Jeremáyà 15:1-21

  • Jèhófà kò ní yí ìdájọ́ rẹ̀ pa dà (1-9)

  • Jeremáyà mú ẹjọ́ rẹ̀ wá (10)

  • Ohun tí Jèhófà sọ (11-14)

  • Àdúrà Jeremáyà (15-18)

    • Ọ̀rọ̀ Ọlọ́run tó jẹ mú kí inú rẹ̀ dùn (16)

  • Jèhófà fún Jeremáyà lágbára (19-21)

15  Nígbà náà, Jèhófà sọ fún mi pé: “Bí Mósè àti Sámúẹ́lì bá tiẹ̀ dúró níwájú mi,+ mi ò ní ṣojúure sí* àwọn èèyàn yìí. Lé wọn kúrò níwájú mi, kí wọ́n máa lọ.  Bí wọ́n bá sì bi ọ́ pé, ‘Kí ló máa ṣẹlẹ̀ sí wa?’ kí o sọ fún wọn pé, ‘Ohun tí Jèhófà sọ nìyí: “Àjàkálẹ̀ àrùn máa pa àwọn kan lára yín! Idà máa pa àwọn kan lára yín!+ Ìyàn máa pa àwọn míì lára yín! Àwọn kan lára yín sì máa lọ sóko ẹrú!”’+  “‘Màá yan ìyọnu mẹ́rin lé wọn lórí,’*+ ni Jèhófà wí, ‘idà láti pa wọ́n, àwọn ajá láti wọ́ òkú wọn lọ àti àwọn ẹyẹ ojú ọ̀run pẹ̀lú àwọn ẹranko orí ilẹ̀ láti jẹ wọ́n àti láti run wọ́n.+  Màá sì sọ wọ́n di ohun àríbẹ̀rù lójú gbogbo ìjọba ayé+ nítorí ohun tí Mánásè ọmọ Hẹsikáyà, ọba Júdà ṣe ní Jerúsálẹ́mù.+   Ta ló máa ṣàánú rẹ, ìwọ Jerúsálẹ́mù,Ta ló máa bá ọ kẹ́dùn,Ta ló sì máa yà wá béèrè àlàáfíà rẹ?’   ‘O ti fi mí sílẹ̀,’ ni Jèhófà wí.+ ‘Ò ń kẹ̀yìn sí mi ṣáá.*+ Torí náà, màá na ọwọ́ mi sí ọ, màá sì pa ọ́ run.+ Mo ti ṣàánú rẹ títí, ó ti sú mi.*   Màá fi àmúga fẹ́ wọn bí ọkà ní àwọn ẹnubodè ilẹ̀ náà. Màá mú kí wọ́n ṣòfò ọmọ.+ Màá pa àwọn èèyàn mi run,Nítorí wọn ò yí pa dà kúrò nínú ọ̀nà wọn.+   Màá mú kí àwọn opó wọn pọ̀ ju iyanrìn òkun lọ. Màá mú apanirun wá bá wọn ní ọ̀sán gangan, yóò wá bá àwọn ìyá àti àwọn ọ̀dọ́kùnrin. Màá sì mú ìrúkèrúdò àti ẹ̀rù wá bá wọn lójijì.   Ó ti rẹ obìnrin tó bí ọmọ méje tẹnutẹnu;Ó* ń mí gúlegúle. Oòrùn rẹ̀ ti wọ̀ ní ọ̀sán gangan,Ìtìjú ti bá a, ó sì ti tẹ́.’* ‘Àwọn díẹ̀ tó sì ṣẹ́ kù lára wọnNi màá jẹ́ kí àwọn ọ̀tá wọn fi idà pa,’ ni Jèhófà wí.”+ 10  Ìwọ ìyá mi, mo gbé nítorí pé o bí mi,+Ọkùnrin tí gbogbo ilẹ̀ náà ń bá jà, tí wọ́n sì ń bá fa wàhálà. Mi ò yáni lówó, bẹ́ẹ̀ ni mi ò yáwó lọ́wọ́ ẹnì kankan;Àmọ́ gbogbo wọn ń gbé mi ṣépè. 11  Jèhófà sọ pé: “Màá tì ọ́ lẹ́yìn;Màá bá ọ bá ọ̀tá sọ̀rọ̀ ní àkókò àjálùÀti ní àkókò ìdààmú. 12  Ṣé a rí ẹni tó lè ṣẹ́ irin sí wẹ́wẹ́,Irin tó wá láti àríwá, tàbí tó lè ṣẹ́ bàbà sí wẹ́wẹ́? 13  Màá jẹ́ kí wọ́n kó àwọn ohun àmúṣọrọ̀ rẹ àti ìṣúra rẹ lọ,+Kì í ṣe láti gba owó, àmọ́ ó jẹ́ nítorí gbogbo ẹ̀ṣẹ̀ tí o dá ní gbogbo ilẹ̀ rẹ. 14  Màá kó wọn fún àwọn ọ̀tá rẹKí wọ́n lè kó wọn lọ sí ilẹ̀ tí ìwọ kò mọ̀.+ Torí ìbínú mi ti mú kí iná kan ràn,Á sì máa jó lára rẹ.”+ 15  Ìwọ fúnra rẹ mọ̀, Jèhófà,Rántí mi kí o sì kíyè sí mi. Gbẹ̀san mi lára àwọn tó ń ṣe inúnibíni sí mi.+ Má ṣe jẹ́ kí n ṣègbé* torí o kì í tètè bínú. O ṣáà mọ̀ pé nítorí rẹ ni mo ṣe ń fara da ẹ̀gàn yìí.+ 16  Mo rí ọ̀rọ̀ rẹ, mo sì jẹ ẹ́;+Ọ̀rọ̀ rẹ sì di ayọ̀ fún mi àti ìdùnnú ọkàn mi,Nítorí wọ́n ti fi orúkọ rẹ pè mí, Jèhófà Ọlọ́run àwọn ọmọ ogun. 17  Mi ò jókòó ní àwùjọ àwọn alárìíyá, kí n sì máa yọ̀.+ Nítorí ọwọ́ rẹ wà lára mi, ṣe ni mo dá jókòó,Torí o ti fi ìbínú* kún inú mi.+ 18  Kí nìdí tí ìrora mi ò fi lọ, tí ọgbẹ́ mi ò sì ṣeé wò sàn? Tí ó kọ̀ tí kò sàn. Ṣé o máa wá dà bí orísun omi tó ń tanni jẹ sí mi Tí kò ṣeé gbẹ́kẹ̀ lé ni? 19  Torí náà, ohun tí Jèhófà sọ nìyí: “Bí o bá pa dà, nígbà náà, màá mú ọ bọ̀ sípò,Wàá sì dúró níwájú mi. Tí o bá ya ohun tó ṣeyebíye sọ́tọ̀ kúrò lára àwọn ohun tí kò ní láárí,Wàá ṣe agbẹnusọ fún mi.* Àwọn ló máa wá sọ́dọ̀ rẹ,Àmọ́ ìwọ kò ní lọ bá wọn.” 20  “Màá sọ ọ́ di odi bàbà tó lágbára sí àwọn èèyàn yìí.+ Ó dájú pé wọ́n á bá ọ jà,Àmọ́ wọn ò ní borí* rẹ,+Torí mo wà pẹ̀lú rẹ, láti gbà ọ́ àti láti dá ọ sílẹ̀,” ni Jèhófà wí. 21  “Màá sì gbà ọ́ sílẹ̀ lọ́wọ́ àwọn ẹni burúkú Màá rà ọ́ pa dà kúrò lọ́wọ́ àwọn aláìláàánú.”

Àlàyé Ìsàlẹ̀ Ìwé

Tàbí “ọkàn mi ò ní wà lọ́dọ̀.”
Ó ṣeé ṣe kó jẹ́, “oríṣi ìdájọ́ mẹ́rin.” Ní Héb., “ìdílé mẹ́rin.”
Ó ṣeé ṣe kó jẹ́, “Ò ń pa dà sẹ́yìn.”
Tàbí “Mi ò ní bá ọ kẹ́dùn mọ́.”
Tàbí kó jẹ́, “Ojú tì í, ó sì ti kan àbùkù.”
Tàbí “Ọkàn rẹ̀.”
Ní Héb., “Má ṣe mú mi lọ.”
Tàbí “ìkéde ìdálẹ́bi.”
Ní Héb., “Wàá dà bí ẹnu fún mi.”
Tàbí “ṣẹ́gun.”