Jónà 2:1-10

  • Àdúrà tí Jónà gbà látinú ẹja (1-9)

  • Ẹja pọ Jónà sórí ilẹ̀ (10)

2  Ìgbà yẹn ni Jónà gbàdúrà sí Jèhófà Ọlọ́run rẹ̀ láti inú ikùn ẹja náà,+  ó sì sọ pé: “Mo ké pe Jèhófà nígbà tí mo wà nínú ìṣòro, ó sì dá mi lóhùn.+ Láti inú* Isà Òkú* ni mo ti kígbe pé kí o ràn mí lọ́wọ́.+ O sì gbọ́ ohùn mi.   Nígbà tí o jù mí sínú ibú omi, sínú agbami òkun,Omi òkun bò mí mọ́lẹ̀.+ Gbogbo ìgbì òkun àti omi rẹ tó ń ru gùdù sì kọjá lórí mi.+   Mo sì sọ pé, ‘O ti lé mi kúrò níwájú rẹ! Ṣé màá tún lè pa dà rí tẹ́ńpìlì mímọ́ rẹ báyìí?’   Omi bò mí mọ́lẹ̀, ó sì fẹ́rẹ̀ẹ́ gbẹ̀mí mi;*+Ibú omi yí mi ká. Koríko inú omi wé mọ́ mi lórí.   Mo rì wọnú ibú omi lọ sí ìsàlẹ̀ àwọn òkè. Ní ti ilẹ̀ ayé, àwọn ọ̀pá ìdábùú rẹ̀ wà lórí mi títí láé. Àmọ́, ìwọ Jèhófà Ọlọ́run mi gbé mi dìde láàyè látinú kòtò.+   Jèhófà, ìwọ ni Ẹni tí mo rántí nígbà tí ẹ̀mí* mi fẹ́rẹ̀ẹ́ bọ́.+ Ìgbà yẹn ni mo gbàdúrà sí ọ, àdúrà mi sì wọnú tẹ́ńpìlì mímọ́ rẹ.+   Àwọn tó ń sin òrìṣà lásánlàsàn ti kọ ẹni tó ní ìfẹ́ tí kì í yẹ̀ sí wọn.*   Àmọ́ ní tèmi, màá fi ohùn mi dúpẹ́ lọ́wọ́ rẹ bí mo ṣe ń rúbọ sí ọ. Màá san ẹ̀jẹ́ mi.+ Jèhófà ló ń gbani là.”+ 10  Nígbà tó yá, Jèhófà pàṣẹ fún ẹja náà, ó sì pọ Jónà sórí ilẹ̀.

Àlàyé Ìsàlẹ̀ Ìwé

Ní Héb., “ikùn.”
Tàbí “Ṣìọ́ọ̀lù,” ìyẹn ibojì aráyé. Wo Àlàyé Ọ̀rọ̀.
Tàbí “Omi yí mi ká títí dé ọkàn.”
Tàbí “ọkàn.”
Tàbí kó jẹ́, “ti di aláìṣòótọ́.”