Sáàmù 8:1-9
Sí olùdarí lórí Gítítì.+ Orin atunilára ti Dáfídì.
8 Ìwọ Jèhófà Olúwa wa, orúkọ rẹ mà kún fún ọlá ńlá ní gbogbo ilẹ̀ ayé o,+Ìwọ tí a ń ròyìn iyì rẹ̀ lẹ́sẹẹsẹ lókè ọ̀run!+
2 Láti ẹnu àwọn ọmọdé àti àwọn ọmọ ẹnu ọmú ni o ti fi ìpìlẹ̀ okun sọlẹ̀,+Ní tìtorí àwọn tí ń fi ẹ̀tanú hàn sí ọ,+Láti lè mú kí ọ̀tá àti ẹni tí ń gbẹ̀san jáwọ́.+
3 Nígbà tí mo rí ọ̀run rẹ, àwọn iṣẹ́ ìka rẹ,+Òṣùpá àti àwọn ìràwọ̀ tí o ti pèsè sílẹ̀,+
4 Kí ni ẹni kíkú+ tí o fi ń fi í sọ́kàn,+Àti ọmọ ará ayé tí o fi ń tọ́jú rẹ̀?+
5 Ìwọ sì tẹ̀ síwájú láti ṣe é ní ẹni rírẹlẹ̀ díẹ̀ ju àwọn ẹni bí Ọlọ́run,+O sì wá fi ògo+ àti ọlá ńlá dé e ládé.+
6 O mú kí ó jọba lé àwọn iṣẹ́ ọwọ́ rẹ;+O ti fi ohun gbogbo sábẹ́ ẹsẹ̀ rẹ̀:+
7 Àwọn ẹran ọ̀sìn kéékèèké àti màlúù, gbogbo wọn,+Àti àwọn ẹranko pápá gbalasa pẹ̀lú,+
8 Àwọn ẹyẹ ojú ọ̀run àti ẹja inú òkun,+Ohunkóhun tí ń la àwọn ipa ọ̀nà òkun kọjá.+
9 Ìwọ Jèhófà Olúwa wa, orúkọ rẹ mà kún fún ọlá ńlá ní gbogbo ilẹ̀ ayé o!+
