Mman ko pi n'en ni bay riy

Mman ko secondary menu

Mman ko table of contents

Pi Mich Rok Jehovah

Waab

Ngan Sul u Daken Boch Ban’en ko Fare Ke Babyor ni Mang e Rayog ni Nge Fil e Bible Ngodad?

11. Mang Fan ni Kari Yoor e Gafgow?

11. Mang Fan ni Kari Yoor e Gafgow?

1 DER MA K’ARING JEHOVAH E GAFGOW

“I Got, ni Gubin ma Rayog rok e der ma rin’ e kireb; ma dariy ba ngiyal’ ni ma sasalap ngak be’.”Job 34:12, BT

Mang fan ni kari yoor e gafgow u fayleng?

  • 1 John 5:19

    Satan ni Moonyan’ e ir e be gagiyegnag e fayleng.

  • Eklesiastes 8:9

    Girdi’ e yad be k’aring e gafgow ngak yugu boch e girdi’.

  • Eklesiastes 9:11

    Yu ngiyal’ e ma gafgow e girdi’ ni bochan e ma buch boch ban’en ndan lemnag nra buch.

  • 1 Peter 5:7

    Rib t’uf e girdi’ rok Jehovah. Dabun ni be guy e girdi’ ni yad be gafgow.

2 KE TOGOPULUW SATAN NGA MAT’AWUN JEHOVAH NI NGE GAGIYEG

“Manang ni gimew ra . . . bod Got, me tamilangan’mew ngam nangew e n’en nib fel’ nge n’en nib kireb ni bod ir.”Genesis 3:5

Mang fan nde fek Jehovah owchen ko togopuluw ni tay Satan?

  • Genesis 3:2-5

    Ke yog Satan nib kireb rogon ni be gagiyeg Got. Baadag ni nge lemnag e girdi’ ni bay mat’awrad ni ngar dugliyed e n’en nib fel’ nge n’en nib kireb ni ngar rin’ed.

  • Job 38:7

    I togopuluw Satan ngak Jehovah u p’eowchen bokum milyon e engel.

3 DE YIB ANGIN E TOGOPULUW NI TAY SATAN

“Dariy be’ ni bay gafan e yafos rok u pa’.”Jeremiah 10:23, BT

Mang fan ni kari n’uw nap’an ni be gafgow e girdi’?

  • Isaiah 55:9

    Yugu aram rogon ni kab kakrom i yib ni boor mit e am ni ke sunmiy e girdi’, machane dabiyog rorad ni ngar gagiyegniged e fayleng nib fel’ rogon ni faanra der ayuwegrad Got.

  • 2 Peter 3:9, 10

    Ba gum’an’ Jehovah ma be pi’ e tayim ngodad ni ngad nanged rarogon ma gad mel’eg ni nge mang Ir e Gagiyegnagdad.

  • 1 John 3:8

    Ra fanay Jehovah Jesus ni nge sulweg e pi n’en ni ke kirebnag Satan nga rogon.

4 MU FANAY E PUF ROGON ROM NI NGAM PIGPIG KU JEHOVAH

“Fakag, mu gonop, . . . ya bay e fulweg ni gu ra yog ko en be gathibthibnageg.”Proverbs 27:11, BT

Mang fan nder ma towasariydad Jehovah ni ngad pigpiggad ngak?

  • Proverbs 30:24

    Gamanman e kemus nrayog ni ngar rin’ed e pi n’en ni kan sunmiyrad ni ngar rin’ed, machane gadad e ke pi’ Jehovah e puf rogon ngodad. Rayog ni ngad dugliyed ko ngad pigpiggad ngak fa danga’.

  • Matthew 22:37, 38

    Baadag Jehovah ni ngad pigpiggad ngak ni bochan e ba t’uf rodad.