Yumaisi a bitne uka informacionta

Menú secundariowi

Índicewi

Jehovata testigom

jiiak noki

Liojta e nok jikkaja intok jiba yuu betchiʼibo jiapsine

 PARTE 5

¿Jabemsa Liojta nok jikkajak Noeta taewaimpo?

¿Jabemsa Liojta nok jikkajak Noeta taewaimpo?

Noeta taewaimpo siʼime jeela juʼu yoemra ka tuʼuwata joosuk (Genesis 6:5)

Adan intok Eva yoemiasuk, lauti juʼu yoemra buʼusi aayuk inim Bwiapo. Junuenbea, waate ankelesim Liojtau taweka japtek Bebejeʼerita auka benasia.

Jume ankelesim aabo koʼom yajak. Yoemiata benasi emo takaʼatuak jaamuchim bem jupbae betchiʼibo. Bem uusim si emo iʼiiam tomtak intok waatem bepa cheʼa uʼutteakan.

Siʼime aniat juʼu yoemia ka tuʼik jiapsekan. Juʼu Biblia a teuwa ka tuʼuwa inim Bwiapo yoemta jooaʼu juebenasi aayuk, jiba ka tuʼuwata joobaekaʼeanimme.

 Noe Liojta nok jikkajak intok arcata yaʼak (Genesis 6:13, 14, 18, 19, 22; Ebreeom 11:7)

Noe tuʼu yoemtukan. Jehova a tejwak wakaʼa ka tuʼi yoemrata luʼutabaekai unna yuktuakai am ropta betchiʼibo.

Lioj bweʼu kajata kutapo a yaʼasaek: iniʼi arcapo taʼewa. A yoemiawa ama kiimaʼean intok siʼime animalim yeu puʼarim.

Noe waatem tejwak bweʼu yukuta aabo weyepo, bweta bempo ka nok jikkajak. Waate kiala atbwak, waate intok tua unna a omtan.

Juʼu Noe arcata ansukai, jume animalim ama waiwa kiimak.