtì wà ní mímọ́ (19-27)

17  “Ẹ̀ṣẹ̀ Júdà ni a ti fi kálàmù* irin kọ sílẹ̀. A ti fi ṣóńṣó dáyámọ́ǹdì fín in sára wàláà ọkàn wọnÀti sára àwọn ìwo pẹpẹ wọn,   Nígbà tí àwọn ọmọ wọn rántí pẹpẹ wọn àti òpó òrìṣà* wọn+Lẹ́gbẹ̀ẹ́ igi tó gbẹ̀rẹ̀gẹ̀jigẹ̀, lórí àwọn ibi tó ga,+   Lórí àwọn òkè ní àwọn ìgbèríko tó tẹ́jú. Àwọn ohun àmúṣọrọ̀ rẹ, gbogbo ìṣúra rẹ ni màá jẹ́ kí wọ́n kó lọ+Títí kan àwọn ibi gíga rẹ nítorí ẹ̀ṣẹ̀ tí o dá ní gbogbo ìpínlẹ̀ rẹ.+   Ìwọ fúnra rẹ máa yọ̀ǹda ogún tí mo fún ọ.+ Màá sì mú kí o sin àwọn ọ̀tá rẹ ní ilẹ̀ tí o kò mọ̀,+Nítorí o ti mú kí ìbínú mi ràn bí iná.*+ Yóò máa jó títí lọ.”   Ohun tí Jèhófà sọ nìyí: “Ègún ni fún ọkùnrin* tó gbẹ́kẹ̀ lé èèyàn lásánlàsàn,+Tó gbára lé agbára èèyàn,*+Tí ọkàn rẹ̀ sì pa dà lẹ́yìn Jèhófà.   Yóò dà bí igi tó dá wà ní aṣálẹ̀. Kò ní rí i nígbà tí ohun rere bá dé,Ṣùgbọ́n àwọn ibi tó gbẹ nínú aginjù ni yóò máa gbé,Ní ilẹ̀ iyọ̀ tí kò sí ẹnì kankan tó lè gbé ibẹ̀.   Ìbùkún ni fún ọkùnrin* tó gbẹ́kẹ̀ lé Jèhófà,Ẹni tó fi Jèhófà ṣe ìgbọ́kànlé rẹ̀.+   Yóò dà bí igi tí a gbìn sí etí omi,Tó na gbòǹgbò rẹ̀ sínú odò. Kò ní mọ̀ ọ́n lára nígbà tí ooru bá dé,Ṣùgbọ́n àwọn ewé rẹ̀ yóò máa tutù yọ̀yọ̀ ní gbogbo ìgbà.+ Ní ọdún ọ̀gbẹlẹ̀, kò ní ṣàníyàn,Bẹ́ẹ̀ sì ni kò ní yéé so èso.   Ọkàn ń tanni jẹ* ju ohunkóhun lọ, kò sóhun tí kò lè ṣe.*+ Ta ló lè mọ̀ ọ́n? 10  Èmi, Jèhófà, ń wá inú ọkàn,+Mo sì ń ṣàyẹ̀wò èrò inú,*Kí n lè san èrè fún ẹnì kọ̀ọ̀kan gẹ́gẹ́ bí ọ̀nà rẹ̀Àti gẹ́gẹ́ bí èso iṣẹ́ rẹ̀.+ 11  Bí ẹyẹ àparò tó máa ń sàba lórí ẹyin tí kì í ṣe tirẹ̀,Bẹ́ẹ̀ ni ẹni tó ń fi èrú* kó ọrọ̀ jọ.+ Wọ́n á fi í sílẹ̀ ní ọ̀sán gangan ayé rẹ̀,Ní ìkẹyìn, á wá hàn pé òmùgọ̀ ni.” 12  Ìtẹ́ ológo tí a gbé ga láti ìbẹ̀rẹ̀,Ni ibi mímọ́ wa jẹ́.+ 13  Jèhófà, ìwọ ni ìrètí Ísírẹ́lì,Ojú máa ti gbogbo àwọn tó bá fi ọ́ sílẹ̀. Àwọn tó bá pẹ̀yìn dà lọ́dọ̀ rẹ* ni a ó kọ orúkọ wọn sórí eruku ilẹ̀,+Torí pé wọ́n ti fi Jèhófà sílẹ̀, ẹni tó jẹ́ orísun omi ìyè.+ 14  Wò mí sàn, Jèhófà, ara mi á sì dá. Gbà mí là, màá sì rí ìgbàlà,+Nítorí ìwọ ni èmi yóò máa yìn. 15  Wò ó! Àwọn kan ń sọ fún mi pé: “Ọ̀rọ̀ Jèhófà dà?+ Jọ̀wọ́, jẹ́ kó wá!” 16  Ṣùgbọ́n ní tèmi, mi ò sá kúrò lẹ́yìn rẹ bí mo ti ń ṣe olùṣọ́ àgùntàn,Mi ò sì máa retí pé kí ọjọ́ àjálù dé. Gbogbo ohun tí mo fi ètè mi sọ lo mọ̀ dáadáa;Ìṣojú rẹ ni gbogbo rẹ̀ wáyé! 17  Má ṣe jẹ́ ohun ẹ̀rù fún mi. Ìwọ ni ibi ààbò mi ní ọjọ́ àjálù. 18  Jẹ́ kí ojú ti àwọn tó ń ṣe inúnibíni sí mi,+Àmọ́ má ṣe jẹ́ kí ojú tì mí. Jẹ́ kí jìnnìjìnnì bá wọn,Àmọ́ má ṣe jẹ́ kí jìnnìjìnnì bá mi. Mú kí ọjọ́ àjálù dé bá wọn,+Fọ́ wọn túútúú, kí o sì pa wọ́n run pátápátá.* 19  Ohun tí Jèhófà sọ fún mi nìyí: “Lọ, kí o sì dúró ní ẹnubodè àwọn ọmọ èèyàn náà, èyí tí àwọn ọba Júdà ń gbà wọlé, tí wọ́n sì ń gbà jáde àti ní gbogbo ẹnubodè Jerúsálẹ́mù.+ 20  Sọ fún wọn pé, ‘Ẹ gbọ́ ọ̀rọ̀ Jèhófà, ẹ̀yin ọba Júdà àti gbogbo ẹ̀yin èèyàn Júdà pẹ̀lú gbogbo ẹ̀yin tó ń gbé ní Jerúsálẹ́mù, tí ẹ̀ ń gba àwọn ẹnubodè yìí wọlé. 21  Ohun tí Jèhófà sọ nìyí: “Ẹ ṣọ́ ara* yín, ẹ má sì ru ẹrù èyíkéyìí ní ọjọ́ Sábáàtì tàbí kí ẹ gbé e gba àwọn ẹnubodè Jerúsálẹ́mù wọlé.+ 22  Ẹ kò gbọ́dọ̀ gbé ẹrù kankan jáde láti inú ilé yín ní ọjọ́ Sábáàtì, ẹ kò sì gbọ́dọ̀ ṣe iṣẹ́ kankan.+ Ẹ jẹ́ kí ọjọ́ Sábáàtì máa jẹ́ mímọ́, gẹ́gẹ́ bí mo ṣe pa á láṣẹ fún àwọn baba ńlá yín.+ 23  Ṣùgbọ́n wọn kò tẹ́tí sí mi, bẹ́ẹ̀ ni wọn kò fetí sílẹ̀, wọ́n ya alágídí* kí wọ́n má bàa ṣègbọràn, kí wọ́n má sì gba ìbáwí.”’+ 24  “‘“Àmọ́, bí ẹ bá ṣègbọràn sí mi délẹ̀délẹ̀,” ni Jèhófà wí, “tí ẹ kò gbé ẹrù kankan gba àwọn ẹnubodè ìlú yìí wọlé ní ọjọ́ Sábáàtì, tí ẹ sì jẹ́ kí ọjọ́ Sábáàtì máa jẹ́ mímọ́ ní ti pé ẹ kò ṣe iṣẹ́ kankan lọ́jọ́ náà,+ 25  nígbà náà, àwọn ọba àti àwọn ìjòyè, tí wọ́n jókòó lórí ìtẹ́ Dáfídì,+ tí wọ́n gun kẹ̀kẹ́ ẹṣin àti àwọn ẹṣin, àwọn àti àwọn ìjòyè wọn, àwọn èèyàn Júdà àti àwọn tó ń gbé Jerúsálẹ́mù, máa gba àwọn ẹnubodè ìlú yìí wọlé,+ àwọn èèyàn á sì máa gbé inú ìlú yìí títí láé. 26  Àwọn èèyàn á sì wá láti àwọn ìlú Júdà àti láti àyíká Jerúsálẹ́mù àti láti ilẹ̀ Bẹ́ńjámínì+ àti láti pẹ̀tẹ́lẹ̀ + àti láti àwọn agbègbè olókè àti láti Négébù.* Wọ́n á máa mú odindi ẹbọ sísun + àti ẹbọ+ àti ọrẹ ọkà+ àti oje igi tùràrí wá, wọ́n á sì máa mú ẹbọ ìdúpẹ́ wá sínú ilé Jèhófà.+ 27  “‘“Ṣùgbọ́n bí ẹ kò bá ṣègbọràn sí àṣẹ tí mo pa pé kí ẹ jẹ́ kí ọjọ́ Sábáàtì máa jẹ́ mímọ́, tí ẹ̀ ń ru ẹrù, tí ẹ sì ń gbé e gba àwọn ẹnubodè Jerúsálẹ́mù ní ọjọ́ Sábáàtì, ṣe ni màá sọ iná sí àwọn ẹnubodè rẹ̀, ó sì dájú pé á jó àwọn ilé gogoro tó láàbò ní Jerúsálẹ́mù run,+ a kò sì ní pa iná náà.”’”+

Àlàyé Ìsàlẹ̀ Ìwé

Tàbí “gègé.”
Tàbí kó jẹ́, “Nítorí ìbínú mi ti mú kí ẹ ràn bí iná.”
Ní Héb., “tó fi ẹlẹ́ran ara ṣe apá rẹ̀.”
Tàbí “ọkùnrin alágbára.”
Tàbí “ọkùnrin alágbára.”
Tàbí “ṣe békebèke.”
Tàbí kó jẹ́, “kò ṣeé wò sàn.”
Tàbí “inú lọ́hùn-ún.” Ní Héb., “kíndìnrín.”
Tàbí “ìwà àìtọ́.”
Ní Héb., “lọ́dọ̀ mi,” ó jọ pé Jèhófà ló ń tọ́ka sí.
Tàbí “pa wọ́n ní àpatúnpa.”
Tàbí “ọkàn.”
Ní Héb., “wọ́n mú ọrùn wọn le.”
Tàbí “gúúsù.”