Sáàmù 104:1-35
104 Fi ìbùkún fún Jèhófà, ìwọ ọkàn mi.+Ìwọ Jèhófà Ọlọ́run mi, ìwọ tóbi gan-an.+Ìwọ ti fi iyì àti ọlá ńlá wọ ara rẹ láṣọ,+
2 Ìwọ fi ìmọ́lẹ̀ bo ara rẹ bí ẹ̀wù,+O na ọ̀run bí aṣọ àgọ́,+
3 Ẹni tí ó fi ìtì igi kọ́ àwọn ìyẹ̀wù rẹ̀ òkè sínú omi gan-an,+Tí ó fi àwọsánmà ṣe kẹ̀kẹ́ ẹṣin rẹ̀,+Tí ń rìn lórí ìyẹ́ apá ẹ̀fúùfù,+
4 Tí ó ṣe àwọn áńgẹ́lì rẹ̀ ní ẹ̀mí,+Tí ó sì ṣe àwọn òjíṣẹ́ rẹ̀ ní iná tí ń jẹni run.+
5 Ó fi ìpìlẹ̀ ayé sọlẹ̀ sórí àwọn ibi àfìdímúlẹ̀ rẹ̀;+A kì yóò mú kí ó ta gbọ̀n-ọ́n gbọ̀n-ọ́n fún àkókò tí ó lọ kánrin, tàbí títí láé.+
6 Ìwọ fi ibú omi tí ó rí bí ẹ̀wù bò ó.+Omi dúró lókè àwọn òkè ńlá pàápàá.+
7 Nítorí ìbáwí mímúná rẹ, wọ́n bẹ̀rẹ̀ sí sá lọ;+Nítorí ìró ààrá rẹ, a mú wọ́n sáré nínú ìbẹ̀rù jìnnìjìnnì—
8 Àwọn òkè ńlá bẹ̀rẹ̀ sí ròkè,+Àwọn pẹ̀tẹ́lẹ̀ àfonífojì bẹ̀rẹ̀ sí sọ̀ kalẹ̀—Sí ibi tí ìwọ fi lélẹ̀ fún wọn.
9 Ìwọ pa ààlà, tí wọn kò gbọ́dọ̀ ré kọjá,+Pé kí wọ́n má ṣe tún bo ilẹ̀ ayé mọ́.+
10 Ó ń fi àwọn ìsun ránṣẹ́ sí àwọn àfonífojì olójú ọ̀gbàrá;+Wọ́n ń lọ láàárín àwọn òkè ńláńlá.
11 Wọ́n ń bá a lọ ní fífún gbogbo ẹranko inú pápá gbalasa ní ohun mímu;+Àwọn kẹ́tẹ́kẹ́tẹ́ abilà+ ń pa òùngbẹ wọn déédéé.
12 Òkè wọn ni àwọn ẹ̀dá tí ń fò ní ojú ọ̀run ń wọ̀ sí;+Láti àárín ẹ̀ka eléwé ṣùṣùrù ni wọ́n ti ń mú ìró jáde.+
13 Ó ń bomi rin àwọn òkè ńláńlá láti àwọn ìyẹ̀wù rẹ̀ òkè.+Èso iṣẹ́ rẹ tẹ́ ilẹ̀ ayé lọ́rùn.+
14 Ó ń mú kí koríko tútù rú jáde fún àwọn ẹranko,+Àti ewéko fún ìlò aráyé,+Láti mú kí oúnjẹ jáde wá láti inú ilẹ̀,+
15 Àti wáìnì tí ń mú kí ọkàn-àyà ẹni kíkú máa yọ̀,+Láti mú kí òróró máa mú ojú dán,+Àti oúnjẹ tí ń gbé ọkàn-àyà ẹni kíkú ró.+
16 Àwọn igi Jèhófà ní ìtẹ́lọ́rùn,Àwọn kédárì Lẹ́bánónì tí ó gbìn,+
17 Níbi tí àwọn ẹyẹ tìkára wọn ń kọ́ ìtẹ́ sí.+Ní ti ẹyẹ àkọ̀, àwọn igi júnípà ni ilé rẹ̀.+
18 Àwọn òkè ńlá+ gíga wà fún àwọn ewúrẹ́ orí òkè ńlá;+Àwọn àpáta gàǹgà jẹ́ ibi ìsádi fún àwọn gara orí àpáta.+
19 Ó ṣe òṣùpá fún àwọn àkókò tí a yàn kalẹ̀;+Oòrùn pàápàá mọ ibi tí ó máa ń wọ̀ sí dáadáa.+
20 Ìwọ ń fa òkùnkùn, kí ó lè di òru;+Inú rẹ̀ ni gbogbo ẹranko ẹhànnà inú igbó ti ń rìn.
21 Àwọn ẹgbọrọ kìnnìún onígọ̀gọ̀ ń ké ramúramù fún ẹran ọdẹ+Àti fún wíwá oúnjẹ wọn lọ́dọ̀ Ọlọ́run tìkára rẹ̀.+
22 Oòrùn bẹ̀rẹ̀ sí ràn+—wọ́n fà sẹ́yìn,Wọ́n sì dùbúlẹ̀ sí àwọn ibi ìfarapamọ́ wọn.
23 Ènìyàn jáde lọ sẹ́nu ìgbòkègbodò rẹ̀+Àti sẹ́nu iṣẹ́ ìsìn rẹ̀ títí di àṣálẹ́.+
24 Àwọn iṣẹ́ rẹ mà pọ̀ o, Jèhófà!+Gbogbo wọn ni o fi ọgbọ́n ṣe.+Ilẹ̀ ayé kún fún àmújáde rẹ.+
25 Ní ti òkun yìí tí ó tóbi, tí ó sì gbòòrò gan-an,+Ibẹ̀ ni àwọn ohun tí ń rìn ká wà láìníye,+Àwọn ẹ̀dá alààyè, èyí tí ó kéré àti èyí tí ó tóbi.+
26 Ibẹ̀ ni àwọn ọkọ̀ òkun ń lọ;+Ní ti Léfíátánì,+ òun ni ìwọ ṣẹ̀dá kí ó máa ṣeré kiri nínú rẹ̀.+
27 Gbogbo wọn—ìwọ ni wọ́n ń dúró dè+Láti máa fún wọn ní oúnjẹ wọn ní àsìkò rẹ̀.+
28 Ohun tí o fi fún wọn ni wọ́n ń kó.+Ìwọ ṣí ọwọ́ rẹ—wọ́n sì ní ìtẹ́lọ́rùn ní ti àwọn ohun rere.+
29 Bí ìwọ bá fi ojú rẹ pa mọ́, ìyọlẹ́nu a dé bá wọn.+Bí ìwọ bá mú ẹ̀mí wọn kúrò, wọn a gbẹ́mìí mì,+Wọn a sì padà lọ sínú ekuru wọn.+
30 Bí ìwọ bá rán ẹ̀mí rẹ jáde, a óò dá wọn;+Ìwọ a sì sọ ojú ilẹ̀ di tuntun.
31 Ògo Jèhófà yóò wà fún àkókò tí ó lọ kánrin.+Jèhófà yóò máa yọ̀ nínú àwọn iṣẹ́ rẹ̀.+
32 Ó ń wo ilẹ̀ ayé, ilẹ̀ ayé sì wárìrì;+Ó fọwọ́ kan àwọn òkè ńláńlá, wọ́n sì ń rú èéfín.+
33 Ṣe ni èmi yóò máa kọrin sí Jèhófà jálẹ̀ ìgbésí ayé mi;+Èmi yóò máa kọ orin atunilára sí Ọlọ́run mi níwọ̀n ìgbà tí mo bá wà.+
34 Kí ìrònújinlẹ̀ mi nípa rẹ̀ dùn mọ́ni.+Èmi, ní tèmi, yóò máa yọ̀ nínú Jèhófà.+
35 Àwọn ẹlẹ́ṣẹ̀ yóò pa rẹ́ kúrò lórí ilẹ̀ ayé;+Àti ní ti àwọn ẹni burúkú, wọn kò ní sí mọ́.+Fi ìbùkún fún Jèhófà, ìwọ ọkàn mi. Ẹ yin Jáà!+
