Lọ wo ohun tó wà nínú rẹ̀

Lọ wo ohun yíyàn míì

Àwa Ẹlẹ́rìí Jèhófà

Yorùbá

Ǹjẹ́ Bíbélì Ta Ko Ìbálòpọ̀?

Ǹjẹ́ Bíbélì Ta Ko Ìbálòpọ̀?

Ohun tí Bíbélì sọ

Bíbélì ò ka ìbálòpọ̀ léèwọ̀, kàkà bẹ́ẹ̀, ó jẹ́ ká mọ̀ pé ẹ̀bùn tí Ọlọ́run fún àwọn tó ṣègbéyàwó ni ìbálòpọ̀ jẹ́. Ọlọ́run dá àwa èèyàn ní “akọ àti abo,” nígbà tó sì wo àwọn ohun tí o dá, ó rí i pé “ó dára gan-an ni.” (Jẹ́nẹ́sísì 1:27, 31) Nígbà tó so ọkùnrin àti obìnrin àkọ́kọ́ pọ̀ nínú ìgbéyàwó, ó sọ pé: “wọn yóò sì di ara kan.” (Jẹ́nẹ́sísì 2:24) Ìgbádùn ìbálòpọ̀ àti ìsúnmọ́ra pẹ́kípẹ́kí láàárín tọkọtaya wà lára bí wọ́n ṣe di ara kan.

sọ bí ayọ̀ ọkọ ìyàwó ṣe máa ń pọ̀ tó, ó ní: “Máa yọ̀ pẹ̀lú aya ìgbà èwe rẹ, . . . Jẹ́ kí ọmú tirẹ̀ máa pa ọ́ bí ọtí ní gbogbo ìgbà. Kí o máa yọ ayọ̀ púpọ̀ jọjọ nínú ìfẹ́ rẹ̀ nígbà gbogbo.” (Òwe 5:18, 19) Ọlọ́run fẹ́ kí ìyàwó náà gbádùn ìbálòpọ̀. sọ pé: “Ki ọkọ máa fun aya rẹ̀ ni ẹ̀tọ́-ìgbéyàwó rẹ̀: bẹẹ gẹ́gẹ́ sì ni aya pẹ̀lú si ọkọ.”1 Kọ́ríńtì 7:3, Bibeli Yoruba Atọ́ka.

Ibi tí ìgbádùn ìbálòpọ̀ mọ

Àwọn tọkọtaya nìkan ni Ọlọ́run fẹ́ kó máa ní ìbálòpọ̀. Ìwé Hébérù 13:4 sọ pé: “Kí ìgbéyàwó ní ọlá láàárín gbogbo ènìyàn, kí ibùsùn ìgbéyàwó sì wà láìní ẹ̀gbin, nítorí Ọlọ́run yóò dá àwọn àgbèrè àti àwọn panṣágà lẹ́jọ́.” Àwọn tọkọtaya ní láti fọkàn tán ara wọn, kí wọ́n sì ṣera wọn lọ́kan. Àwọn tọkọtaya máa láyọ̀ gan-an tí kì í bá ṣe pé bí oníkálukú ṣe máa tẹ́ ìfẹ́ ara rẹ̀ lọ́rùn ló gbájú mọ́, wọ́n á láyọ̀ tí wọ́n bá ń tẹ̀ lé ìlànà Bíbélì tó sọ pé: “Ayọ̀ púpọ̀ wà nínú fífúnni ju èyí tí ó wà nínú rírígbà lọ”.Ìṣe 20:35.

 

Mọ Púpọ̀ Sí I

Kí Ni Bíbélì Fi Kọ́ni Gan-an?

Ohun Tó O Lè Ṣe Kí Ìdílé Rẹ Lè Jẹ́ Aláyọ̀

Àwọn ọkọ, àwọn aya, àwọn òbí àti àwọn ọmọ lè tẹ̀ lé àpẹẹrẹ bí Jésù ṣe nífẹ̀ẹ́ àwọn èèyàn. Ẹ̀kọ́ wo ni àpẹẹrẹ Jésù kọ́ wa?