¿Empo a suale?

  • ¿Jewi?

  • ¿Eʼe?

  • Oo, ¿jumakuʼu?

 JUʼU BIBLIA JINIEN JIIA

Jume kokkosukame jiabijtetuana. (Krijtota yeu puʼarim yaʼari 24:15, Yoʼowe Jesukrijtota betana juʼu tuʼi nok lutuʼuria.)

¿JAISA ITOM ANIANE INIKAʼA JUʼUNEIYAKAI?

Yanti elwamta itom makne jabe itom nakemta mukuko (2 Korintiom 1:3, 4).

Katte unna a majaune juka kokkowamta (Ebreeom 2:15).

Witti te a bit boʼobicha jume itom nakeʼum kokkolame juchi itom am bitnepo (Joan 5:28, 29).

 ¿JAISAKAI ITEPO BIBLIATA TEUWAʼU TE AA SUALE?

Baji wemta te bitne:

  • Lioj juka jiapsiwamta juʼunaktek. Biblia jinien jiia Jehovata betana “juka jiapsiwamta intok juka jekata intok siʼimeta itou beʼemta itom a” makame. (Krijtota yeu puʼarim 17:24, 25; Apokalipsis 4:11). Aapo siʼimeta inikaʼa a yaʼala, kialikun Aapo juka utteata jippue jume kokkolame jiabijtetuane betchiʼibo.

  • Lioj waate yoemrata jiabijtetuak batnaʼataka. Biblia a teuwa woj naiki wemta yeu sikamta —oʼowim, jaamuchim, yoʼowem intok ka yoʼowem betana— inimeʼe intuchi inim Bwiapo jiapsakamme. Waate juʼubwela kokkolamtukan; bweta senu oʼou naiki taʼapo mukilatukan (Joan 11:39-44).

  • Lioj Aapo tua jume kokkolame juchia am jiabijtetuapea. Jehova juka kokkowamta tua omta bweʼituk a bejeʼeka aane (1 Korintiom 15:26). Aapo tua a luʼutapea juka kokkowamta, intok a yaʼane am jiabijtetuakai. Lioj kobapo am jippue jume intuchi inim Bwiapo am jiapsaʼiiame (Job 14:14, 15).

 EMO NATTEMAEʼE

¿Jaisakai te yoʼotuitusimne intok te kokko?

Bibliampo empo a teune juka yopnawamta GENESISPO 3:17-19 intok ROMAANOMPO 5:12.