Lọ wo ohun tó wà nínú rẹ̀

Lọ wo ohun yíyàn míì

Àwa Ẹlẹ́rìí Jèhófà

Yorùbá

Ṣé Ẹni Gidi Ni Ọlọ́run?

Ṣé Ẹni Gidi Ni Ọlọ́run?

Ohun tí Bíbélì sọ

Agbára tí Ọlọ́run ní kò láfiwé. Nígbà tí Bíbélì ń sọ̀rọ̀ nípa bó ṣe dá àìmọye ìràwọ̀, ó sọ pé: “Ẹ gbé ojú yín sókè réré, kí ẹ sì wò. Ta ni ó dá nǹkan wọ̀nyí? Ẹni tí ń mú ẹgbẹ́ ọmọ ogun wọn jáde wá ni, àní ní iye-iye, àwọn tí ó jẹ́ pé àní orúkọ ni [Ọlọ́run] fi ń pe gbogbo wọn. Nítorí ọ̀pọ̀ yanturu okun rẹ̀ alágbára gíga, àti ní ti pé òun ní okun inú nínú agbára, kò sí ìkankan nínú wọn tí ó dàwáàrí.”—Aísáyà 40:25, 26.

Àmọ́, ẹni gidi ni Ọlọ́run, kì í ṣe agbára àìrí kan. Bíbélì sọ pé Ọlọ́run máa ń mọ nǹkan lára, ó láwọn nǹkan tó nífẹ̀ẹ́ sí àtàwọn ohun tó kórìíra. (Sáàmù 11:5; Jòhánù 3:16) Ó tún jẹ́ ká mọ̀ pé ohun tí a bá ṣe lè mú kí inú Ọlọ́run dùn tàbí kí inú rẹ̀ bà jẹ́.—Sáàmù 78:40, 41.