Yumaisi a bitne uka informacionta

Menú secundariowi

Índicewi

Jehovata testigom

jiiak noki

Liojta e nok jikkaja intok jiba yuu betchiʼibo jiapsine

 PARTE 6

¿Jita itom majta jume Noeta taewaim?

¿Jita itom majta jume Noeta taewaim?

Lioj jume ka nok jikkajakame am luʼutak, bweta Noeta intok a yoemiawam jinneʼuk (2 Peeo 2:5, 6)

Naabujti yukuk 40 taewaimpo intok 40 tukariampo. Baʼa a roptak juka Bwia aniata, intok siʼime jume ka tuʼi yoemem ama kokkok.

Jume ankelesim Liojtau taweka japtekame teekau nottekamme bweta Bebejeʼeritau bicha kuaktekamme. Ian junameʼe lemoniompo taʼewa.

Arcapo waiwa jokame jiba emo jinneʼuk. Wasuktiammake Noe intok a yoemiawam kokkok, bweta Lioj am jiabijtetuane, intok jiba betchiʼibo jiapsinemme.

 Lioj lauti jeela ka tuʼik jooame intuchi am luʼutane, bweta tuʼuwata jooame jinneʼune (Mateeo 24:37-39)

Juʼu Bebejeʼeri intok jume lemoniom yoemrata baitatta ian tajtia.

Iani, Noeta taewaimpo benasia, juebena yoemra ka Jehovata jikkajipeamme. Aapo Lioj cheʼa lauti jeela ka tuʼik jooame luʼutabae (Luukas 17:26, 27).

Bweta ian ketchia juebena yoemra Noeta benasi maachi bweʼituk juka Liojta nesawi jooa. Inimeʼe intok jume Jehovata testigom.