Lokaa
Odeyang Abalọọ Awi Lokạwa Nadạạ?
https://cms-imgp.jw-cdn.org/img/p/1102012770/afrn/art/1102012770_afrn_sqr_xl.jpg
T-31 pp. 1-4

Odeyang Abalọọ Awi Lokạwa Nadạạ?

Odeyang Abalọọ Awi Lokạwa Nadạạ?

Nwẹ ekpoon ẹmon min ebi nạ . . .

  • ededee ajin?

  • ebuwạạ ẹtama?

  • ẹyi ẹtama?

BOONG WA BAIBUL OJEI

“Ọbasẹ . . . nwọ nạ ọsankẹ yiyeen fanfanaya kạ ayẹẹn abẹẹ, edọ lobạ, obidạ mkpạnạ, obidạ kebạto, obidạ apeen maa yemung yeedạ ọsengha obaa taam bloong nti ye nkeletia yeblạ kẹ.”—Kọyaala 21:3, 4, ke Nwẹnẹ yạ Ọbasẹ Kokpoo Kọpẹkọpẹwa.

BOONG WẠ IMIN OKOWỌỌ

Yoneneng bạ nạ yokọọ yutẹmdala.—Isaiah 65:21-23.

Apeen obạ etomfa maa yemung yeedạ.—Isaiah 25:8; 33:24.

Etom ayoyowa obạ yadẹinẹn yawu.—Psalm 37:11, 29.

YOFIBI YOYOKẸ BAIBUL KE LỌTUMAJOU?

Eiya, ke agen apoo:

  • Ọbasẹ oyeni kebeng te oyoo kọwaki kọwẹ. Jehovah Ọbasẹ nwọnwọ a Baibul ọdẹẹ “Ọbasẹ wạ Odeen” ọgẹna ẹfa ẹwẹ kekemi eyeni. (Kọyaala 15:3) Ọkaama oyeni kebeng te oyoo kọwaki kọwẹ te oyonnoke ekpoon imin. A da Baibul ojei, “kạ Ọbasẹ bloong ebạạ yẹfẹya kẹ.” —Matthew 19:26.

  • Ọbasẹ oyeni lẹdẹi te oyoo kọwaki kọwẹ. Ke koyoomạ, a Jehovah ọkani owoyi te ọyẹmi kẹ yanẹn bạ yabeke ke lobạ.—Job 14:14, 15.

    Baibul oyeni okowạạ mọọn obi a Jesus wẹn wọ Ọbasẹ oboi yapenạpenạ. Mbọng ọkaama oneng aaja? Ọgẹna ọdẹyẹ te ọkaam yanẹn. (Mark 1:40, 41) A Jesus oseli yatte-a boong ọmung ke lẹdẹi lẹwẹ te ọkamkẹ yanẹn bạ yayau ke kikpaa.—John 14:9.

    Ke aaja, nạ yobenghạ yoyoo yobii a Jehovah obạ a Jesus yawoyi te ya kammọn, yayeni ya kạmọn yutẹmdala etieti ke awi lokạwa!—Saams 72:12-14; 145:16; 2 Peter 3:9.

NỌNGHỌ MBALA MẠ LỌBLABLA JIMIN

Odeyang Ọbasẹ nạ ọsẹngha oyonno ekpoon min te ẹyi ẹtama?

Kọpọna kọwẹ kọyau ka MATTHEW 6:9, 10 oba DANIEL 2:44.