Yumaisi a bitne uka informacionta

Menú secundariowi

Jehovata testigom

jiiak noki

¿Jitasa itou beʼe itom familiapo alleaka itom jiapsine betchiʼibo?

¿Jitasa itou beʼe itom familiapo alleaka itom jiapsine betchiʼibo?

¿Jita ama beʼe?

  • Yee nak waatiawame

  • Tomi

  • Taʼabwik jita

 JUʼU BIBLIA JINIEN JIIA

“¡Alleene wameʼe Liojta nooki jikkajaka intok a teuwaʼuta jooaka jiapsame!” (Lucas 11:28, Yoʼowe Jesukrijtota betana juʼu tuʼi nok lutuʼuria, ian taapo jiʼojtewa benasia.)

¿JAISA ITOM ANIANE INIKAʼA JUʼUNEIYAKAI?

Juka tua lutuʼuriapo emo nak waatiawamta te a teune (Efesios 5:28, 29).

Familiapo emo nau yoʼorina (Efesios 5:33).

Jume jubiarim intok jume kunawaim tua nat eenemme (Marcos 10:6-9).

 ¿JAISAKAI ITEPO BIBLIATA TEUWAʼU TE AA SUALE?

Woi wemta te bitne:

  • Lioj juka familiata yaak. Jume Bibliam inien jiia Lioj juka inim bat oʼouta intok juka bat jamutta nau juptuak, junuen beja juka familiata yaak (Génesis 2:18- 24). Jume familiam inim aayuk bweʼituk Jehová Lioj am juʼunaktek. ¿Jaisakai tua eiyasi maachi inikaʼa itom a mammattenepo?

    Yuu: empo jita si kiak bwaʼeteko intok empo juʼunepeateko jaisa jojoowa juʼu bwaʼame, ¿jabetausa empo nattemaeʼean? Bwe a yaakamtawi.

    Jiba benasia, empo a juʼuneiyapeateko jaisa em familiata alleaka jiapsine betchiʼibo, chea tuʼi te a juʼuneiyateko jaisa jiia Jehová Lioj familiata betana, bweʼituk aapo junaʼa juka familiata yaalame.

  • Lioj itom nake. Tuʼine si empo intok em familia jum Bibliampo Jehová Liojta tuʼu nookim jariwaateko, bweʼituk “aapo emot jiapseka emot au temae” (1 Pedro 5:6, 7). Jehová Lioj waka tuʼik ito betchiʼibo waata intok aapoʼik tuʼu nooki jiba yuu tuʼuwata yee maka (Proverbios 3:5, 6; Isaías 48:17, 18).

 EMO NATTEMAEʼE

¿Jaisa ne chea aa tuʼu kunawaitune, tuʼu jubiaritune oo tuʼu achaitune?

Bibliampo empo a teune juka yopnawamta EFESIOS 5:1, 2 intok COLOSENSES 3:18-21.