Yumaisi a bitne uka informacionta

Menú secundariowi

Jehovata testigom

jiiak noki

¿Jaisa machine juʼu ania bichau bicha?

¿Jaisa machine juʼu ania bichau bicha?

¿Jaisa iniʼi ania...

  • ... jiba benane?

  • ... chea nasontune?

  • ... emo rutuktane?

 JUʼU BIBLIA JINIEN JIIA

“Intok juʼu kokowame kaita intokotune, intok kia opoam woʼotawame juniʼi, jita betchiʼibo ka yantelwame intok kia jita koʼokosi machikai juniʼi kaita intokotune.” (Apokalipsis 21: 4, Yoʼowe Jesukrijtota betana juʼu tuʼi nok lutuʼuria, ian taapo jiʼojtewa benasia.)

¿JAISA ITOM ANIANE INIKAʼA JUʼUNEIYAKAI?

Tekilta allewachisi maachik intok tuʼik te jippune (Isaías 65:21-23).

Kaintoko te jiokot eene intok kaintoko te koʼokoe wattine (Isaías 25:8; Apokalipsis 7:17).

Jiba yuu betchiʼibo te alleaka jiapsine itomak werimmake intok itom jalaimmake (Salmo 37:11, 29).

 ¿JAISAKAI ITEPO BIBLIATA TEUWAʼU TE AA SUALE?

Woi wemta te bitne:

  • Lioj utteata jippue siʼimeta itou a naikilauta yea yumaane betchiʼibo. Bibliampo, tua Liojtau jiba inien jijiuwa “siʼimeta aa jooame.” (2 Corintios 6:18). Junue betchiʼibo aapo itou a naikiala inikaʼa bwiata chea tuʼisi a yaabae ti itou jiia, kialikun itepo te witti a suale tua junuen a yea yumaneepo. Bibliata a teuwa benasia, “juʼu Lioj siʼimeku yumaka a jooa” (Mateo 19:26).

  • Lioj inikaʼa a teuwakaʼu yea yumatuapea. Juʼu Biblia inien jiia Lioj aapo tua jume kokolame juchia am jiabijtetuapea (Job 14:14, 15).

    Ket a teuwa jaisa Jesús, juʼu Liojta uusi, kokoeme jittok. ¿Jaisakai inikaʼa yaak? Bweʼituk aapo am aniapean (Marcos 1:40, 41). Jesusta yaakaʼu yea bittuak a Achaiwata waataʼu, bweʼituk Lioj jume jiokot emo bichame am aniapea (Juan 5:19).

    Iniemak te witti a juʼuneiya Jehová into Jesús tua ujyolik jita itou naikiala bichau bicha (Salmo 72:12-14; 145:16; 2 Pedro 3:9).

 EMO NATTEMAEʼE

¿Jaisa tua juʼu Lioj inika aniata chea tuʼisi a yaʼane?

Bibliampo empo a teune juka yopnawamta MATEO 6:9, 10 intok DANIEL 2:44