Mman ko pi n'en ni bay riy

Mman ko secondary menu

Mman ko table of contents

Pi Mich Rok Jehovah

Waab

Ngan Sul u Daken Boch Ban’en ko Fare Ke Babyor ni Mang e Rayog ni Nge Fil e Bible Ngodad?

14. Rayog ni Nge Yib e Felfelan’ Nga Lan e Tabinaw Rom

14. Rayog ni Nge Yib e Felfelan’ Nga Lan e Tabinaw Rom

1 JEHOVAH E IR E SUNMIY E TABINAW

“Ereray fan ni gu ma ragbug u p’eowchen Got ni Chitamangiy, ni bin riyul’ i fithingan urngin e tabinaw nu tharmiy ngu but’ e ir e yib rok.”Efesus 3:14, 15

Uw rogon nrayog ni nge felfelan’ e tabinaw rom?

  • Genesis 1:26-28

    Jehovah e ir e sunmiy e bin som’on e tabinaw.

  • Efesus 5:1, 2

    Faan yira folwok rok Jehovah nge Jesus ma aram e n’en nra yibnag e felfelan’ nga lan e tabinaw.

2 ROGON NI NGAM MANG REB I FIGIRNGIY NGE REB I LEENGIY NIB FEL’

“Urngin e pumoon e thingari t’uf rok leengin . . . ma urngin e ppin ni thingari ta’ fan figirngin.”Efesus 5:33

Uw rogon ni nga i ngongol e en figirngiy nge en leengiy ngorow?

  • Efesus 5:22-29

    En figirngiy e ba milfan e tabinaw ngak. Susun ni nge t’ufeg leengin, ma en leengiy e susun ni nga i m’agan’ ko pi n’en ni ke dugliy figirngin.

  • Kolose 3:19; 1 Peter 3:4

    Ba t’uf ni ngaur sumunguygow ngorow, ma ur lemnagew yow.

  • 1 Peter 3:1, 2, 7

    En figirngiy nge en leengiy e susun ni ngaur ngongolgow ngorow u fithik’ e tayfan.

  • 1 Timothy 5:8; Titus 2:4, 5

    En figirngiy e susun ni nga i pi’ e tin nib t’uf ko tabinaw rok. Ma en leengiy e susun ni nga i ayuweg e tabinaw rok nib fel’ rogon.

3 ROGON NI NGE MANG BE’ REB E GALLABTHIR NIB FEL’

“Dab um puwan’gad ngak pi fakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’nagrad nrogon, mi gimed fonownagrad nrogon girdien Kristus.”Efesus 6:4

Mang e ba milfan ko piin gallabthir?

  • Deuteronomy 6:4-9; Proverbs 22:6

    Ba t’uf ni ngam tay e tayim ni ngam fil murung’agen Jehovah ko bitir rom. Mu gum’an’nigem ngam ayuwegrad ni ngar manged fager rok Jehovah u nap’an ni ka yad bbitir.

  • 1 Peter 5:8

    Mu fil ko bitir rom rogon ni ngar ayuweged yad ko piin ni yad ma guy rogon ni ngar rin’ed boch ban’en nib kireb ko piin bitir nge boch ban’en ni bay e riya’ riy.

  • Jeremiah 30:11; Hebrews 12:9-11

    Ba t’uf ni ngam fonownag e bitir rom, machane dab mu rin’ u fithik’ e damumuw ara mu rin’ u reb e kanawo’ nra gafgow e bitir rom riy.

4 N’EN NI BAADAG GOT NI NGE RIN’ E PIIN BITIR

“Piin ni bitir, thingar mu folgad rok e gallibthir romed.”Efesus 6:1

Piin bitir, mang fan ni ngam folgad ko gallabthir romed?

  • Proverbs 23:22-25; Kolose 3:20

    Faan ga ra fol ma aram e ga ra felfelan’nag Jehovah nge gallabthir rom.

  • 1 Korinth 15:33

    Mu gay boch e girdi’ ni ngar manged fager rom nib t’uf Jehovah rorad. Faan ga ra rin’ ni aray rogon, ma aram e ra mom ngom ni ngam rin’ e tin nib fel’.