Yumaisi a bitne uka informacionta

Menú secundariowi

Jehovata testigom

jiiak noki

¿Jitasa jume Bibliam e betchiʼibo?

¿Jitasa jume Bibliam e betchiʼibo?

¿Empo am jitasa ti jiia?

  • Yoim jiʼojtekau

  • Kia cuentom oo anokichia

  • Juʼu Liojta nooki

 JUʼU BIBLIA JINIEN JIIA

“Siʼime iniʼi Liojta betana nooki.” (2 Timoteo 3:16, Yoʼowe Jesukrijtota betana juʼu tuʼi nok lutuʼuria.)

¿JAISA ITOM ANIANE INIKAʼA JUʼUNEIYAKAI?

Itepo yopnawamta teune jiapsiwamta betana chea eiyasi maachim (Proverbios 2:1-5).

Chikti taapo te tuʼik aa yeu puane (Salmo 119:105).

Bichau bicha tuʼisi itom jiapsineu te bit boʼo bitne (Romanos 15:4).

 ¿JAISAKAI ITEPO BIBLIATA TEUWAʼU TE AA SUALE?

Baji wemta te bitne:

  • Yeu tajtia wepul lutuʼuriata nau weiya. Jume Bibliam cuarentam bepa oʼowim am jiʼojtek mil seisciento wasuktiampo. Juebenakai bempo katim emo taʼakamme, bweta wepul lutuʼuriata im nau weiya bem jiʼojtekapo. Siʼime jume Bibliam yeu tajtia jume Liojta team yoʼore intok a yaʼurawa.

  • Jume Bibliata jiʼojtekame tua lutuʼuriata ama jiʼojtek. Jume historiadorim amako bem nacionwa kobawakaapo katim a eʼetejo. Bweta jume Bibliam jiʼojtekame ka tuʼik bem yakau intok a nacionwa yakau katim a essok (2 Crónicas 36:15, 16; Salmo 51:1-4).

  • Jume profeciam jiba yuu yeu yuyumamme. Jume Bibliam jaibu a teuwalatukan juka ciudad Babiloniata wiutabaawapo woi ciento wasuktiam ke inikaʼa yeu yumao (Isaías 13:17-22). Intoket jaisa a yuʼinapo a teuwak into juka yaʼutta am yuʼinemta team teuwak (Isaías 45:1-3).

    Juebena profecía biblicam siʼimeku yeu yumala. ¿Jaisa te ka inikaʼa boʼo bit-ean Liojta nok lutuʼuria betana? (2 Pedro 1:21.)

 EMO NATTEMAEʼE

¿Jaisa nee aniane juʼu Liojta nooki?

Bibliampo empo a teune juka yopnawamta ISAÍAS 48:17, 18 intok 2 TIMOTEO 3:16, 17.