Mman ko pi n'en ni bay riy

Mman ko secondary menu

Mman ko table of contents

Pi Mich Rok Jehovah

Waab

Ngan Sul u Daken Boch Ban’en ko Fare Ke Babyor ni Mang e Rayog ni Nge Fil e Bible Ngodad?

18. Ba T’uf ni Nggu Ognag e Yafos Rog ngak Got Nggu Un ko Taufe, Fa?

18. Ba T’uf ni Nggu Ognag e Yafos Rog ngak Got Nggu Un ko Taufe, Fa?

1 NGGU UN KO TAUFE, FA?

“Baaray e ran. Mang ndab ntaufenigeg?”Acts 8:36

Mang fan ni ngad uned ko taufe, ma uw rogon ni ngad rin’ed e re n’ey?

Ga ra un ko taufe ma aram e ga be dag ni kam digey e bin kakrom i pangim ma kam beechnag e ngongol rom ni ngam rin’ e n’en nib m’agan’ Got ngay.

  • Matthew 28:19, 20

    Ba t’uf ni ngam un ko taufe ya nge yag nim pigpig ngak Jehovah.

  • Psalm 40:8

    Ga ra un ko taufe ma aram e kam dag ngak e girdi’ ni yoor ni ga baadag ni ngam pigpig ngak Got.

  • Matthew 3:16

    Rogon e taufe ni ngan tay ngak be’ e thingar ni lithag nga ar ni bod rogon ni kan rin’ ngak Jesus.

2 DER LEMNAG JEHOVAH NI NGAM RIN’ BAN’EN NDABIYOG ROM

“Baaray fan ni nge t’uf Got rodad: fan e ngad folgad ko tin ni ke yog ni ngad rin’ed. Ma tin ni ke yog ni ngad rin’ed e gathi rib mo’maw’.”1 John 5:3

Mang fan nsusun e dab mu rus ni ngam ognagem ngak Jehovah?

  • Psalm 103:14; Isaiah 41:10

    De t’uf ni ngam flont mfini yag ni ngam ognagem ngak Jehovah. Ra ayuwegem ni ngam rin’ e tin nib mat’aw.

  • Kolose 1:10

    T’ufeg rom ngak Jehovah e aram e n’en nra ayuwegem ni nge dab mu rus nri de yag ni ngam rin’ e n’en ni kam micheg ngak.

3 BOCH BAN’EN NIB T’UF NI NGAM RIN’ U M’ON NI NGAM UN KO TAUFE

“Got rog, ri gub adag ni nggu rin’ e tin nib m’agan’um ngay! Thin rom e be par u fithik’ i lanin’ug.”Psalm 40:8

Mang e ba t’uf ni ngam rin’ ya nge yag nim ognag e yafos rom ngak Jehovah?

  • John 17:3

    MU FIL E THIN ROK GOT

    Ngam nang rarogon Jehovah nge Jesus Kristus. Ra yoor ban’en nim fil u murung’agrow, ma aram e ra gel e t’ufeg rom ngorow.

  • Hebrews 11:6

    MU GELNAG E MICHAN’ ROM

    Thingari pagan’um ko pi n’en ni ke micheg Got nge fare biyul ni pi’ Jesus ni ir e ke chuwegdad u tan gelngin e denen nge yam’.

  • Acts 3:19

    MU KALNGAN’UM

    Re n’ey e be yip’ fan ni ngam dabuy urngin e kireb ni kam rin’ mag kalngan’um riy.

    MU PI’ KERUUM KO KIREB ROM

    Re n’ey e be yip’ fan ni ngam tal i rin’ e ngongol nib kireb mag rin’ e tin nib fel’.

  • 1 Peter 4:2

    MU OGNAGEM NGAK GOT

    Ga ra ognagem ngak Jehovah ma aram e kam micheg ngak u daken e meybil ni ngam pigpig ngak mag tay e tin nib m’agan’ ngay ni aram e n’en nth’abi ga’ fan u lan e yafos rom.