Sáàmù 120:1-7
Orin Ìgòkè.
120 Jèhófà ni mo ké pè nínú wàhálà mi,+Ó sì bẹ̀rẹ̀ sí dá mi lóhùn.+
2 Jèhófà, dá ọkàn mi nídè lọ́wọ́ ètè èké,+Lọ́wọ́ ahọ́n àgálámàṣà.+
3 Kí ni ènìyàn yóò fi fún ọ, kí sì ni ènìyàn yóò fi kún un fún ọ,Ìwọ ahọ́n àgálámàṣà?+
4 Àwọn ọfà mímú ti alágbára ńlá,+Pa pọ̀ pẹ̀lú ẹyín iná àwọn igi wíwẹ́.+
5 Mo gbé, nítorí pé mo ti ṣe àtìpó ní Méṣékì!+Mo ti pàgọ́ pa pọ̀ pẹ̀lú àwọn àgọ́ Kídárì.+
6 Fún àkókò pípẹ́ gan-an ni ọkàn mi ti fi pàgọ́+Pẹ̀lú àwọn olùkórìíra àlàáfíà.+
7 Èmi dúró fún àlàáfíà;+ ṣùgbọ́n nígbà tí mo bá sọ̀rọ̀,+Wọ́n wà fún ogun.
