Sáàmù 22:1-31

Sí olùdarí lórí Egbin Ọ̀yẹ̀. Orin atunilára ti Dáfídì. 22  Ọlọ́run mi, Ọlọ́run mi, èé ṣe tí ìwọ fi fi mí sílẹ̀?+Èé ṣe tí ìwọ fi jìnnà sí gbígbà mí là,+Sí àwọn ọ̀rọ̀ ìkéramúramù mi?+   Ìwọ Ọlọ́run mi, mo ń pè ṣáá ní ọ̀sán, ìwọ kò sì dáhùn;+Àti ní òru, ìdákẹ́jẹ́ẹ́ kò sì sí níhà ọ̀dọ̀ mi.+   Ṣùgbọ́n mímọ́ ni ìwọ,+Tí ń gbé nínú ìyìn Ísírẹ́lì.+   Ìwọ ni àwọn baba wa gbẹ́kẹ̀ lé;+Wọ́n ní ìgbẹ́kẹ̀lé, ìwọ sì ń bá a nìṣó ní pípèsè àsálà fún wọn.+   Ìwọ ni wọ́n kígbe pè,+ wọ́n sì yè bọ́;+Ìwọ ni wọ́n gbẹ́kẹ̀ lé, ìtìjú kò sì bá wọn.+   Ṣùgbọ́n kòkòrò mùkúlú ni mí,+ èmi kì í sì í ṣe ènìyàn,Ẹni ẹ̀gàn fún àwọn ènìyàn àti ẹni ìtẹ́ńbẹ́lú fún àwọn ènìyàn.+   Ní ti gbogbo àwọn tí ń rí mi, wọ́n ń fi mí ṣẹ̀sín;+Wọ́n ń la ẹnu wọn gbàùgbàù, wọ́n ń mi orí wọn pé:+   “Ó fi ara rẹ̀ lé Jèhófà lọ́wọ́.+ Kí Ó pèsè àsálà fún un!+Kí ó dá a nídè, níwọ̀n bí ó ti ní inú dídùn sí i!”+   Nítorí pé ìwọ ni Ẹni tí ó fà mí jáde láti inú ikùn,+Ẹni tí ó mú kí n ní ìgbẹ́kẹ̀lé nígbà tí mo wà lẹ́nu ọmú ìyá mi.+ 10  Ìwọ ni a gbé mi lé lọ́wọ́ láti inú ilé ọlẹ̀;+Ìwọ ni Ọlọ́run mi láti inú ikùn ìyá mi wá.+ 11  Má jìnnà réré sí mi, nítorí pé wàhálà ń bẹ nítòsí,+Nítorí pé kò sí olùrànlọ́wọ́ mìíràn.+ 12  Ọ̀pọ̀ ẹgbọrọ akọ màlúù ti yí mi ká;+Àwọn alágbára Báṣánì pàápàá ti rọ̀gbà yí mi ká.+ 13  Wọ́n ti la ẹnu wọn sí mi,+Bí kìnnìún tí ń fà ya pẹ́rẹpẹ̀rẹ, tí ó sì ń ké ramúramù.+ 14  A ti tú mi jáde bí omi,+A sì ti ya gbogbo egungun mi sọ́tọ̀ sí ara wọn.+Ọkàn-àyà mi ti dà bí ìda;+Ó ti yọ́ jinlẹ̀-jinlẹ̀ ní ìhà inú mi.+ 15  Agbára mi ti gbẹ gẹ́gẹ́ bí àpáàdì,+A sì mú kí ahọ́n mi lẹ̀ mọ́ ẹran ìdí eyín mi;+Ìwọ sì gbé mi kalẹ̀ sínú ekuru ikú.+ 16  Nítorí pé àwọn ajá ti yí mi ká;+Àpéjọ àwọn aṣebi pàápàá ti ká mi mọ́.+Bí kìnnìún, wọ́n wà níbi ọwọ́ mi àti ẹsẹ̀ mi.+ 17  Mo lè ka iye gbogbo egungun mi.+Àní wọ́n ń wò, wọ́n tẹjú mọ́ mi.+ 18  Wọ́n pín ẹ̀wù mi láàárín ara wọn,+Wọ́n sì ṣẹ́ kèké lé aṣọ mi.+ 19  Ṣùgbọ́n ìwọ, Jèhófà, má jìnnà réré.+Ìwọ okun+ mi, ṣe kánkán láti wá ṣe ìrànwọ́ fún mi.+ 20  Dá ọkàn mi nídè kúrò lọ́wọ́ idà,+Ọ̀kan ṣoṣo tí ó jẹ́ tèmi kúrò ní àtẹ́sẹ̀ ajá;+ 21  Gbà mí là kúrò ní ẹnu kìnnìún,+Dá mi lóhùn, kí o sì gbà mí là kúrò lọ́wọ́ ìwo akọ màlúù ìgbẹ́.+ 22  Ṣe ni èmi yóò máa polongo orúkọ+ rẹ fún àwọn arákùnrin mi;+Èmi yóò máa yìn ọ́ ní àárín ìjọ.+ 23  Ẹ̀yin olùbẹ̀rù Jèhófà, ẹ yìn ín!+Gbogbo ẹ̀yin irú-ọmọ Jékọ́bù, ẹ yìn ín lógo!+Kí jìnnìjìnnì sì bá yín nítorí rẹ̀, gbogbo ẹ̀yin irú-ọmọ Ísírẹ́lì.+ 24  Nítorí tí òun kò tẹ́ńbẹ́lú+Bẹ́ẹ̀ ni kò kórìíra ìṣẹ́ ẹni tí a ń ṣẹ́ níṣẹ̀ẹ́;+Kò sì fi ojú pa mọ́ kúrò lọ́dọ̀ rẹ̀,+Nígbà tí ó sì kígbe pè é fún ìrànlọ́wọ́, ó gbọ́.+ 25  Láti ọ̀dọ̀ rẹ ni ìyìn mi yóò wà ní ìjọ ńlá;+Èmi yóò san àwọn ẹ̀jẹ́ mi ní iwájú àwọn tí ó bẹ̀rù rẹ̀.+ 26  Àwọn ọlọ́kàn tútù yóò jẹ, wọn yóò sì yó;+Àwọn tí ń wá a yóò yin Jèhófà.+Kí ọkàn-àyà yín wà láàyè títí láé.+ 27  Gbogbo òpin ilẹ̀ ayé yóò rántí, yóò sì yí padà sọ́dọ̀ Jèhófà.+Gbogbo ìdílé àwọn orílẹ̀-èdè yóò sì tẹrí ba níwájú rẹ.+ 28  Nítorí pé ti Jèhófà ni ipò ọba,+Ó sì ń jọba lé àwọn orílẹ̀-èdè lórí.+ 29  Gbogbo àwọn tí ó sanra ní ilẹ̀ ayé yóò jẹ, wọn yóò sì tẹrí ba;+Gbogbo àwọn tí ń sọ̀ kalẹ̀ lọ sínú ekuru yóò tẹ̀ ba níwájú rẹ̀,+Kò sì sí ẹnì kankan tí yóò lè pa ọkàn ara rẹ̀ mọ́ láàyè.+ 30  Àní irú-ọmọ kan yóò máa sìn ín;+A ó polongo rẹ̀ nípa Jèhófà fún ìran náà.+ 31  Wọn yóò wá, wọn yóò sì sọ nípa òdodo rẹ̀+Fún àwọn ènìyàn tí a óò bí, pé òun ni ó ṣe èyí.+

Àlàyé Ìsàlẹ̀ Ìwé