Nwẹ Sọfa nạ Omung Okạm o?
Abi najou . . .
-
Eiya?
-
E ee?
-
Wọọdọ?
BOONG WA BAIBUL OJEI
“Ọbasẹ . . . nwọ nạ ọsankẹ yiyeen fanfanaya kạ ayẹẹn abẹẹ. Ẹdọ lobạ, obidạ mkpạnạ, obidạ kebạto, obidạ apeen maa yemung yeedạ.”—Kọyaala 21:3, 4, ke Nwẹnẹ yạ Ọbasẹ Kokpoo Kọpẹkọpẹwa.
BOONG WẠ IMIN OKOWỌỌ
Ọbasẹ oodạ onenghi mọọn yọ sọfai.—James 1:13.
Nạ ayiimạ ajou abi, sọfa ọmọọn ọpan Ọbasẹ ke ẹtẹẹm dẹnẹnẹ.—Zechariah 2:8.
Agạạgạạ ebạạ nạ akạm.—Saams 37:9-11.
YOFIBI YOYOKẸ BAIBUL KE LỌTUMAJOU?
Eiya, ke agen apoo:
-
Sọfa obạ yẹkpaani yetum yẹkọnni Ọbasẹ. Abalọọ kebe sạ yaponponạ ya kạyi yanẹn ba Jehovah ijani agạạgạạ, Baibul ojei obi, oniinạ Ọbasẹ ke ẹtẹẹm ọsẹngha obaa “bimin bạ ya nenghi bẹ keblenạ keblenạ.”—Jọjis 2:18, New World Translation.
Ọbasẹ oyeni lẹkonni je lẹtatawa okạạ bimin bạ ya nenghi kebungạbung ya kạyi yanẹn. Ke koyoomạ, Baibul ojei obi “bimin bạ yafii yanẹn” yatum yakọnnẹẹ.—Yẹsẹma 6:16, 17.
-
Ọbasẹ okạạyi ọnẹn ọnẹn lokpenạạ. Adạạ ọnẹn ọnẹn oyi kẹ “legạạgạạkpọng lẹwẹ oba dạ lenineiyẹ”, aJehovah nwọ oyimạ ọtakẹ ma!—2 Krọnikol 6:29, 30.
Ogạạnạ, aJehovah nạ otạạ kọkpamma kọwẹ otạạ odeli kẹ maa sọfa wạ ọnẹn ọnẹn. (Matthew 6:9, 10) Njẹna otạạ ka ọfawai bimin bạ yawoyẹ ke lọtumajou ntẹẹm.—Yenei 17:27; 2 Kọrẹnt 1:3, 4.
NỌNGHỌ MBALA MẠ LỌBLABLA JIMIN
Obide mbọng ọkaama Ọbasẹ otee sọfa ọyaama?
Kọpọna kọwẹ kọyau ka ROOM 5:12 oba 2 PETER 3:9.

