Sáàmù 119:1-176
א [Áléfì]
119 Aláyọ̀ ni àwọn aláìní-àléébù ní ọ̀nà wọn,+Àwọn tí ń rìn nínú òfin Jèhófà.+
2 Aláyọ̀ ni àwọn tí ń pa àwọn ìránnilétí rẹ̀ mọ́;+Wọ́n ń fi gbogbo ọkàn-àyà wá a.+
3 Ní ti tòótọ́, wọn kò fi àìṣòdodo kankan ṣe ìwà hù.+Àwọn ọ̀nà rẹ̀ ni wọ́n ń rìn.+
4 Ìwọ tìkára rẹ ti fi àwọn àṣẹ ìtọ́ni rẹ fúnni lọ́nà àṣẹ,+Láti máa fi tọkàntara pa á mọ́.+
5 Ì bá ṣe pé àwọn ọ̀nà mi fìdí múlẹ̀ gbọn-in gbọn-in+Láti máa pa àwọn ìlànà rẹ mọ́!+
6 Bí ọ̀ràn bá rí bẹ́ẹ̀, ojú kì yóò tì mí,+Nígbà tí mo bá gbára lé gbogbo àṣẹ rẹ.+
7 Èmi yóò máa gbé ọ lárugẹ nínú ìdúróṣánṣán ọkàn-àyà,+Nígbà tí mo bá kọ́ àwọn ìpinnu ìdájọ́ rẹ tí ó jẹ́ òdodo.+
8 Àwọn ìlànà rẹ ni mo ń pa mọ́.+Má fi mí sílẹ̀ pátápátá.+
ב [Bétì]
9 Báwo ni ọ̀dọ́kùnrin+ ṣe lè mú ipa ọ̀nà rẹ̀ mọ́?Nípa ṣíṣọ́ra ní ìbámu pẹ̀lú ọ̀rọ̀ rẹ.+
10 Gbogbo ọkàn-àyà mi ni mo ti fi wá ọ.+Má ṣe mú kí n ṣáko lọ kúrò nínú àwọn àṣẹ rẹ.+
11 Inú ọkàn-àyà mi ni mo fi àsọjáde rẹ ṣúra sí,+Kí n má bàa dẹ́ṣẹ̀ sí ọ.+
12 Ìbùkún ni fún ọ, Jèhófà.Kọ́ mi ní àwọn ìlànà rẹ.+
13 Mo ti fi ètè mi polongo+Gbogbo ìpinnu ìdájọ́ ẹnu rẹ.+
14 Èmi ti yọ ayọ̀ ńláǹlà ní ọ̀nà àwọn ìránnilétí rẹ,+Gan-an gẹ́gẹ́ bí lórí gbogbo àwọn ohun oníyelórí yòókù.+
15 Ṣe ni èmi yóò máa fi àwọn àṣẹ ìtọ́ni rẹ ṣe ìdàníyàn mi,+Èmi yóò sì máa gbára lé àwọn ipa ọ̀nà rẹ.+
16 Nítorí pé èmi yóò fi ìfẹ́ni hàn fún àwọn ìlànà àgbékalẹ̀ rẹ.+Èmi kì yóò gbàgbé ọ̀rọ̀ rẹ.+
ג [Gímélì]
17 Gbé ìgbésẹ̀ lọ́nà tí ó bá a mu sí ìránṣẹ́ rẹ, kí n lè wà láàyè,+Kí n sì lè máa pa ọ̀rọ̀ rẹ mọ́.+
18 La ojú mi, kí n lè máa wo+Àwọn ohun àgbàyanu láti inú òfin rẹ.+
19 Àtìpó lásán ni mí lórí ilẹ̀.+Má fi àwọn àṣẹ rẹ pa mọ́ fún mi.+
20 Ọkàn mi ni a ti bò mọ́lẹ̀ nítorí yíyánhànhàn+Fún àwọn ìpinnu ìdájọ́ rẹ ní gbogbo ìgbà.+
21 Ìwọ ti bá àwọn oníkùgbù tí a gégùn-ún fún wí lọ́nà mímúná,+Àwọn tí ń ṣáko lọ kúrò nínú àwọn àṣẹ rẹ.+
22 Yí ẹ̀gàn àti ìfojú-tín-ín-rín kúrò lára mi,+Nítorí pé mo ti pa àwọn ìránnilétí rẹ mọ́.+
23 Àní àwọn ọmọ aládé jókòó; wọ́n bá ara wọn sọ̀rọ̀ lẹ́nì kìíní-kejì lòdì sí mi.+Ní ti ìránṣẹ́ rẹ, àwọn ìlànà rẹ ni ìdàníyàn rẹ̀.+
24 Pẹ̀lúpẹ̀lù, àwọn ìránnilétí rẹ ni mo ní ìfẹ́ni fún,+Gẹ́gẹ́ bí onímọ̀ràn mi.+
ד [Dálétì]
25 Ọkàn mi ti ń lẹ̀ mọ́ ekuru.+Pa mí mọ́ láàyè ní ìbámu pẹ̀lú ọ̀rọ̀ rẹ.+
26 Mo ti polongo àwọn ọ̀nà mi, kí o lè dá mi lóhùn.+Kọ́ mi ní àwọn ìlànà rẹ.+
27 Mú mi lóye ọ̀nà àwọn àṣẹ ìtọ́ni rẹ,+Kí n lè máa fi àwọn iṣẹ́ àgbàyanu rẹ ṣe ìdàníyàn mi.+
28 Ọkàn mi kò lè sùn nítorí ẹ̀dùn-ọkàn.+Gbé mi dìde ní ìbámu pẹ̀lú ọ̀rọ̀ rẹ.+
29 Mú ọ̀nà èké pàápàá kúrò lọ́dọ̀ mi,+Kí o sì fi òfin rẹ ṣe ojú rere sí mi.+
30 Ọ̀nà ìṣòtítọ́ ni mo ti yàn.+Àwọn ìpinnu ìdájọ́ rẹ ni mo kà sí ohun yíyẹ.+
31 Mo ti rọ̀ mọ́ àwọn ìránnilétí rẹ.+Jèhófà, má ṣe kó ìtìjú bá mi.+
32 Èmi yóò sáré àní ní ọ̀nà àwọn àṣẹ rẹ,+Nítorí tí ìwọ mú kí ọkàn-àyà mi ní àyè.+
ה [Híì]
33 Jèhófà, fún mi ní ìtọ́ni ní ọ̀nà àwọn ìlànà rẹ,+Kí n lè máa pa á mọ́ títí dé orí èyí tí ó kẹ́yìn.+
34 Mú mi lóye, kí n lè máa pa òfin rẹ mọ́,+Kí n sì lè máa fi gbogbo ọkàn-àyà pa á mọ́.+
35 Mú kí n máa rìn ní ipa ọ̀nà àwọn àṣẹ rẹ,+Nítorí tí mo ní inú dídùn sí i.+
36 Tẹ ọkàn-àyà mi síhà àwọn ìránnilétí rẹ,+Kí ó má sì jẹ́ sí èrè.+
37 Mú kí ojú mi kọjá lọ láìrí ohun tí kò ní láárí;+Pa mí mọ́ láàyè ní ọ̀nà tìrẹ.+
38 Mú àsọjáde rẹ ṣẹ fún ìránṣẹ́ rẹ,+Tí ó tẹ̀ sí bíbẹ̀rù rẹ.+
39 Mú kí ẹ̀gàn mi kọjá lọ, èyí tí mo fòyà,+Nítorí pé àwọn ìpinnu ìdájọ́ rẹ dára.+
40 Wò ó! Mo ń yánhànhàn fún àwọn àṣẹ ìtọ́ni rẹ.+Nínú òdodo rẹ, pa mí mọ́ láàyè.+
ו [Wọ́ọ̀]
41 Kí inú rere rẹ onífẹ̀ẹ́ tọ̀ mí wá, Jèhófà,+Ìgbàlà rẹ ní ìbámu pẹ̀lú àsọjáde rẹ,+
42 Kí n lè fi ọ̀rọ̀ dá ẹni tí ń gàn mí lóhùn,+Nítorí tí mo gbẹ́kẹ̀ lé ọ̀rọ̀ rẹ.+
43 Má sì mú ọ̀rọ̀ òtítọ́ kúrò ní ẹnu mi pátápátá,+Nítorí pé mo ti dúró de ìpinnu ìdájọ́ tìrẹ.+
44 Ṣe ni èmi yóò máa pa òfin rẹ mọ́ nígbà gbogbo,+Fún àkókò tí ó lọ kánrin, àní títí láé.+
45 Ṣe ni èmi yóò máa rìn káàkiri ní ibi tí ó ní àyè gbígbòòrò,+Nítorí pé mo ti wá àwọn àṣẹ ìtọ́ni rẹ pàápàá.+
46 Pẹ̀lúpẹ̀lù, ṣe ni èmi yóò máa sọ̀rọ̀ nípa àwọn ìránnilétí rẹ ní iwájú àwọn ọba,+Ojú kì yóò sì tì mí.+
47 Èmi yóò sì fi ìfẹ́ni hàn fún àwọn àṣẹ rẹ,+Tí mo ti nífẹ̀ẹ́.+
48 Èmi yóò sì gbé àtẹ́lẹwọ́ mi sókè sí àwọn àṣẹ rẹ, tí mo ti nífẹ̀ẹ́,+Ṣe ni èmi yóò máa fi àwọn ìlànà rẹ ṣe ìdàníyàn mi.+
ז [Sáyínì]
49 Rántí ọ̀rọ̀ tí a sọ fún ìránṣẹ́ rẹ,+Èyí tí ìwọ mú mi dúró dè.+
50 Èyí ni ìtùnú mi nínú ṣíṣẹ́ tí a ń ṣẹ́ mi níṣẹ̀ẹ́,+Nítorí pé àsọjáde tìrẹ ti pa mí mọ́ láàyè.+
51 Àwọn oníkùgbù pàápàá ti fi mí ṣẹ̀sín dé góńgó.+Èmi kò yapa kúrò nínú òfin rẹ.+
52 Jèhófà, mo rántí àwọn ìpinnu ìdájọ́ rẹ láti àkókò tí ó lọ kánrin,+Mo sì rí ìtùnú fún ara mi.+
53 Àní ìgbónára tí ó kún fún ìhónú ti gbá mi mú nítorí àwọn ẹni burúkú,+Tí ń fi òfin rẹ sílẹ̀.+
54 Orin atunilára ni àwọn ìlànà rẹ jẹ́ fún mi+Ní ilé tí mo ti ń ṣe àtìpó.+
55 Ní òru, mo rántí orúkọ rẹ, Jèhófà,+Kí n lè pa òfin rẹ mọ́.+
56 Àní èyí ti di tèmi,Nítorí pé àwọn àṣẹ ìtọ́ni rẹ ni mo ti pa mọ́.+
ח [Kétì]
57 Jèhófà ni ìpín mi;+Mo ti ṣèlérí láti máa pa àwọn ọ̀rọ̀ rẹ mọ́.+
58 Mo ti fi gbogbo ọkàn-àyà mi tù ọ́ lójú.+Fi ojú rere hàn sí mi ní ìbámu pẹ̀lú àsọjáde rẹ.+
59 Mo ti gbé àwọn ọ̀nà mi yẹ̀ wò,+Kí n lè yí ẹsẹ̀ mi padà sí àwọn ìránnilétí rẹ.+
60 Mo ṣe wéré, n kò sì jáfara+Láti pa àwọn àṣẹ rẹ mọ́.+
61 Àní ìjàrá àwọn ẹni burúkú yí mi ká.+Òfin rẹ ni èmi kò gbàgbé.+
62 Ní ọ̀gànjọ́ òru, mo dìde láti fi ọpẹ́ fún ọ+Nítorí àwọn ìpinnu ìdájọ́ rẹ tí ó jẹ́ òdodo.+
63 Alájọṣe ni mo jẹ́ pẹ̀lú gbogbo àwọn tí ó bẹ̀rù rẹ,+Àti pẹ̀lú àwọn tí ń pa àṣẹ ìtọ́ni rẹ mọ́.+
64 Jèhófà, inú rere rẹ onífẹ̀ẹ́ ti kún ilẹ̀ ayé.+Kọ́ mi ní àwọn ìlànà rẹ.+
ט [Tétì]
65 Ní tòótọ́, ìwọ ti bá ìránṣẹ́ rẹ lò dáadáa,+Jèhófà, ní ìbámu pẹ̀lú ọ̀rọ̀ rẹ.+
66 Kọ́ mi ní ìwà rere,+ ìlóyenínú+ àti ìmọ̀ pàápàá,+Nítorí pé mo ti lo ìgbàgbọ́ nínú àwọn àṣẹ rẹ.+
67 Kí n tó bọ́ sábẹ́ ìṣẹ́níṣẹ̀ẹ́, mo ń ṣèèṣì dẹ́ṣẹ̀,+Ṣùgbọ́n nísinsìnyí, mo ti pa àsọjáde rẹ gan-an mọ́.+
68 Ẹni rere ni ọ́, o sì ń ṣe rere.+Kọ́ mi ní àwọn ìlànà rẹ.+
69 Àwọn oníkùgbù ti fi èké rẹ́ mi lára.+Ní tèmi, gbogbo ọkàn-àyà mi ni èmi yóò máa fi pa àwọn àṣẹ ìtọ́ni rẹ mọ́.+
70 Ọkàn-àyà wọn ti di aláìnímọ̀lára gẹ́gẹ́ bí ọ̀rá.+Èmi, ní tèmi, ti ní ìfẹ́ni fún òfin rẹ.+
71 Ó dára fún mi pé a ti ṣẹ́ mi níṣẹ̀ẹ́,+Kí n lè kọ́ àwọn ìlànà rẹ.+
72 Òfin+ ẹnu rẹ dára fún mi,+Pàápàá ju ẹgbẹẹgbẹ̀rún wúrà àti fàdákà lọ.+
י [Yódì]
73 Ọwọ́ ìwọ fúnra rẹ ni ó ṣẹ̀dá mi, ó sì bẹ̀rẹ̀ sí fẹsẹ̀ mi múlẹ̀ gbọn-in gbọn-in.+Mú mi lóye, kí n lè kọ́ àwọn àṣẹ rẹ.+
74 Àwọn tí ó bẹ̀rù rẹ ni àwọn tí ó rí mi tí wọ́n sì ń yọ̀,+Nítorí pé mo ti dúró de ọ̀rọ̀ rẹ.+
75 Èmi mọ̀ dáadáa, Jèhófà, pé òdodo ni àwọn ìpinnu ìdájọ́ rẹ+Àti pé nínú ìṣòtítọ́ ni o ṣẹ́ mi níṣẹ̀ẹ́.+
76 Jọ̀wọ́, kí inú rere rẹ onífẹ̀ẹ́ kí ó tù mí nínú,+Ní ìbámu pẹ̀lú àsọjáde rẹ fún ìránṣẹ́ rẹ.+
77 Kí àánú rẹ tọ̀ mí wá, kí n lè máa wà láàyè nìṣó;+Nítorí pé òfin rẹ ni ohun tí mo ní ìfẹ́ni fún.+
78 Kí ojú ti àwọn oníkùgbù, nítorí pé wọ́n ṣì mí lọ́nà láìnídìí.+Ní tèmi, àwọn àṣẹ ìtọ́ni rẹ ni mo fi ṣe ìdàníyàn mi.+
79 Kí àwọn tí ó bẹ̀rù rẹ yí padà sọ́dọ̀ mi,+Àti àwọn tí ó mọ àwọn ìránnilétí rẹ pẹ̀lú.+
80 Kí ọkàn-àyà mi jẹ́ aláìní-àléébù nínú àwọn ìlànà rẹ,+Kí ojú má bàa tì mí.+
כ [Káfì]
81 Ọkàn mi ti joro lẹ́nu wíwọ̀nà fún ìgbàlà rẹ;+Nítorí pé mo ti dúró de ọ̀rọ̀ rẹ.+
82 Ojú mi ti joro lẹ́nu wíwọ̀nà fún àsọjáde rẹ,+Bí mo ti ń wí pé: “Ìgbà wo ni ìwọ yóò tù mí nínú?”+
83 Nítorí pé mo dà bí ìgò awọ+ nínú èéfín.Àwọn ìlànà rẹ ni èmi kò gbàgbé.+
84 Mélòó ni àwọn ọjọ́ ìránṣẹ́ rẹ?+Ìgbà wo ni ìwọ yóò mú ìdájọ́ ṣẹ ní kíkún lára àwọn tí ń ṣe inúnibíni sí mi?+
85 Àwọn oníkùgbù ti wa àwọn ọ̀fìn láti mú mi,+Àwọn tí kì í ṣe gẹ́gẹ́ bí òfin rẹ ti wí.+
86 Ìṣòtítọ́ ni gbogbo àṣẹ rẹ.+Láìnídìí, wọ́n ṣe inúnibíni sí mi. Ràn mí lọ́wọ́.+
87 Díẹ̀ ló kù, wọn ì bá ti pa mí run pátápátá ní ilẹ̀ ayé;+Ṣùgbọ́n èmi pàápàá kò fi àwọn àṣẹ ìtọ́ni rẹ sílẹ̀.+
88 Pa mí mọ́ láàyè ní ìbámu pẹ̀lú inú rere rẹ onífẹ̀ẹ́,+Kí n lè máa pa ìránnilétí ẹnu rẹ mọ́.+
ל [Lámédì]
89 Fún àkókò tí ó lọ kánrin, Jèhófà,+Ọ̀rọ̀ rẹ dúró ní ọ̀run.+
90 Ìṣòtítọ́ rẹ jẹ́ fún ìran dé ìran.+Ìwọ ti fi ilẹ̀ ayé sọlẹ̀ gbọn-in gbọn-in, kí ó lè máa bá a nìṣó ní dídúró.+
91 Wọ́n dúró títí di òní,+ ní ìbámu pẹ̀lú àwọn ìpinnu ìdájọ́ rẹ,Nítorí pé ìránṣẹ́ rẹ ni gbogbo wọn.+
92 Bí kì í bá ṣe pé òfin rẹ ni èmi ní ìfẹ́ni fún ni,+Nígbà náà, èmi ì bá ti ṣègbé nínú ṣíṣẹ́ tí a ń ṣẹ́ mi níṣẹ̀ẹ́.+
93 Fún àkókò tí ó lọ kánrin, èmi kì yóò gbàgbé àwọn àṣẹ ìtọ́ni rẹ,+Nítorí pé o ti fi wọ́n pa mí mọ́ láàyè.+
94 Tìrẹ ni èmi. Gbà mí là,+Nítorí pé mo ti wá àwọn àṣẹ ìtọ́ni rẹ.+
95 Àwọn ẹni burúkú ti dúró dè mí, láti pa mí run.+Àwọn ìránnilétí rẹ ni mo ń fiyè sí.+
96 Èmi ti rí òpin gbogbo ìjẹ́pípé.+Àṣẹ rẹ gbòòrò gan-an.
מ [Mémì]
97 Mo mà nífẹ̀ẹ́ òfin rẹ o!+Òun ni mo fi ń ṣe ìdàníyàn mi láti òwúrọ̀ ṣúlẹ̀.+
98 Àṣẹ rẹ mú mi gbọ́n ju àwọn ọ̀tá mi,+Nítorí pé tèmi ni ó jẹ́ fún àkókò tí ó lọ kánrin.+
99 Mo ti wá ní ìjìnlẹ̀ òye ju gbogbo àwọn olùkọ́ mi,+Nítorí pé àwọn ìránnilétí rẹ ni ìdàníyàn mi.+
100 Èmi ń fi òye tí ó ju ti àwọn àgbà hùwà,+Nítorí pé mo ti pa àwọn àṣẹ ìtọ́ni rẹ mọ́.+
101 Èmi ti kó ẹsẹ̀ mi ní ìjánu kúrò nínú gbogbo ipa ọ̀nà búburú,+Kí èmi kí ó lè máa pa ọ̀rọ̀ rẹ mọ́.+
102 Èmi kò yà kúrò nínú àwọn ìpinnu ìdájọ́ rẹ,+Nítorí pé ìwọ tìkára rẹ ti fún mi ní ìtọ́ni.+
103 Àwọn àsọjáde rẹ mà dùn mọ̀nràn-ìn mọnran-in mọ́ òkè ẹnu mi o,Ó dùn ju oyin lọ lẹ́nu mi!+
104 Nítorí àwọn àṣẹ ìtọ́ni rẹ, mo ń fi òye hùwà.+Ìdí nìyẹn tí mo fi kórìíra gbogbo ipa ọ̀nà èké.+
נ [Núnì]
105 Ọ̀rọ̀ rẹ jẹ́ fìtílà fún ẹsẹ̀ mi,+Àti ìmọ́lẹ̀ sí òpópónà mi.+
106 Mo ti sọ gbólóhùn ìbúra, èmi yóò sì mú un ṣẹ dájúdájú,+Láti máa pa àwọn ìpinnu ìdájọ́ rẹ tí ó jẹ́ òdodo mọ́.+
107 A ti ṣẹ́ mi níṣẹ̀ẹ́ púpọ̀púpọ̀.+Jèhófà, pa mí mọ́ láàyè ní ìbámu pẹ̀lú ọ̀rọ̀ rẹ.+
108 Jọ̀wọ́, Jèhófà, ní ìdùnnú sí àwọn ọrẹ àfínnúfíndọ̀ṣe ti ẹnu mi,+Kí o sì kọ́ mi ní àwọn ìpinnu ìdájọ́ rẹ.+
109 Ọkàn mi wà ní àtẹ́lẹwọ́ mi nígbà gbogbo;+Ṣùgbọ́n èmi kò gbàgbé òfin rẹ.+
110 Àwọn ẹni burúkú ti dẹ pańpẹ́ dè mí,+Ṣùgbọ́n èmi kò rìn gbéregbère kúrò nínú àwọn àṣẹ ìtọ́ni rẹ.+
111 Mo ti gba àwọn ìránnilétí rẹ gẹ́gẹ́ bí ohun ìní fún àkókò tí ó lọ kánrin,+Nítorí pé àwọn ni ayọ̀ ńláǹlà ọkàn-àyà mi.+
112 Mo ti tẹ ọkàn-àyà mi síhà pípa àwọn ìlànà rẹ mọ́+Fún àkókò tí ó lọ kánrin, títí dé orí èyí tí ó kẹ́yìn.+
ס [Sámékì]
113 Àwọn aláàbọ̀-ọkàn ni èmi kórìíra,+Ṣùgbọ́n òfin rẹ ni mo nífẹ̀ẹ́.+
114 Ìwọ ni ibi ìlùmọ́ mi àti apata mi.+Nítorí pé ọ̀rọ̀ rẹ ni èmi dúró dè.+
115 Ẹ kúrò lọ́dọ̀ mi, ẹ̀yin aṣebi,+Kí n lè pa àwọn àṣẹ Ọlọ́run mi mọ́.+
116 Tì mí lẹ́yìn ní ìbámu pẹ̀lú àsọjáde rẹ, kí n lè máa wà láàyè nìṣó,+Má sì kó ìtìjú bá mi nítorí ìrètí mi.+
117 Gbé mi ró, kí a lè gbà mí là,+Èmi yóò sì tẹjú mọ́ àwọn ìlànà rẹ nígbà gbogbo.+
118 Gbogbo àwọn tí ń ṣáko lọ kúrò nínú àwọn ìlànà rẹ ni ìwọ ti fọ́n dànù;+Nítorí pé èké ni àgálámàṣà wọn.+
119 Gẹ́gẹ́ bí ìdàrọ́, ìwọ ti mú kí gbogbo ẹni burúkú ilẹ̀ ayé kásẹ̀ nílẹ̀.+Nítorí náà, èmi nífẹ̀ẹ́ àwọn ìránnilétí rẹ.+
120 Nítorí ìbẹ̀rùbojo rẹ, ara mi ti sẹ́gìíìrì;+Àti nítorí àwọn ìpinnu ìdájọ́ rẹ, àyà ti fò mí.+
ע [Áyínì]
121 Mo ti mú ìdájọ́ àti òdodo ṣẹ ní kíkún.+Má jọ̀wọ́ mi fún àwọn tí ń lù mí ní jìbìtì!+
122 Ṣe gẹ́gẹ́ bí onídùúró fún ìránṣẹ́ rẹ nínú ohun rere.+Kí àwọn oníkùgbù má lù mí ní jìbìtì.+
123 Àní ojú mi ti joro lẹ́nu wíwọ̀nà fún ìgbàlà rẹ+Àti fún àsọjáde òdodo rẹ.+
124 Ṣe sí ìránṣẹ́ rẹ ní ìbámu pẹ̀lú inú rere rẹ onífẹ̀ẹ́,+Kí o sì kọ́ mi ní àwọn ìlànà tìrẹ.+
125 Ìránṣẹ́ rẹ ni mí.+ Mú mi lóye,+Kí n lè mọ àwọn ìránnilétí rẹ.+
126 Ó ti tó àkókò fún Jèhófà láti gbé ìgbésẹ̀.+Wọ́n ti rú òfin rẹ.+
127 Ìdí nìyẹn tí mo fi nífẹ̀ẹ́ àwọn àṣẹ rẹ+Ju wúrà, àní wúrà tí a yọ́ mọ́.+
128 Ìdí nìyẹn tí mo fi ka gbogbo àṣẹ ìtọ́ni nípa ohun gbogbo sí èyí tí ó tọ̀nà;+Gbogbo ipa ọ̀nà èké ni mo kórìíra.+
פ [Péè]
129 Àwọn ìránnilétí rẹ jẹ́ àgbàyanu.+Ìdí nìyẹn tí ọkàn mi fi pa wọ́n mọ́.+
130 Àní ìsọdimímọ̀ àwọn ọ̀rọ̀ rẹ ń fúnni ní ìmọ́lẹ̀,+Ó ń mú kí àwọn aláìní ìrírí lóye.+
131 Ẹnu mi ni mo ti là sílẹ̀ gbayawu, kí n lè mí hẹlẹ,+Nítorí pé mo ti yánhànhàn fún àwọn àṣẹ rẹ.+
132 Yí padà sọ́dọ̀ mi, kí o sì fi ojú rere hàn sí mi,+Ní ìbámu pẹ̀lú ìpinnu ìdájọ́ rẹ sí àwọn tí ó nífẹ̀ẹ́ orúkọ rẹ.+
133 Fi àwọn ìṣísẹ̀ mi múlẹ̀ gbọn-in gbọn-in nínú àsọjáde rẹ,+Kí nǹkan kan tí ń ṣeni lọ́ṣẹ́ má sì jẹ gàba lé mi lórí.+
134 Tún mi rà padà kúrò lọ́wọ́ aráyé èyíkéyìí tí ń lu jìbìtì,+Ṣe ni èmi yóò máa pa àwọn àṣẹ ìtọ́ni rẹ mọ́.+
135 Mú kí ojú rẹ tàn sára ìránṣẹ́ rẹ,+Kí o sì kọ́ mi ní àwọn ìlànà rẹ.+
136 Àwọn ìṣàn omi ti ṣàn sílẹ̀ ní ojú mi+Nítorí òtítọ́ náà pé wọn kò pa òfin rẹ mọ́.+
צ [Sádì]
137 Olódodo ni ọ́, Jèhófà,+Àwọn ìpinnu ìdájọ́ rẹ sì dúró ṣánṣán.+
138 Ìwọ ti pàṣẹ àwọn ìránnilétí rẹ+ nínú òdodoÀti nínú ìṣòtítọ́ tí ó peléke.+
139 Ìgbóná-ọkàn mi ti mú òpin bá mi,+Nítorí pé àwọn elénìní mi ti gbàgbé àwọn ọ̀rọ̀ rẹ.+
140 Àsọjáde rẹ ni a yọ́ mọ́ gidigidi,+Ìránṣẹ́ rẹ sì nífẹ̀ẹ́ rẹ̀.+
141 Aláìjámọ́ pàtàkì àti aláìníláárí ni mí.+Àwọn àṣẹ ìtọ́ni rẹ ni èmi kò gbàgbé.+
142 Òdodo rẹ jẹ́ òdodo fún àkókò tí ó lọ kánrin,+Òtítọ́ sì ni òfin rẹ.+
143 Àní wàhálà àti ìṣòro ti wá mi rí.+Àwọn àṣẹ rẹ ni mo ní ìfẹ́ni fún.+
144 Òdodo àwọn ìránnilétí rẹ jẹ́ fún àkókò tí ó lọ kánrin.+Mú mi lóye, kí n lè máa wà láàyè nìṣó.+
ק [Kófì]
145 Mo ti fi gbogbo ọkàn-àyà mi pè.+ Dá mi lóhùn, Jèhófà.+Àwọn ìlànà rẹ ni èmi yóò máa pa mọ́ dájúdájú.+
146 Mo ti ké pè ọ́. Gbà mí là!+Ṣe ni èmi yóò máa pa àwọn ìránnilétí rẹ mọ́.+
147 Mo ti tètè dìde ní wíríwírí òwúrọ̀,+ kí n lè kígbe fún ìrànlọ́wọ́.+Nítorí pé àwọn ọ̀rọ̀ rẹ ni mo dúró dè.+
148 Ojú mi ti ṣáájú àwọn ìṣọ́ òru,+Nítorí kí n lè fi àsọjáde rẹ ṣe ìdàníyàn mi.+
149 Gbọ́ ohùn mi ní ìbámu pẹ̀lú inú rere rẹ onífẹ̀ẹ́.+Jèhófà, pa mí mọ́ láàyè ní ìbámu pẹ̀lú ìpinnu ìdájọ́ rẹ.+
150 Àwọn tí ń lépa ìwà àìníjàánu+ ti sún mọ́ tòsí;Wọ́n ti jìnnà réré sí òfin rẹ.+
151 Jèhófà, ìwọ ń bẹ nítòsí,+Òtítọ́ sì ni gbogbo àṣẹ rẹ.+
152 Láti ìgbà pípẹ́ sẹ́yìn ni mo ti mọ àwọn kan lára ìránnilétí rẹ,+Nítorí pé ìwọ ti fi ìpìlẹ̀ wọn sọlẹ̀ fún àkókò tí ó lọ kánrin.+
ר [Réṣì]
153 Rí ṣíṣẹ́ tí a ń ṣẹ́ mi níṣẹ̀ẹ́, kí o sì gbà mí sílẹ̀;+Nítorí pé n kò gbàgbé òfin tìrẹ.+
154 Bá mi dá ẹjọ́ mi, kí o sì mú mi padà;+Pa mí mọ́ láàyè ní ìfohùnṣọ̀kan pẹ̀lú àsọjáde rẹ.+
155 Ìgbàlà jìnnà réré sí àwọn ẹni burúkú,+Nítorí pé wọn kò wá àwọn ìlànà rẹ.+
156 Ọ̀pọ̀ ni àánú rẹ, Jèhófà.+Ní ìbámu pẹ̀lú àwọn ìpinnu ìdájọ́ rẹ, pa mí mọ́ láàyè.+
157 Àwọn tí ń ṣe inúnibíni sí mi àti àwọn elénìní mi pọ̀.+Èmi kò yapa kúrò nínú àwọn ìránnilétí rẹ.+
158 Èmi ti rí àwọn aládàkàdekè nínú ìṣesí,+Mo sì ní ìkórìíra tẹ̀gbintẹ̀gbin, nítorí tí wọn kò pa àsọjáde rẹ mọ́.+
159 Wò ó pé mo nífẹ̀ẹ́ àwọn àṣẹ ìtọ́ni tìrẹ.+Jèhófà, pa mí mọ́ láàyè ní ìbámu pẹ̀lú inú rere rẹ onífẹ̀ẹ́.+
160 Òtítọ́ ni kókó inú ọ̀rọ̀ rẹ,+Gbogbo ìpinnu ìdájọ́ rẹ tí ó jẹ́ òdodo sì jẹ́ fún àkókò tí ó lọ kánrin.+
ש [Sínì] tàbí [Ṣínì]
161 Àní àwọn ọmọ aládé ti ṣe inúnibíni sí mi láìnídìí,+Ṣùgbọ́n ọkàn-àyà mi ní ìbẹ̀rùbojo fún ọ̀rọ̀ rẹ.+
162 Mo ń yọ ayọ̀ ńláǹlà lórí àsọjáde rẹ,+Gẹ́gẹ́ bí ènìyàn ti ń ṣe nígbà tí ó bá rí ohun ìfiṣèjẹ púpọ̀.+
163 Èké ni mo kórìíra,+ mo sì ń ṣe họ́ọ̀ sí i.+Òfin rẹ ni mo nífẹ̀ẹ́.+
164 Ìgbà méje lóòjọ́ ni mo ń yìn ọ́+Nítorí àwọn ìpinnu ìdájọ́ rẹ tí ó jẹ́ òdodo.+
165 Ọ̀pọ̀ yanturu àlàáfíà jẹ́ ti àwọn tí ó nífẹ̀ẹ́ òfin rẹ,+Kò sì sí ohun ìkọ̀sẹ̀ fún wọn.+
166 Mo ń retí ìgbàlà rẹ, Jèhófà,+Mo sì ti pa àwọn àṣẹ rẹ mọ́.+
167 Ọkàn mi ti pa àwọn ìránnilétí rẹ mọ́,+Mo sì nífẹ̀ẹ́ wọn lọ́nà tí ó peléke.+
168 Mo ti pa àwọn àṣẹ ìtọ́ni àti àwọn ìránnilétí rẹ mọ́,+Nítorí pé gbogbo ọ̀nà mi ń bẹ ní iwájú rẹ.+
ת [Tọ́ọ̀]
169 Kí igbe ìpàrọwà mi sún mọ́ iwájú rẹ, Jèhófà.+Ní ìbámu pẹ̀lú ọ̀rọ̀ rẹ, mú mi lóye.+
170 Kí ìbéèrè mi fún ojú rere wọlé wá síwájú rẹ.+Ní ìbámu pẹ̀lú àsọjáde rẹ, dá mi nídè.+
171 Kí ètè mi máa tú ìyìn jáde,+Nítorí tí ìwọ ń kọ́ mi ní àwọn ìlànà rẹ.+
172 Kí ahọ́n mi máa kọrin àsọjáde rẹ,+Nítorí pé òdodo ni gbogbo àṣẹ rẹ.+
173 Kí ọwọ́ rẹ ràn mí lọ́wọ́,+Nítorí pé àwọn àṣẹ ìtọ́ni rẹ ni mo yàn.+
174 Mo ti ń yánhànhàn fún ìgbàlà rẹ, Jèhófà,+Òfin rẹ ni mo sì ní ìfẹ́ni fún.+
175 Kí ọkàn mi máa wà láàyè nìṣó, kí ó sì máa yìn ọ́,+Kí àwọn ìpinnu ìdájọ́ rẹ sì máa ràn mí lọ́wọ́.+
176 Mo ti rìn gbéregbère bí àgùntàn tí ó sọnù.+ Wá ìránṣẹ́ rẹ,+Nítorí pé èmi kò gbàgbé àwọn àṣẹ rẹ.+
