Odeyang Akạạ Baibul?
Abi najou ode . . .
-
nwẹnẹ yọ ọnẹn?
-
nwẹnẹ lidaa?
-
likạạ jọ Ọbasẹ?
BOONG WA BAIBUL OJEI
“Bloong ebạạ ka Baibul, yafọnghi ke ẹfa yọ Ọbasẹ.”—2 Timothy 3:16, New World Translation.
BOONG WẠ IMIN OKOWỌỌ
Litumanẹnpọna liblabla etoma.—Yẹsẹma 2:1-5.
Ẹtumanẹnkoowạ etoma.—Sạạms 119:105.
Yẹnkẹnẹna etieti kạ awi lokạwaa.—Room 15:4.
YOFIBI YOYOKẸ BAIBUL KE LỌTUMAJOU?
Eiya, ke agen atele:
-
Bloong ebạạ ba Baibul ojei yẹyau ke koblemạ. Odeli yanẹn bạ yabeng apoo yebentam adu-anaa, te yafọng bloong bạ yẹyau ka Baibul. Mbạ bidi ididi yayi, dokpodaja bloong bạ yafọnghi ebạạ, ode leyinạtu jana.
-
Oyinạ lọtumajoua. Yawẹnẹnẹn ke yọfọfọng yọbẹ, yani duweikẹ lisẹba libẹ oba je yanẹn yabẹ. Òode yanẹn bạ yafọnghi Baibul yani yalaikẹ lisẹba libẹ obaa je lipon libẹ.—2 Krọnikol 36:15, 16; Saams 51:1-4.
-
Baibul libem ọọpa. Mmạ yamung yajemi lopon je yadẹi Babylon, Baibul oyinkẹ oyokẹ kạ mbentam ye nbeng ajoo. (Isaiah 13:17-22) Oyeni ofui jen je obọl wạ nnạ ojemi loponma oba dạ nnạ osẹnga ojemi jẹ.—Isaiah 45:1-3.
Bloong sosoo ba Baibul ojei yedebebẹkẹ. Nwẹ ma bloong bạ yeyoom te yoke ke likạạ je Ọbasẹ ode-oo?—2 Peter 1:21.
NỌNGHỌ MBALA MẠ LỌBLABLA JIMIN
Odeyang likạạ jọ Ọbasẹ nạ likọọ ulu ke etom ẹwu?
Kọpọna kọwẹ kọyau ka ISAIAH 48:17, 18 oba 2 TIMOTHY 3:16, 17.

