Mman ko pi n'en ni bay riy

Mman ko secondary menu

Mman ko table of contents

Pi Mich Rok Jehovah

Waab

Ngan Sul u Daken Boch Ban’en ko Fare Ke Babyor ni Mang e Rayog ni Nge Fil e Bible Ngodad?

6. Uw e Gad Ma Yan Ngay u Nap’an ni Gad Ra Yim’?

6. Uw e Gad Ma Yan Ngay u Nap’an ni Gad Ra Yim’?

1 NAPAN RA YIM’ BE’ MA KE MUS E YAFOS ROK ARAM

“Piin nib yam’ e dariy ban’en ni yad manang.”Eklesiastes 9:5, BT

Mang e ra buch rodad u nap’an ni gad ra yim’?

2 DE LEMNAG JEHOVAH NI NGA I YIM’ E GIRDI’

“Ke mus ni fare ke gek’iy ni ma tamilangnag an’uy ko tin nib fel’ nge tin nib kireb e dab mu koy. Thingar dab mu koy wom’engin. Ya rofen ni ga ra kay e ga ra yim’.”Genesis 2:17

Mang fan ni gad ma yim’?

  • Genesis 3:1-6

    Ke bannag Satan Efa u murung’agen e n’en ra buch rok ni faanra dabi fol ko motochiyel rok Got. Ere, nap’an ndaki fol Adam nge Efa rok Jehovah, ma aram mar denengow me munmun mar m’ow.

  • Genesis 3:19

    Nap’an ni yim’ Adam, ma daki moy.

  • Roma 5:12

    Denen e bod ba mit e m’ar nib kireb ni ke af rok e gal nsom’on e gallabthir rodad ngodad. Kan gargelegdad ni gad bogi tadenen, ere aram fan ni gad ma yim’.

  • 1 Korinth 15:26

    Be yog e Bible ni yam’ e aram reb e toogor.

3 TIN RIYUL’ U MURUNG’AGEN E YAM’ E RA AYUWEGDAD U BOCH E BAN

“Faanra yim’ be’, ma gur ku rayog ni ngki fos bayay? Machane gag e bay gu . . . son nge chuw e ngiyal’ ney nib gafgow.”Job 14:14, BT

Faan gad ra nang e tin riyul’ u murung’agen e yam’, ma uw rogon nra ayuwegdad u boch e ban?

  • 1 John 4:16

    Fare machib u murung’agen e nifiy ndabi math biid e be darifannag Jehovah, ya Jehovah e dabi pag e girdi’ ni ngar gafgowgad ni aram rogon.

  • Revelation 4:11

    Boor e girdi’ ni yad ma rus ko yam’, ere aram fan ni yad ma liyor ngak e piin ni kar m’ad ko bin ni ngar liyorgad ngak Jehovah. Jehovah e ir e bin riyul’ e Got ma kemus ni yigoo ir e ngad liyorgad ngak.