Mman ko pi n'en ni bay riy

Mman ko secondary menu

Mman ko table of contents

Pi Mich Rok Jehovah

Waab

Ngan Sul u Daken Boch Ban’en ko Fare Ke Babyor ni Mang e Rayog ni Nge Fil e Bible Ngodad?

13. Mu Tayfan e Yafos ni Kan Pi’ Ngodad nib Tow’ath

13. Mu Tayfan e Yafos ni Kan Pi’ Ngodad nib Tow’ath

1 MU TAYFAN E YAFOS NI KAN PI’ NGODAD NIB TOW’ATH

“I gur enggin gubin e yafos.”Psalm 36:9, BT

Uw rogon ni ngad daged ni gad be tayfan e yafos?

2 YAFOS NGE RACHA’

“Yafos ko gubin ban’en nib fos e bay u fithik’ e racha’.”Levitikus 17:14, BT

Uw rogon e yafos nge racha’ u wan’ Got?

3 ROGON KANAWOEN NI NGAN FANAY E RACHA’ NIB M’AGAN’ JEHOVAH NGAY

“Rachaen Jesus . . . e be beechnagdad u urngin e denen rodad.”1 John 1:7

Mang e ra yag ngodad ni bochan e maligach ni pi’ Jesus?

  • Levitikus 17:11

    Kakrom u nap’an piyu Israel e nap’an nra denen be’, ma ma pi’ e gamanman ni maligach, me yog ngak e prist ni nge puog boch e racha’ riy nga daken e altar ya nge n’ag Jehovah fan e denen rok.

  • Matthew 20:28; Hebrews 9:11-14

    Nap’an ni yib Jesus nga fayleng, me pi’ e yafos rok ni nge biyuliy e denen rodad, ma yafos rok ni ke pi’ e ke yan nga lon fare motochiyel u murungagen e gamanman ni yima pi’ ni maligach.

  • John 3:16

    Rib ga’ fan e yafos rok Jesus, ya tomuren ni faseg Jehovah nge sul nga tharmiy, ma aram me bing Jehovah e kanawo’ ngak e piin ni yad ra maruweliy e michan’ rorad ko fare biyul ni pi’ Jesus ni nge yag e yafos ni manemus ngorad.